Vinstrifylkingin stelur fylgi Pírata og ekki-umsóknin

Samfylkingin ætlar sér oddvitahlutverk á alþingi í ESB-málinu enda dregur það hlutverk fjöður yfir þá staðreynd að Píratar fá mesta fylgið hjá þjóðinni að Sjálfstæðisflokknum undanskildum.

Feisbúkk-mótmælin um helgina, sem skiluðu innan við 2000 manns á Austurvöll, eru ekki til skiptanna; um leið og Píratar fatta snúning Árna Páls munu þeir kippa að sér hendinni.

Óðum rennur upp fyrir fólk það sem Svavar Alfreð Jónsson orðar hnyttilega að lýðræðið var aldrei með í för þegar ESB-umsókninni var hrundið úr vör fyrir sex árum. ESB-sinnar sem kynna sér sjónarmið annarra en trúbræðra sinna, t.d. Egill Helgason, átta sig á að Ísland var aldrei á leiðinni í ESB. Samfylkingarumsóknin var ekki-umsókn; ætluð til innanlandsbrúks en aldrei stóð til að hún breytti stöðu Íslands í samfélagi þjóðanna.

Draumórar Árna Páls um að leiða nýja ESB-sinnaða vinstrifylkingu verða orðnir að martröð fyrir vikulok.

„Gunnar Bragi fullkomlega úti að aka“

Athugasemdir

[Helga Kristjánsdóttir, 16.3.2015 kl. 13:16]

Púff,þetta er farið að líkjast forræðisdeilu. "Umsóknin" er þó afkvæmi Samfylkingar. 

[Ómar Ragnarsson, 16.3.2015 kl. 13:30]

"Innan við 2000 manns."  Mikil er trú þín. 

[Wilhelm Emilsson, 16.3.2015 kl. 15:26]

Samkvæmt Morgunblaðinu voru um 7000 manns á svæðinu. Samkvæmt Páli voru innan við 2000 manns á svæðinu. Allt saman áróður. Það var enginn þarna. Ekkert að sjá. Málið dautt. Steindautt. 

[Jóhann Elíasson, 16.3.2015 kl. 20:47]

Það sér það hver heilvita maður að 7.000 - 8.000 manns komast ekki fyrir á Austurvelli enda fer það eftir því hver segir frá eða við hvern var talað, hversu margir voru á Austurvelli..