RÚV skáldar og stundar aðgerðafréttamennsku

RÚV skáldar fréttir um Evrópusambandið og stundar aðgerðafréttamennsku í Evrópumálum eins og síðasta vika leiddi í ljós þegar RÚV leitaði um allar þorpagrundir að ESB-sinnum í Sjálfstæðisflokknum en kerfisbundið sniðgekk yfirgnæfandi meirihluta sjálfstæðismanna sem andvígir eru ESB-aðild..

RÚV er fagleg ruslakista blaðamanna sem ekki bera lágmarksvirðingu fyrir starfi sínu ef þeir á annað borð kunna eða vita eitthvað um blaðamennsku.

Utanríkisráðherra ríður á vaðið og neitar að veita RÚV viðtal nema í beinni útsendingu, - til að girða fyrir möguleika aðgerðasinna á fréttastofu RÚV að klippa veruleikann til í þágu ESB-sinna. Aðrir ráðherrar hljóta að fylgja í kjölfarið.

„Ef þið klippið ekki allt til“

Athugasemdir

[Kristján B Kristinsson (IP-tala skráð) 3.3.2014 kl. 16:23]

Ætli gæðastandardinn á liðinu þarna sé ekki svipaður og stórum hluta liðsins í gamla tukthúsinu við Austuvöll.

[Halldór Björgvin Jóhannsson, 3.3.2014 kl. 16:27]

Þetta var nátturulega bráðfyndin athugasemd hjá Hauki Holm og kemur úr hörðustu átt, ég hefði einmitt viljað spyrja þá fréttamennina að sömu spurningu, sérstaklega þar sem fjölmiðlar á Íslandi virðast haldnir þeirri ranghugsun að þeir eigi að búa til fréttir, ekki flytja þær.

Og hvað með reglurnar sem þessi fréttastofa allra landsmanna í lýðræðisríkinu brýtur reglur sem settar hafa verið henni í þágu þjóðar, þarna er ég að tala um reglu hlutleysis sem rúv hefur hunsað mjög lengi.

Þetta ætti ekki að koma þeim á óvart miðað við hvernig þeir láta, það gerir það eflaust ekki en þeir sjá sér færi á að búa til frétt þarna. 

[Hrólfur Þ Hraundal, 3.3.2014 kl. 20:57]

Þó að háttvísi sé gulls í gildi þá dugar hún ekki við þjófa, síst af öllu lögverndaða sanleiks þjófa.

[Gunnlaugur I., 3.3.2014 kl. 21:13]

Fréttastofa RÚV hefði sæmt sér ágætlega sem Ríkisfjölmiðill Samfylkingarinnar í Austur- Þýskalandi við að segja hinn eina rétta sannleika og halda honum að alþýðunni !

[Ómar Ragnarsson, 3.3.2014 kl. 21:53]

Ég minnist þess ekki að í 47 ára sögu Sjónvarpsins hafi stjórnmálamaður sett svona skilyrði fyrir viðtali. Vísa í bloggpistil minn um þetta efni.

[Helga Kristjánsdóttir, 3.3.2014 kl. 21:55]

Þess vegna fengu þeir viðurnenið DDRÚV.

[Wilhelm Emilsson, 3.3.2014 kl. 23:23]

Í þættinum Mín skoðun varstu mjög hófstilltur, Páll, ákveðinn, en hófstilltur. En þegar þú skrifar hér ertu allt öðru vísi og skrifar hluti eins og þessa. "RÚV er fagleg ruslakista blaðamanna sem ekki bera lágmarksvirðingu fyrir starfi sínu ef þeir á annað borð kunna eða vita eitthvað um blaðamennsku." Þetta er nokkuð merkilegt.

[Ragnhildur Kolka, 3.3.2014 kl. 23:46]

Stundum þarf að grípa til örþrifaráða og nú er sú stund runnin upp gagnvart DDRÚV.

[Ómar Bjarki Kristjánsson, 4.3.2014 kl. 01:29]

Þetta er einhver hlægilegasta framkoma stjórnmálamanns allavega í háa herrans tíð eða allavega sem verður svona opinber.

Eitt af vandamálum sem Andstæðingar ESB eiga við að stríða er að þeir láta tilganginn svo helga meðalið að þeir missa gjörsamlega sýn á öllu meðal-hófi, raunsæi og lágmarksskynsemi.

Það er þessvegna sem fáir vilja orðið leggja nafn sitt við andstæðinga Evrópusambandsins. Ofsinn og ofstækið er fram úr öllu hófi.

Í þessu ákveðna tilfelli með svokallaðan undirutanríkisráðherra (því yfirutanríkisráðherra er hérna úti á nesi) þá er hann eins og 5 ára frekur krakki í besta falli en í versta falli eins og eitthvað sem má ekki nefna.

Já, hann ætti bara kannski að taka viðtal við sig sjálfur og spila það á framsóknarútvarpsstöð? Haha að maðurinn skuli hafa misst alveg svona stjórn á sér sýnir líka og sannar - að maðurinn er ekkert hæfur til að gegna opinberu embætti fyrir landið. Hann er óhæfur.

Hann er nú kominn í flokk ráðherra núv. stjórnar sem hafa misst allan trúverðugleika og opinberað sig sem gjör van- og óhæfa starfsmenn vestræns lýðræðisríkis.

Það er bara tímaspursmál hvernær þessi svokallaða ríkisstjórn fellur.