Fréttastofa RÚV braut lög

Frétt RÚV um andstöðu Íslendinga við krónuna og stuðning við evru er að stærstum hluta lygi. Heimssýnarbloggið vakti athygli á fréttalygi RÚV. Fréttastofa RÚV laug því til að gerð hefði verið skoðanakönnun um afstöðu Íslendinga til evru. 

Eina heimildin sem fréttastofa RÚV vísaði til í fréttinni var könnun Fréttablaðsins um afstöðu almennings til krónunnar. Í könnun Fréttablaðsins var ekki spurt um afstöðu til evru. Engu að síður sagði RÚV

Jafnmargir Íslendingar vilja halda krónunni og vilja evru. Þetta kemur fram í skoðanakönnun Fréttablaðsins og Stöðvar 2, en alls vilja 50,3 prósent halda krónunni og 49,7 prósent taka upp evru - munur sem er langt innan skekkjumarka. Stuðningur við evru fer hins vegar stigvaxandi og hefur aukist um tólf prósent frá því í apríl 2009.

Allt sem segir um evruna í frétt RÚV er uppspuni frá rótum eins og sést á frétt Fréttablaðsins, sem er eina heimild RÚV.

Í lögum um RÚV segir að stofnunin skuli

Veita víðtæka, áreiðanlega, almenna og hlutlæga frétta- og fréttaskýringarþjónustu um innlend og erlend málefni líðandi stundar.

Ennfremur segir í lögunum

 Í starfsháttum sínum skal Ríkisútvarpið:

1. Vera til fyrirmyndar um gæði og fagleg vinnubrögð.
2. Ábyrgjast að sanngirni og hlutlægni sé gætt í frásögn, túlkun og dagskrárgerð, leitað sé upplýsinga frá báðum eða öllum aðilum og sjónarmið þeirra kynnt sem jafnast.
3. Sannreyna að heimildir séu réttar og að sanngirni sé gætt í framsetningu og efnistökum.

Hér er engum blöðum um það að fletta að RÚV braut lög með skálduðu fréttinni á fimmtudagsmorgunn. RÚV var í gær knúið til að viðurkenna afbrotið.

Óðinn Jónsson er fréttastjóri RÚV og er sem slíkur ábyrgur fyrir lögbroti fréttastofunnar. Óðinn hlýtur að að víkja úr stöðu sinni þegar það liggur fyrir að fréttastofa RÚV er ber að lögbroti. Stjórn RÚV hlýtur að grípa í taumana ef Óðinn hyggst sitja áfram eins og ekkert hafi í skorist. 

 

 

Athugasemdir

[Gunnar Th. Gunnarsson, 10.2.2014 kl. 09:11]

Fréttastofan snýr staðreyndunum á hvolf. Samkvæmt könnun frá 2009 vildu 38% krónuna en 50% í dag.

Þetta er tæplega 30% munur en ekki 12%. Fréttastofunni hefur þótt þægilegra að draga 38 frá 50 og fengið þannig út 12.