Brynjar Níelsson: stjórnmálamenn hætti að blekkja almenning

Stjórnmálamenn sem halda því fram að hægt sé að ,,kíkja í pakkann" blekkja almenning, segir Brynjar Níelsson lögmaður og þingmaður. Gefum Brynjari orðið

Það virðast margir trúa því enn að aðildarviðræður snúist um að „kíkja í pakkann“. Þessi „pakki“ er regluverk ESB. Hann er þekktur og undan honum semur sig enginn. Aðildarviðræður, sem sumir kalla samningaviðræður, snúast í öllum meginatriðum um það hvernig regluverk ESB kemur til framkvæmda og á hvað löngum tíma. Stjórnmálamenn eiga því að hætta að blekkja almenning í þessu efni. Það eru engar vöruhillur í stórmarkaði ESB, sem Íslendingar velja úr af handahófi, eftir smekk og þörf. Við vitum hverjir eru kostir og gallar við aðild að ESB. Umræðan á að vera um hvort vegur þyngra, kostirnir eða gallarnir. Og hvort það prinsipp um að vera fullvalda þjóð í eigin landi skipti einhverju máli í því hagsmunamati.

Brynjar tekur af öll tvímæli um eigin afstöðu:

Sjálfum hugnast mér ekki aðild að ESB, enda tel ég hagsmunum okkar best borgið utan þess til lengri tíma litið. Það er í samræmi við landsfundarsamþykktir Sjálfstæðisflokksins. Fyrir þessu sjónarmiði eru ýmsar ástæður og skynsamleg rök. Mér þykir mikilvægt að tilheyra frjálsri þjóð í eigin landi og geri ráð fyrir því að flestir Íslendingar deili þeirri skoðun með mér. Menn mega kalla það þjóðrembu mín vegna.

Engar varanlegar undanþágur

Athugasemdir

[Tómas Ibsen Halldórsson, 18.2.2014 kl. 13:14]

Afskaplega er þetta vel orðað hjá Brynjari, enda hljóta allir þjóhollir Íslendingar að vera honum sammála.  Ég er það alla vega.

[Ómar Bjarki Kristjánsson, 18.2.2014 kl. 13:25]

Þetta er allt gott og blessað - nema að því leiti að það er ekki í tengslum við neinn raunveruleika.

Einhverjar fabúleringar andsinna uppúr öðrum fabúleringum andsinna - og svo koll af kolli.

Að öðru leiti er hneykslanlegt að sjá framferði hægr-aflanna og andsinna núna gagnvart sinni eigin þjóð. Hneykslanlegt.

Ofbeldis-própaganda og svo barið á aumingjans innbyggjum hérna með hálfvitabulli úr ranni andsinna.

[Jón Þórhallsson, 18.2.2014 kl. 13:47]

Erum við nú ekki þegar búin að afsala okkur frelsi að einhverju leyti með EES?

Þannig að spurningin ætti að vera hvort við ættum ekki að halda áfram inn í ESB og tengjast stærri hagkerfi með þeim kostum sem því gæti fylgt

(lægri verðbólga).

EÐA

Að bakka að öllu út úr EES og slíta öllu viðskiptasamstarfi á þessum vettvangi?

Væri ekki best að halda einhverskonar þjóðaratkvæðagreiðslu þessu tengdu?

[Helga Kristjánsdóttir, 18.2.2014 kl. 16:29]

Einu sinni enn þessi mýta með skert frelsi við EES-samninga. Þegar þingmenn taka við sér og skrifa um það sem er margbúið að skrifa á hinum ýmsu bloggum,fer þetta að vera léttara. Almenningur á það inni að fara nú að losna við þessa fj.umsókn,hangandi yfir sér.!

[Predikarinn - Cacoethes scribendi , 18.2.2014 kl. 17:55]

Heyr heyr !