Fimmtudagur, 1. júlí 2010
Þjóðleg íhaldsstefna í stórsókn
Fullveldi, ábyrgð og ráðdeild er þríein stjórnmálastefna sem sækir í sig veðrið og verður ráðandi næstu árin. Sjálfstæðisflokkurinn annars vegar og hins vegar Vinstrihreyfingin grænt framboð eru farvegir fyrir stjórnmálastefnu eftirhrunsins. Eftir ævintýramennsku útrásarinnar og pólitískri fíflsku leitar þjóðin í grunngildin.
Evrópusambandsumsóknin er pólitískt framhald af fjármálaútrásinni og á sem slík enga möguleika að laða til sín stuðning almennings. í utanríkismálum mun þjóðin gefa sér tíma til að ráða ráðum sínum og æðibunugangur afþakkaður.
Hrunið, aðdragandi og eftirmál, mun skilgreina stjórnmálaumræðuna til langrar framtíðar.
RSSHeimsóknir
Flettingar
- Í dag (30.4.): 2122
- Sl. sólarhring: 2613
- Sl. viku: 16798
- Frá upphafi: 12665895
Annað
- Innlit í dag: 1684
- Innlit sl. viku: 13415
- Gestir í dag: 1539
- IP-tölur í dag: 1443
Uppfært á 3 mín. fresti.
Skýringar
Athugasemdir
Loksins.
Hef haldið afar margar ræður á Landsfundum um, að það skorti einmitt, frekari og öruggari þjóðlegar viðmiðanir og stefnu, þar sem menn viðurkenna, að 300 þúsund manna þjóð ÞARF að fara afar varlega í samningum um ,,gagnkvæman rétt" manna og fyrirtækja, bæði hvað varðar eign á landi, auðlindum, fyrirtækjum og flutningi fjár milli landa.
Verum minnugir þess, að við íslendingar erum líkt og annað fólk, afar misjafnt og sumir eru til sölu fyrir lítið fé og þá er þeim slétt sama um, hvað varðar ,,hina" íslendingana, eins lengi og aurar koma í buddu þeirra um stuttan tíma lífs þeirra.
Mibbó
vill fara að dæmum Sviss og fara úr EES og semja TVÍHLIÐA við viðskiptablokkirnar.
Miðbæjaríhaldið
Bjarni Kjartansson, 1.7.2010 kl. 15:47
Alveg er það mér óskiljanlegt hvað þú sért við tja svikahrappin Steingrím. (Er hægt að segja það á kurteisislegri máta?).
En það er alveg satt að mjög mikið er hægt að læra af Sviss.
Og þar er ekki mikið um Vinstri Græna pólitík.
Það er ekki tilviljun.
jonasgeir (IP-tala skráð) 1.7.2010 kl. 16:30
Páll, því mærir þú VG? Eru þeir ekki þess valdandi að íslendingar hafa sótt um aðild að ESB?
Palli (IP-tala skráð) 1.7.2010 kl. 17:29
Minni á að allir í VG eins og hann lagði sig, fyrir utan 2, sviku og sögðu JÁ við Icesave með Samfylkingunni. Og næstum allur VG eins og hann lagði sig sveik í EU-málinu.
Elle_, 1.7.2010 kl. 17:46
Á mæltu máli er þetta kallað fasismi
JSH (IP-tala skráð) 1.7.2010 kl. 17:50
Það fer um mig léttur hrollur þegar ég les : "Þjóðleg íhaldsstefna" árið 2010
Finnur Bárðarson, 1.7.2010 kl. 18:43
Nú er bara að kynna sér stefnuskrár systurflokka Sjálfstæðisflokksins og annarra þjóðlegra íhaldsmanna:
National-conservative parties worldwide
Einar (IP-tala skráð) 1.7.2010 kl. 18:56
Einar:
Góður!
Páll:
Hvernig er komið fyrir Sjálfstæðisflokknum?
Þið viljið halla ykkur upp að Kínverska kommúnistaflokknum og Pútín og spillingaröflunum í Rússlandi?
Og nú viljið þið komast í ríkisstjórn með kommúnistum, sósíalistum, öfga-femínistum, öfgaumhverfissinnum og stjórnleysingjum!
Hvaða vegferð eruð þið á?
Og svo eruð þið hissa á að maður yfirgefi flokkinn!!!
Guðbjörn Guðbjörnsson, 1.7.2010 kl. 22:31
Góður listi hjá Einari.
Hér er einn í viðbót á listann:
http://en.wikipedia.org/wiki/Tea_Party_movement
Guðmundur Karlsson, 2.7.2010 kl. 12:19
VG á ekkert erindi í nýja ríkistjórn sjáfstæðra islendinga. Þeir eru núþegar slegnir út af Besta flokkunum, hækju Samfylkingarinnar. Þar liggur hættan. Menn láta eins þeir séu ekki til. Þeir eru þarna og koma til með að vera. Fólkið hrópar húrra, brosir ennþá, en eins og Páll segir, hve lengi.
Sjálfstæðir islendingar í hvaða flokki þeir standa verða að sameinast sem eitt afl og vernda Lyðveldið Island og sjálfstæði þess.
Björn Emilsson, 3.7.2010 kl. 14:15
,,Verum minnugir þess, að við íslendingar erum líkt og annað fólk, afar misjafnt og sumir eru til sölu fyrir lítið fé og þá er þeim slétt sama um, hvað varðar ,,hina" íslendingana, eins lengi og aurar koma í buddu þeirra um stuttan tíma lífs þeirra."
Er þetta ekki einn af þeim sem er búinn að vera á framfæri FLOKKSINS í áratugi ?
Eða, eins og Páll Vilhjálmsson, á spenanum hjá hinu opinbera í boði flokksins síns !
JR (IP-tala skráð) 5.7.2010 kl. 00:14
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.