Fimmtudagur, 24. september 2020
Múslímar kætast
Stúlkur í stuttum pilsum síður.
Kufl yfir líkamann og blæju fyrir andlitinu.
Spámaðurinn segir.
Kýld í andlitið fyrir að vera í pilsi | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Fimmtudagur, 24. september 2020
Lífeyrissjóðir: fjölræði, ekki lýðræði
Ef sjóðsfélagar í lífeyrissjóðum kysu beint í stjórnir þeirra færi fyrir sjóðunum eins og verkalýðshreyfingunni, Kverúlantar, Ragnar Þór-arar og Sólveigar Önnur, söfnuðu liði á samfélagsmiðlum og tækju sjóðina yfir. Afleiðingarnar yrðu skelfilegar.
Í stað meints lýðræðis ætti að láta fjölræði ráða ferðinni.
Í fjölræði réði hver og einn launþegi ráðstöfun lífeyrisgreiðslna.
Fjármálastofnanir, bankar, tryggingafélög og starfandi lífeyrissjóðir myndu undirgangast regluverk um lífeyrissparnað og bjóða fram tryggingar. Launþegar myndu velja á milli sjóða.
Fjölræðið valdeflir launþega og sniðgengur kverúlanta.
Þarf að endurskoða þetta frá grunni | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (4)
Fimmtudagur, 24. september 2020
Miðflokkurinn eða Píratar
Kórónukreppan tryggir Sjálfstæðisflokknum trausta kosningu í vor. Fjórðungur og allt upp í þriðjungur þjóðarinnar hefur hvorki smekk fyrir né efni á efnahagsrugli vinstriflokkanna.
Aftur er spurning hvort það verði Miðflokkur eða Píratar sem koma næstir. Píratar rótast í fylgi sem lætur sig efnahagsmál litlu varða en klæjar í fingurna að gera hávaða út af þeirri tegund sjálfsmyndarstjórnmála er hæst rís hverju sinni. Miðflokkurinn er á öðrum miðum menningarstjórnmála. Vel kunnur bróðir sitjandi þingmanns Sjálfstæðisflokksins kallar þennan kjósendahóp ,,þjóðvinafélagið". Laglegt nafn og lýsandi.
Þegar nær dregur kosningum vega efnahagsmálin þyngra en síðustu þrennum kosningum, sem haldnar voru í góðæri. En það verða tvö til fjögur önnur kosningamál, óvíst enn hver þau verða, sem skilja á milli feigs og ófeigs, Pírata og Miðflokksins.
Stuðningur við ríkisstjórnina eykst | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (1)