Veiran og vestræn hnignun

Asíuþjóðir ráða betur við COVID-19 faraldurinn en vestrænar. Kórónuveiran drepur og spurt verður hvers vegna asísk þjóðríki veita íbúum sínum betri lífslíkur en vestræn.

Fyrsta svarið verður að meiri virðing er borin fyrir yfirvaldi í Asíu en á vesturlöndum. Annað svarið er að einstaklingshyggja er komin úr öllum böndum á vesturlöndum á meðan samfélagsleg ábyrgð er ríkari meðal Asíubúa. Þriðja svarið er að vestræn menning gekk í barndóm og lét vanrækta sænska stúlkukind telja sér trú um að maðurinn stjórni náttúrinni en sé ekki hluti hennar.

Fyrsta svarið, virðingarleysi gagnvart yfirvöldum, er sjálfssannað og þarf ekki umræðu. Ábyrgðarlaus einstaklingshyggja lýsir sér t.d. í velgengni samtaka eins og No Borders. Engin landamæri þýða einfaldlega að hver og einn getur vaðið á skítugum skónum hvert hann vill. Með veirusmit eða ekki, með trúarfasisma eða kvenfyrirlitninu, - og krafist þjónustu. Bjálfatrúin á manngert veðurfar er nýju fötin keisarans, trú á það sem ekki er.

Vestræn hnignun er sjálfskaparvíti. Þau eru verst.

 

Gæti varað til næsta vors og 7,9 milljónir á spítala

Veirubónus: vinstrimenn þegja

Fyrir C-19 faraldurinn tóku vinstrimenn reglulega til máls að hóta okkur dauða og tortímingu vegna manngerðs veðurfars. Viðreisn, Samfylking, Vinstri grænir og Píratar minntu okkur í tíma og ótíma á yfirvofandi heimsendi.

Nú þegja vinstrimenn sem fastast en voru áður óstöðvandi í málæði.

Borgarfulltrúi Samfylkingar gat þó ekki á sér setið og gaf yfirlýsingu þar sem efnahagslegum afleiðingum faraldursins var fagnað. Annars er grafarþögn í herbúðum vinstrimanna. 

 

 

97% og þrjú prósentin - ónæmiskerfi þjóðarinnar

Breski sóttvarnarlæknirinn, starfsbróðir Þórólfs íslenska, segir að tveir af hverjum þrem Bretum þurfi helst að fá kórónuveiruna til að byggja upp ónæmiskerfi þjóðarinnar. Þannig yrði ónæmisvörn tryggð til framtíðar. Að öðrum kosti er hætta á að veiran skjóti upp kollinum annað veifið með tilheyrandi heilsuvá.

Þórólfur segir góð tíðindi að aðeins eitt prósent Íslendinga séu smitaðir. Ef sú prósenta helst verða 99 prósent þjóðarinnar óvarin til framtíðar gegn veirunni, sem er lífshættuleg fyrir aldraða og sjúka.

Annað hvort er breski sóttvarnarlæknirinn út í móa eða hann Þórólfur okkar.

Haft er fyrir satt að 97 prósent af þeim sem smitast af kórónuveirunni fái væg eða alls engin einkenni. En um 3% smitaðra deyja.

Bretar ætla að biðja alla yfir 70 ára að fara í sjálfskipaða sóttkví. Sömu tilmæli fara án efa til allra með undirliggjandi sjúkdóma. Þetta er þrjú prósent hópurinn.

Ef sá breski hefur rétt fyrir sér er hrein og klár hörmung að aðeins eitt prósent Íslendinga fái smit. Við yrðum algerlega óvarin gegn kórónuveirunni í framtíðinni.

Þetta er stórt ef.

Viðbót 12:59: Þórólfur okkar er á sömu skoðun og sá breski. Sjá hér. Í framhaldi þarf að svara hversu hratt æskilegt sé að veiran fari yfir. Þúsundir eru e.t.v. í sóttkví að nauðsynjalausu, með tilheyrandi röskun á hversdagslífi og efnahagskerfi.

Skimun ÍE bendir til að 1% landsmanna beri veiruna

Alþjóðavæðingin í einangrun

Kórónuveiran er útlensk, nema, auðvitað, í Kína þar sem hún varð til. Sérhvert ríki reynir að einangra sig frá útlensku veirunni. Að faraldri loknum verður alþjóðahyggjan enn í einangrun.

Veiran ferðast með fólki, ekki vörum og þjónustu. Af því leiðir verða takmarkanir á fólksflutningum sjálfsagðar í framtíðinni. 

Faraldurinn kennir þjóðum heims mikilvæga lexíu. Staðbundið vald, ekki alþjóðlegt, virkar til að hemja útlenda vágesti.

Á miðöldum óx staðbundnu valdi fiskur um hrygg í Evrópu þegar álfunni var ógnað úr þrem áttum. Víkingar herjuðu úr norðri, múslímar úr suðri og Ungverjar úr austri. Í tímans rás varð staðbundið vald að þjóðríkjum. 

Þjóðríkið er einmitt skásta fyrirkomulagið til að verja og viðhalda samfélagi.

 

 

Útgöngubann á Spáni og hluta Frakklands lokað

Gulli ekki velkominn í Washington, afsögn strax

Gulli utanríkis stórmóðgaði Bandaríkin þegar hann í reiðikasti aflýsti heræfingunni Norðurvíkingi í hefndarskyni við ferðabann Trump. Utanríkisráðherra Bandaríkjanna neitar að tala við Gulla.

Ísland er komið í skammarkrókinn vegna vanstillingar utanríkisráðherra.

Gulli getur ekki verið utanríkis lengur. Þjóðarhagsmunir eru í veði, Gulli verður að víkja.

Fundi Guðlaugs og Pompeos aflýst

Björn: Ísland samþykkti 3OP vegna Noregs

Það var ekki vegna íslenskra hagsmuna sem 3. orkupakkinn var leiddur í lög hér á landi. Björn Bjarnason fór fyrir þeirri nefnd utanríkisráðherra sem beitti sér fyrir samþykktinni. Björn skrifar í dag:

Úrlausn þessa máls [þ.e þriðja orkupakkans]skipti Norðmenn hins vegar miklu vegna þess að sæstrengir frá vatnsaflsstöðvum þeirra skapa Dönum, sem treysta mjög á vindorku, orkuöryggi. 

En hvers vegna fengu Íslendingar ekki undanþágu? Björn svarar því ekki og sú þögn segir mikla sögu um hve óhagstæður EES-samningurinn er okkur Íslendingum. Hagsmunir Norðmanna ríkja, íslenskir hagsmunir víkja.

Hávaðinn milli lífs og dauða

Við munum öll deyja. Enginn veit hvenær. Án dauða væri ekkert líf. Á milli þess sem við fæðumst og deyjum er hávaði sem lemur hlustirnar með hverjum andardrætti.

Hávaðinn ærir suma á meðan aðrir heyra takt og hljómfall. Oft eru það rithöfundar og heimspekingar sem kunna helst að lesa merkingu hávaðans milli lífs og dauða.

Einn þeirra er Markús Árelíus sem stóð í miðju argaþrasinu, var keisari Rómarveldis.

Lífið er skoðun, sagði sá rómverski.

Nokkuð snjallt.

Aflýsir Gulli dönskum dögum í Hagkaupum?

,,Heimildir mínar herma að Guðlaugur Þór ætli að mótmæla ákvörðun danskra stjórnvalda um að loka landamærum Danmerkur. Í kjölfarið muni hann tilkynna að dönskum dögum í Hagkaupum hafi verið aflýst."

Ofanritað er tekið af Fjasbókinni. Gulli utanríkis kallar fram það besta í mönnum. 

Halda áætlun þrátt fyrir aðgerðir Danmerkur

Jæja, Gulli, kalt stríð við Bandaríkin

Gulli utanríkis tapar dómgreindinni í veirufárinu og lýsir yfir köldu stríði við Bandaríkin. ,,Þegar komið er á ferðabann eru ekki leng­ur for­send­ur fyr­ir svona æf­ingu. Það sér það nú hver maður," segir borgfirski strákurinn með þjósti í Mogga fyrir hönd íslensku þjóðarinnar.

Æfingin sem um ræðir er ekki dansæfing dáta og kokteilliðsins í ráðuneytinu heldur heræfing samkvæmt varnarsamningi Íslands og Bandaríkjanna.

Ástæða reiðikasts ráðherra er að Ísland var ekki tekið út af lista Evrópuríkja sem bandarískt ferðabann tekur til. En við erum einmitt á þeim lista vegna reginmistaka forvera Gulla að gera Ísland að landamærahéraði ESB, - með Schengen samstarfinu.

Kalt stríð við Bandaríkin þjónar ekki íslenskum hagsmunum. Öðru nær. Óvinátta við voldugan nágranna í vestri gerir okkur enn háðari ríkjabandalaginu í austri, Evrópusambandinu. Og vorum við fyrir undir frönsk-þýskum járnhæl er krefst æ frekari íhlutunar í íslensk málefni, nú síðast í raforkumálum.

Ráðslag þess borgfirska í samskiptum við Bandaríkin gerir hann að, afsakið þýskuna, Dummkopf. Til að friðþæga goðin í Washington þarf fórn og hana ekki veigalitla. Vestur þarf að senda á fati pólitískt höfuð Gulla utanríkis. Bjarni, finndu arftaka í snatri. Á morgun gæti það orðið of seint.

 

Guðlaugur setur heræfingu á ís

Gulli utanríkis fattar landafræði

Ísland lenti á bannlista Bandaríkjanna þar sem við erum í Schengen-samstarfi ESB. Gulli utanríkis þykist voða lítið vita um af hverju við erum í Schengen. Í frétt mbl.is segir

Í sam­tali við mbl.is seg­ir Guðlaug­ur að þar hafi hann mót­mælt ákvörðun­inni harðlega og farið fram á að fund­in yrði lausn fyr­ir Ísland sem byggðist ann­ars veg­ar á  „land­fræðilegri legu okk­ar“ og hins veg­ar á þeim ákveðnu aðgerðum sem ís­lensk stjórn­völd hafa gripið til vegna veirunn­ar.

Landfræðileg lega okkar, Gulli minn, ætti að útiloka að værum í Schengen-samstarfi Evrópusambandsins. Við eigum ekki heldur heima í EES-samstarfinu af sömu ástæðu.

Ísland er eyja á Norður-Atlantshafi, ekki sker við strönd meginlands Evrópu.

Núna þegar Gulli þykist skilja landafræði: er einhver von til þess að nýfengnum skilningi sjái stað í pólitík utanríkisráðherra? Eða er það kannski til of mikils mælst? 

Hefur óskað eftir símafundi með Pompeo