Femínismi og loftslagsvá - Lúther og Marx

Sameiginlegt femínisma og loftslagsglópum annars vegar og hins vegar Lúther er sú trú að menn séu í  ,,eðli sínu ill­ir og synd­ug­ir," og munu á efsta degi hljóta miskunnarlausan dóm almættisins.

Lúther á hinn bóginn gerði sér glögga grein fyrir að sigurverk heimsins væri af guði skapað. Femínistar og glópar trúa að heimurinn sé manngerður að stærstum hluta.

Það er á valdi mannsins, en ekki almættisins, að skapa paradís á jörð með réttum lofthita, engum nauðgunum; þar sem allir eru í þægilegri innivinnu á góðu kaupi. Segja vinstrimenn.

Spásögn vinstrimanna kemur frá öðrum Þjóðverja, Karli Marx.

En vegna þess að sannfæringin um illsku mannsins, erfðasyndina, helst í hendur við trú á manngerða paradís nota vinstrimenn alltaf tækifærið, þegar þeir komast til valda, að limlesta, drepa og fangelsa óvini sína.

Paradís femínista, glópa og annarra vinstrimanna er gúlagið.

Talibanabragur á mörgu hjá Lúther

ESB-sinnar á Íslandi í stríði við Bandaríkin og Bretland

Samfylkingin og Viðreisn telja Íslendinga eiga meiri samleið með Evrópusambandinu en Bendaríkjunum og Bretlandi. Á milli ESB og enskumælandi þjóða ríkir stríðsástand, segir Telegraph.

Macron Frakklandsforseti talar um hníf í bakið og að Biden-stjórin í Washington fylgi Trump-stefnu í utanríkismálum.

Hvað er á seyði?

Jú, Bandaríkin, Bretland og Ástralía opinberuðu í vikunni samning sín á milli um uppbyggingu kafbátaflota til að verjast ágengni Kína. Samtímis riftu Ástralir samningi við Frakka sem ásamt Þjóðverjum ráða öllu í ESB.

ESB lítur á sig sem stórveldi á pari við Bandaríkin og Kína. Niðurlægingin í Ástralíu er til marks um að enskumælandi þjóðir telji ESB standa á brauðfótum.

Afturköllun Frakka á sendiherrum í Washington og Canberra er stórpólitísk yfirlýsing um að kalt stríð sé á milli Frakka/ESB annars vegar og hins vegar engilsaxa. Með því að kalla ekki sendiherrann heim frá London eru Frakkar að segja Breta hjálendu Bandaríkjanna.

ESB-sinnar á Íslandi, Samfylking og Viðreisn, eru útsendarar Brusselvaldsins. Atkvæði greidd þessum flokkum eru yfirlýsing um að Íslendingar ættu að slíta sig frá vinaþjóðum okkar, Bandaríkjamönnum og Bretum, og taka upp þykkjuna fyrir hönd Evrópusambandsins.

Á meðan pólitík á Íslandi snýst um blóðgjöf homma, fornöfn, dygðaskreytni á Hellisheiði og Thunberg-ráðuneyti gerast stórpólitískir atburðir á heimsvísu sem fara ofan garð og neðan.

En, auðvitað, þegar heilir níu stjórnmálaflokkar á Fróni ætla að breyta heiminum er ekki við því að búast að stóru málin þvælist fyrir þeim.

 

Frakkar reiðir og kalla sendiherra sína heim

Hraunað yfir loftslagsvá: CO2 á við 2 ára bílaumferð

Á sex mánuðum hefur eldgosið í Geldingadölum losað um 2 milljónir tonna af koltvísýringi, CO2. Árleg losun bíla hér á landi er tæp milljón tonn, skv. Umhverfisstofnun.

Á degi hverjum losar gosið 10-11 þúsund tonn af koltvísýringi, CO2, út í andrúmsloftið, samkvæmt Jarðvísindastofnun. Á hálfu ári gerir það tæp 2 milljónir tonna.

Verksmiðja er byggð á Hellisheiði sem fangar hálfsdagsframleiðslu af koltvísýringi frá Grindavíkureldum.

Umhverfisstofnun keppist við að þegja um CO2-framleiðsluna í Grindvík. Það er ekki hægt að láta gosið skammast sín og hætta að dæla upp úr jörðu koltvísýringi. En Jón og Gunnu má hræða til að kaupa rafmangsbíl.

Hraun í Geldingadölum rennur á miklum hraða

Tunglið og fylgi vinstriflokka

Fullt tungl er á mánudag. Þá rísa hæst geðhvörfin sem valda dómgreindarbresti og fær fólk til að gera marga vitleysuna, t.d. að kjósa vinstriflokk.

Í frétt Landsspítala um tengsl sjúkdóma og stöðu tunglsins segir að ýmsir geðsjúkdómar geri vart við sig í fullu tungli. Geðhvörf eru þar á meðal.

Skoðanakannanir teknar þegar hallar að fullu tungli gefa ranga mynd af úrslitum kosninganna á laugardag. Þegar nálgast fullt tungl eru þeir næmu ýmist ofsakátir eða þunglyndir, ekki með sjálfum sér.

Kemur laugardagur knýr raunsæið dyra eftir þokkalegan nætursvefn. Fólk kýs annað tveggja Sjálfstæðisflokk eða Miðflokk. Í það minnsta nógu margir til að landið fari ekki í hundana.

Tunglfræði til bjargar á ögurstundu.

Vinstri sveifla þegar vika er eftir

Logi stútar evrunni fyrir Þorgerði Katrínu

Ef evran hefði verið gjaldmiðill á Íslandi kreppan kennd við Kínaveiruna dundi yfir okkur hefði orðið fjöldaatvinnuleysi hér á landi sem enn stæði yfir.

Logi í Samfylkingu viðurkenndi það í viðtali á Hádegismóum.

Þorgerður Katrín formaður Viðreisnar vill evru til að fá lægra matvörðuverð - fyrir þá sem halda vinnunni og fá lánin sín afskrifuð eftir þörfum.

Hitnaði mjög í kolunum í viðtali við Loga

Vasaþjófnaður vinstrimanna

Það er nóg til er slagorð verkalýðshreyfingarinnar. Ósagt er, en látið í það skína, að þetta ,,nóg" þurfi bara að sækja með pólitík.

Jú, það er nóg til en það þarf að vinna fyrir því. Sá sem ætlar að sækja sér efnisleg gæði með pólitík seilist í raun í vasa annarra, - er vasaþjófur.

,,Stöðva þarf auðssöfnun fárra," er fyrirsögnin á viðtali við Loga formann Samfylkingar. Þetta þýðir ,,stöðva þarf mannlega náttúru." Það er í náttúru manna af safna sér auði. Ekki allra. Sumir eru þeirrar náttúru að eyða öllu sem þeir afla og helst líka eigum annarra. Yfirleitt eru það vinstrimenn sem eru vasaþjófarnir.

Í lok fréttarinnar segir Logi: ,,Það er eng­inn hvati í kerf­inu, það er eng­inn hvati fyr­ir ör­yrki að vinna 20-30% vinnu, af því að hann hef­ur ekk­ert upp úr því."

Einmitt. Þeir sem venjast ölmusu nenna ekki að dýfa hendi í kalt vatn. Þeir vilja fá sinn hlut á þurru. Vinstripólitík er búin til og hönnuð að réttlæta þá öfgahyggju að lifa á annarra manna framfæri. ,,Vertu aumingi,við munum sjá fyrir þér," er ósagt  kosningaloforð vinstrimanna. Þess vegna höfum við 7 vinstriflokka en aðeins tvo borgaraleg stjórnmálaöfl sem má kenna við sjálfsbjörg.

Stöðva þarf auðsöfnun fárra

Þjóðin vill stöðugleika en fær óreiðu

Þjóðin myndi endurnýja umboð sitjandi ríkisstjórnar, ef þess væri kostur á kjördag. En það eru engir ríkisstjórnarkostir í boði heldur níu framboðslistar.

Stjórnmálakerfið þjónar illa þjóðinni. Kverúlantaframboð eiga auðvelt með að koma sér á framfæri á tíma félagsmiðla. Rausnarleg framlög almannafjár til stjórnmálaflokka bæta ekki úr skák.

Kosningaúrslitin stefna í að vera heimatilbúin handvömm almennings sem ætti að vita betur en að kjósa yfir sig kverúlanta.

Ríkisstjórnin heldur ekki velli

Framsókn, Thunberg-ráðuneyti og alþjóðahyggja

Loftslagsráðuneyti er pólitískt markmið Framsóknarflokksins. Markmiðið er í anda Grétu Thunberg sem skrópaði í skóla og skildi loftslagsvísindi.

Jafnframt ætlar Framsókn, fái flokkurinn til þess umboð, að beygja Íslandi undir alþjóðahyggju Sameinuðu þjóðanna. ,,Framsókn vill að markvisst verði stefnt að því að uppfylla heimsmarkmið Sameinuðu Þjóðanna..."

Alþjóðavofu ESB er búið að kveða í kútinn en nú skal blása lífi í aðra.

Einu sinni mátti treysta því að Framsóknarflokkurinn væri þjóðlegur með báða fætur á jörðinni.

Ekki lengur.

4. orkupakkinn: Ísland rafhlaða fyrir ESB

Noregur er rafhlaða fyrir orkuskiptum Þýskalands, segir þýskur fjölmiðill. Þjóðverjar verða brátt að kaupa rafmagn frá Bretlandi, segir Telegraph.

Ísland er næst í röðinni að seðja orkuhungrað meginland Evrópu. Verkfæri Evrópusambandsins til að komast yfir íslenska raforku er orkupakkar.

Þriðji orkupakkinn var samþykktur af núverandi ríkisstjórn. Næst kemur fjórði og fimmti og áður en varir er Ísland ekki fullvalda þjóðríki heldur hjáleiga ESB, nýtt til raforkuframleiðslu.

Aðeins einn flokkur stóð í ístaðinu og hafnaði ásælni Evrópusambandsins. Miðflokkurinn.

Íslenska orkan eftirsótt

Karlmaður svarar femínista

Nauðgunarvísitalan á Íslandi er 0,09 prósent. Vísitalan er hlutfallið milli meðalfjölda karlmanna á Íslandi 2001-2019 og árlegra nauðgana á sama tímabili, skv. afbrotaskýrslu lögreglu. Stundum nauðga konur og sumir karlar nauðga oftar en einu sinni. Það gæti leitt til lækkunar vísitölu en ekki hækkunar.

Jos­hua Ikechukwu Mog­bolu var þannig dæmdur í vor fyrir tvær nauðganir og grunaður um þriðju. Þessi sending frá útlöndum lækkar nauðgunarvísitöluna, sem reiknar eina nauðgun pr. nauðgara. Þá er þess að geta að rannsókn á nauðgunum er stundum felld niður og, fari meint afbrot fyrir dóm, er stundum sýknað. Allt horfir þetta til lækkunar á vísitölunni.

Einhverjir ímynda sér að nauðganir séu fleiri en nemur að meðaltali 137 á ári. En hagtölur ná ekki til ímyndunar, ekki frekar en tölfræði almennt. Saumaklúbbur femínista getur fantaserað um nauðganir en veruleikinn miðar við rauntölur.

Meðalkarlinn á Íslandi er sem sagt 0,09 prósent nauðgari og þar af leiðandi 99,91 prósent ekki-nauðgari.

Femínistar eru æ áleitnari á karla og karlamenningu. Veikara kyninu verður svarafátt þegar kvennaskarinn kyrjar hátt og snjallt á samfélags- og fjölmiðlum. Við hæfi er að rétta í hendur karla staðlað svar.

Hvort heldur áleitni femínistinn er miðaldra sveltur eða ungur ófullnægður er mátulegt svar karlmannsins eftirfarandi. Ég er 99,91 prósent ekki-nauðgari en núll komma núll níu prósent nauðgari. Hvorn partinn má bjóða þér?