Fyrsta fórnarlambið í stríði er sannleikurinn

Eiturvopnaárásin i Sýrlandi er óupplýst. Bandaríkin og ESB segja Assad forseta ábyrgan, sem segir sig saklausan af ódæðinu. Á BBC segir Peter Ford, fyrrum sendiherra Bretlands í Sýrlandi, kaupir ekki ásakanir Bandaríkjanna og ESB.

Í stríði er sannleikurinn fyrsta fórnarlambið. Annað dæmi: stóra sprengjan sem Bandaríkjamenn notuðu í Afganistan í gær er sögð hafa drepið 36 skæruliða. Við eigum sem sagt að trúa að afgönsk yfirvöld hafi í beinu framhaldi sent fulltrúa sína að telja lík í sundursprengdum neðanjarðargöngum. Það er einfaldlega óhugsandi. ,,Fréttin" er uppspuni.

Stríðsfréttir eru sneisafullar af rangfærslum. Stríðsaðilar hafa ríka ástæðu að búa til fréttir sem þjóna þeirra málstað. Trump sendi nokkrar sprengjur á flugvöll Assad-stjórnarinnar í beinu framhaldi af fréttum af eiturvopnaárásinni. Katrina vanden Heuvel skrifar í Washington Post að forsetinn hafi gengið í gildru.

Gildran var að fá Trump til að beita sér gegn Assad, sem nýtur stuðnings Rússa. Og þeir eru margir sem vilja sjá aukin hernaðarumsvif Bandaríkjanna í miðausturlöndum og víðar. Sannleikurinn er þar algert aukaatriði.

100% lygar, 100% grimmd

Sósíalistafokkið

,,Helvítis fokking fokk", var viðkvæðið árin eftir hrun. Annað orðalag á sömu hugsun er ,,ónýta Ísland" sem varð óopinbert slagorð Samfylkingar.

Píratar sáðu í þennan jarðveg óánægju og uppskáru fylgi, meira þó í könnunum en kosningum. Misheppnaða fólkið, það sem er of bjagað til að stunda hversdagslega atvinnu og eiga um það bil normalt fjölskyldulíf, dróst að framboðslistum Pírata. Ekkert er betra til að bæta eigið böl en benda á annað verra.

Núna eru sósíalistar mættir í helvítis fokking fokk-leikinn. Vonarstjarna þeirra, Mikael Torfason, sjálfsskipaður talsmaður fátæka fólksins, er búinn að finna skotspóninn: eiginkonu forsætisráðherra.

Sósíalistafokkið er heift án hugsunar, öfgar án mannasiða.

Trump: Nató ekki lengur úrelt

Í janúar sagði Donald Trump Bandaríkjaforseti að Nató væri úrelt stofnun. Á fundi í gær með Stoltenberg framkvæmdastjóra Nató sagði Trump að Nató væri ekki lengur úrelt.

Sinnaskipti Trump eru rakin til þess að hann telji núna Rússland vera aðalóvin Bandaríkjanna og þurfi sterkt Nató til að kljást við Rússa í Evrópu. Ráðgjafi Trump, Steve Bannon, sé kominn út í kuldann af sömu ástæðu.

Meint eiturvopnaárás Assad Sýrlandsforseta, sem nýtur stuðnings Rússa, er helsta ástæða breyttrar stefnu Trump. Frásögnin af árásinni er vefengd af sjálfstæðum heimildum.

Að eiturvopnaatvik í Sýrlandi geri Nató að þarfaþingi er dálítið langsótt. En að Trump varð forseti var líka nokkuð langsótt. 

Trump fjarlægir sig frá Bannon

Ríkissaksóknari er í pólitík

Embætti ríkissaksóknara eyðir fé og mannafla til að lögsækja frjálsa umræðu, samanber málatilbúnað um hatursorðræðu. Þá ákærði embættið hjúkrunarfræðing fyrir að vinna starf sitt.

Á meðan ríkissaksóknari dundar sér í pólitík sitja brýnni verkefni á hakanum.

Til dæmis að koma lögbrjótum undir manna hendur. 

„Ómöguleg staða“ hjá embættunum

Samfylkingin og LSD

Samfylkingin var um aldamótin LSD vinstrimanna, lang-stærsti-draumurinn. Núna keppir flokkurinn um fylgi við óstofnaðan sósíalistaflokk. Fyrrum formaður flokksins segir sósíalista og Samfylkinguna berjast fyrir sömu hugsjón.

LSD leiddi Samfylkinguna í vegferð innistæðulausra loforða um að allt yrði með öðrum brag á Íslandi ef það yrði ESB-ríki. Óstofnaður sósíalistaflokkur boðar líka lausn á öllum vandamálum.

LSD er ekki stjórnmál heldur leit að algleymi. Vinstrimenn eru dáldið þannig.

 

Styrki frekar Samfylkinguna

Rússland er ekki vandamálið

Rússland bjó ekki til ófriðarbálið í miðausturlöndum. Innrás Bandaríkjanna í Írak 2003 og innanlandsátök í Sýrlandi og Líbýu gáfu herskáum íslamistum færi á að styrkja sig. Rússar komu inn í atburðarásina eftir að hún hófst.

Vestræn ríki, Bandaríkin fyrst og fremst, bera meginábyrgð á stöðu mála - að því leyti sem vandinn er ekki heimatilbúinn.

Rússland ætti að vera hluti af lausn vandans. Til að það gangi eftir er smámál í Úkraínu sem þarf að leysa.

 

Beita Rússa ekki efnahagsþvingunum

Sósíalismi sem farsi

Maðurinn sem vildi gera Ísland að fylki í Noregi boðar stofnun Sósíalistaflokks nokkrum dögum eftir að hann hætti sem kapítalískur blaðaútgefandi og lagði á flótta frá eigin launþegum.

Sósíalisminn sem Gunnar Smári boðar er ,,allt fyrir ekkert". Kjósiði mig og þið fáið allt frítt og hamingjuna í kaupbæti.

Gunnar Smári er lunkinn að finna sér viðhlæjendur. En það hljóta að vera takmörk hve mörgum fíflum er hægt að etja á foraðið.

Sósíalistaflokkur verði stofnaður 1. maí

Framsókn og foringinn

Framsókn er án foringja. Sitjandi formaður er vænn maður og velviljaður en hann er ekki foringi.

Án foringja kemst flokkur hvorki lönd né strönd. 

Það er foringi í Framsókn. En hann er ekki formaður sem stendur. 

 

Ætlar ekki að yfirgefa Framsókn

Unglingurinn á hótel mömmu - foreldrar fái kosningaréttinn

Sjálfræðisaldur var hækkaður um tvö ár rétt fyrir aldamót, úr 16 árum í 18. Í áratugi þar á undan lengdist viðvera ungs fólks i foreldrahúsum. Á hótel mömmu er unglingurinn verndaður og því fylgir að forræðið er hjá foreldrum.

Unglingar hafa ekki á síðustu áratugum sýnt merki þess að vilja slíta sig fyrr frá forræði foreldra og stofna til heimilis á eigin ábyrgð. Þvert á móti, sá tími lengist sem börn búa i skjóli foreldra.

Ef lækka á kosningaaldur ungs fólks mun kosningaþátttaka lækka. Reynslan sýnir að ungt fólk nýtir sér síður kosningaréttinn en þeir sem eldri eru.

Leiðin til að auka hlut ungs fólks í þjóðfélaginu er að foreldrar þeirra fá aukið vægi í kosningum. Það mætti til dæmis gefa foreldri 0,25% meira vægi í kosningum fyrir hvert barn innan 18 ára á heimilinu. Hjón með 4 börn væru þá hvort um sig með 1,5 atkvæði í almennum kosningum.

 

Ungu fólki þykir það út undan

Menningarlegt sjálfshatur

Kristni er menning okkar. Við getum virt menningu okkar eða fyrirlitið. Virðing er sýnd með því að leyfa siðum og venjum að hafa sinn gang þótt maður sjálfur leggi ekki stund á. Það gildir ekki aðeins um kristni. Tónlistarnám og listdans er ekki allra en engum dettur í hug að efna til mótmæla vegna þess að sumir finna sig í að læra tónlist og stunda listdans.

En iðulega fetta skipulögð samtök fingur út í kristnihald, til dæmis Píratar og Vantrú.

Menningarlegt sjálfshatur segir mest um þá sem það stunda.