Fyrsta fórnarlambið í stríði er sannleikurinn

Eiturvopnaárásin i Sýrlandi er óupplýst. Bandaríkin og ESB segja Assad forseta ábyrgan, sem segir sig saklausan af ódæðinu. Á BBC segir Peter Ford, fyrrum sendiherra Bretlands í Sýrlandi, kaupir ekki ásakanir Bandaríkjanna og ESB.

Í stríði er sannleikurinn fyrsta fórnarlambið. Annað dæmi: stóra sprengjan sem Bandaríkjamenn notuðu í Afganistan í gær er sögð hafa drepið 36 skæruliða. Við eigum sem sagt að trúa að afgönsk yfirvöld hafi í beinu framhaldi sent fulltrúa sína að telja lík í sundursprengdum neðanjarðargöngum. Það er einfaldlega óhugsandi. ,,Fréttin" er uppspuni.

Stríðsfréttir eru sneisafullar af rangfærslum. Stríðsaðilar hafa ríka ástæðu að búa til fréttir sem þjóna þeirra málstað. Trump sendi nokkrar sprengjur á flugvöll Assad-stjórnarinnar í beinu framhaldi af fréttum af eiturvopnaárásinni. Katrina vanden Heuvel skrifar í Washington Post að forsetinn hafi gengið í gildru.

Gildran var að fá Trump til að beita sér gegn Assad, sem nýtur stuðnings Rússa. Og þeir eru margir sem vilja sjá aukin hernaðarumsvif Bandaríkjanna í miðausturlöndum og víðar. Sannleikurinn er þar algert aukaatriði.

100% lygar, 100% grimmd

Athugasemdir

[Jónatan Karlsson, 14.4.2017 kl. 11:29]

Sæll Páll.

Líkt og vanalega, þá eru færslur þínar hér, ákaflega rökréttar og trúlegar, en þar sem þú starfar sem blaðamaður, þá furða ég mig ætíð á hve gagnrýnislaust kollegar þínir hér á Íslandi þínir lepja upp og birta gagnrýnislaust fréttir á borð við þessa um eiturefnaárásina, sem virðist þó sem betur fer vera að tapa fluginu.

RÚV og aðrir fjölmiðlar tala frá upphafi og enn, um efnaárásir Sýrlendinga á almenna borgara, í stað þess að segja til að mynda: Meintar efnaárásir Sýrlendinga.

Þykir það ekki lengur neitt stórmál í stétt þinni hér á Fróni að fara gagnrýnislaust með fleipur og það jafnvel ítrekað í fyrirsögnum og er blaðamönnum á borð við þig hreinlega skipað að taka afstöðu gegn betri vitund?

[Páll Vilhjálmsson, 14.4.2017 kl. 12:49]

Ég held að íslenskir blaðamenn skrifi iðulega upp erlendar fréttir hrátt upp úr stærstu miðlum en leiti ekki víða heimilda. Það er fremur sjaldgæft að sjá vandaða og ítarlega umfjöllun um erlend málefni, sem unnin er af kunnáttu. Því miður.