Logi útilokaður í eitt ár - tjáningarfrelsið

Logi Bergmann gerði fyrir 12 árum ráðningarsamning við 365-miðla sem sjónvarpsmaður. Á þeim tíma var hörð samkeppni milli RÚV og Stöðvar 2 um starfsfólk. Í samningnum var ákvæði sem takmarkaði möguleika Loga að fara til samkeppnisaðila.

Logi færði sig yfir í útvarp og pistlaskrif. Hann gerir fyrir nokkrum dögum ráðningarsamning við Árvakur. En þá bregður svo við að vinnuveitandi hans, 365-miðlar, krefjast lögbanns á störf Loga hjá Árvakri.

Logi starfar við að tjá sig í ræðu og riti. Lögbannið snertir augljóslega meginreglur um tjáningarfrelsið.

En það er engin umræða um tjáningarfrelsi Loga. Vinstrimenn og fjölmiðlar þeirra eru samt í góðri æfingu hafandi hellt sér yfir lögbann Glitnis á fréttaflutningi af gögnum bankans.

Vinstrimenn og fjölmiðlar þeirra telja tjáningarfrelsi einstaklingsins léttvægt, eyða ekki orðum á það. Hvað veldur?

„Hef meiri áhyggjur af gengi United en lögbanninu“

Athugasemdir

[Jón Ingi Cæsarsson, 19.10.2017 kl. 12:03]

Hefur ekkert með tjáningarfrelsi að gera. 

Aðeins samningur sem hann kvittaði undir sjálfur og óstuddur.

Blaðamaðurinn ætti nú að þekkja muninn.

[Ragnhildur Kolka, 19.10.2017 kl. 15:14]

Eru starfsmenn flokkaðir sem innanstokksmunir þegar fyrirtæki ganga kaupum og sölu?

[Einar Sveinn Hálfdánarson, 19.10.2017 kl. 15:35]

Sæll

Mikill rökfræðingur er Jón Ingi. Það hefur ekkert með tjáningarfrelsi að gera ðð nafngreindur maður megi ekki tjá sig í fjölmiðum í eitt ár. - Það var og.