Birgitta giskar á byltingu smáflokka

Á föstudagskvöld nýliðið giskaði Birgitta Jónsdóttir leiðtogi Pírata að 90 prósent líkur væru á að fimm smáflokkar kæmu sér saman um að bylta stjórnskipun landsins, fiskveiðistjórnuninni og landbúnaðarkerfinu. Svona er ágiskun Birgittu orðuð í frétt mbl.is

Rifjað var upp að Birgitta hefði sagt á föstu­dag­inn að hún væri 90% viss um að flokk­arn­ir fimm gætu myndað rík­is­stjórn og spurt hvort hún væri enn jafn­viss. Svaraði hún því til að hún hefði látið orðin falla í skemmtiþætti þar sem hún hefði verið beðin um að skjóta á ein­hverja tölu. „Þannig að ég skaut bara á eitt­hvað.“

Birgitta sagði að hins veg­ar bæri mjög lítið á milli í raun og veru. „Við vilj­um öll breyta þess­um kerf­um á ein­hvern hátt en okk­ur grein­ir enn þá svo­lítið á um leiðina og það er þangað sem ég er að reyna að leiða fólk sam­an.“

Byltingarandi byggður á ágiskunum þar sem ,,skotið er á eitthvað" er fyrirboði þess sem koma skal nái smáflokkarnir saman um ríkisstjórn.

Málamiðlanir liggja enn ekki fyrir

Athugasemdir

[Ómar Ragnarsson, 12.12.2016 kl. 08:21]

Þessir fimm smáflokkar fengu reyndar samanlagt um 55% fylgi í síðustu kosningum, en núverandi stjórnarflokkar hins vegar um 40%. 

[Árni Gunnarsson, 12.12.2016 kl. 09:29]

Áreiðanlega telja meira en 55% þjóðarinnar að nauðsynlegt sé að bylta þeim kerfum sem ráða mestu um rekstur og stjórn samfélags okkar í dag.

Við erum nefnilega ein auðugasta þjóð heimsins, en sá auður á ekki rætur í góðri hagstjórn.