Ísland í Evrópustríði - hlutverk Bessastaðabónda

Álitsgjafar í virtum evrópskum fjölmiðlum spá ýmist borgarastyrjöld í álfunni vegna deilna um múslímska innflytendur eða stríðs vegna Úkraínudeilunnar milli Rússa annars vegar og hins vegar Bandaríkjanna, ESB og Nató.

Líkt og í báðum heimsstyrjöldum á síðustu öld eiga Íslendingar enga aðild að næsta Evrópustríði, hvort sem það verður borgarastríð eða milli þjóðríkja. Ísland á aðild að Nató og yrði að gera upp við sig hvort það fylgdi stríðsæsingafólki í Washington og Brussel í hernaði gegn Rússum.

Ef stríðsástand skapast í Evrópu skiptir máli fyrir okkur hver situr Bessastaði. Þótt utanríkismál séu mótuð í stjórnarráðinu er þjóðhöfðinginn oddviti Íslands, bæði gagnvart almenningi hér heima og gagnvart erlendum þjóðarleiðtogum. Á Bessastöðum ætti að sitja maður með reynslu af stjórnmálum og alþjóðasamskiptum.

Spáir stríði við Rússland

Athugasemdir

[Jón Þórhallsson, 18.5.2016 kl. 15:14]

Ég vil að völd og ábygð haldist í hendur og þess vegna vil ég taka upp franska kosningakerfið hér á landi svo að það séu ekki 3 stýri á þjóðarskútinni gagnvart umheiminum:

http://thjodarskutan.blog.is/blog/thjodarskutan/entry/2169785/

Að forseti íslands, forsætisráðherra og utanríkisráðherra eru kannski allir að tala í sitthvora áttina til umheimsins; mér finsnt það ekki sniðugt.

[Jónatan Karlsson, 18.5.2016 kl. 15:15]

Thu ert tha varla ad hugsa um thann sem skradi Island i hop hinna viljugu thjoda fyrir innrasina i Irak?

[Kolbrún Hilmars, 18.5.2016 kl. 16:17]

Sammála.  Það þyrfti sterk bein til þess að halda Íslandi fyrir utan þá styrjöld sem spáð er.  Við eigum hvorki aðild að ESB né USA en NATÓ gæti reynst okkur örðugt.  Gott væri þá að eiga einhvern að sem þyrði gegn þeirri þrenningu fyrir okkar hönd.  Burtséð frá kyni og kennitölu, auðvitað.

[Ómar Ragnarsson, 18.5.2016 kl. 18:20]

Þótt Íslendingar hafi formlega ekki tekið þátt í Seinni heimsstyrjöldinni vorum við neyddir til að láta af hendi lykilaðstöðu fyrir Bandamenn. Enda var það frá íslenskum flugvelli sem flogið var til að taka fyrsta þýska kafbátinn og færa hann til hafnar.

Winston Churchill fékk afar vinsamlegar móttöku hér á landi.

[Gísli Ingvarsson, 19.5.2016 kl. 12:05]

Já það eru erfiðir tímar framundan. Þess vegna er gott að hafa hófsaman fræðimann á Bessastöðum sem er laus við skuldbindingar fyrri ára og þarf ekki sífellt að hafa vit fyrir kjörnum fulltrúum þjóðarinnar á löggjafaþinginu. Vill setja forsetaembættinu nútímalegar skorður og siðareglur. Maður skilur ekki hvaða erindi DO á við þjóðina lengur. Getur verið að Sjálfstæðisflokkurinn styðji hann einhuga? Það væri hans helsta von að safna þeim flokki á bak við sig.