Egill óttast stöðu framboðs Guðna Th.

Spjótin standa á Guðna Th. forsetaframbjóðanda síðustu daga. Undirferli vegna stuðnings við Svavars-samninginn mælist ekki vel fyrir, upprifjun á stuðningi Guðna Th. við vinstristjórnina er óþægileg og misnotkun á RÚV dregur úr trúverðugleika framboðsins.

Egill Helgason er mælikvarði á hvernig vindar blása í vinstriumræðunni. Samkvæmt Agli eru vandræðin nokkur hjá Guðna Th. Egill klæðir áhyggjur sínar í hexameter til að örvænting verði ekki jafn augljós.

Egill nefnir vitanlega ekki sjálfa höfuðsyndina, ESB-umsóknina, þegar hann telur upp það sem mætti þýfga Guðna Th. um. Maður nefnir ekki snöru í hengds manns húsi. 

Athugasemdir

[Ragnhildur Kolka, 18.5.2016 kl. 21:07]

Það er full ástæða fyrir Egil og DDRÚV að hafa áhyggjur. Það eru nefnilega farnar að myndast rifur í spunavefinn sem spunnin hefur verið í kringum hann.

[Ragnhildur Kolka, 18.5.2016 kl. 23:01]

þessi "hann" á auðvitað að vera - Guðna.