Fylgishrun Samfylkingar staðfest - Píratar fá liðsmenn

MMR gefur Samfylkingu 9,4 prósent fylgi og staðfestir þar könnun Gallup fyrir nokkrum dögum sem mældi 9,2 prósent fylgi.

Samfylkingin er tilraun sem misheppnaðist. Flokkurinn var stofnaður sem einsmálsflokkur og núna er málið eina, ESB-umsókn, pólitískt dautt og verður ekki endurlífgað næstu árin.

Fótgönguliðar Samfylkingar munu leita fyrir sér hjá Pírötum sem eru með fylgi en fáa liðsmenn. Píratar lærðu af Samfylkingu, eru ekki einsmálsflokkur heldur einskinsmálsflokkur - og heldur þannig öllum ánægðum, ýmist með loðinni stefnu eða alls engri.

 

Fylgi Pírata dregst lítillega saman

Athugasemdir

[Óskar, 3.2.2016 kl. 11:32]

merkilegt hvað hægrimönnum er umhugað um fylgi samfylkingarinnar þegar eini hægri flokkurinn á Íslandi rétt slefar í 20% fylgi!

[Guðmundur Ásgeirsson, 3.2.2016 kl. 14:38]

"ýmist með loðinni stefnu eða alls engri"

Dæmi nú bara hver fyrir sig:

http://www.piratar.is/stefnumal/grunnstefna/

[Gísli Friðrik, 3.2.2016 kl. 16:16]

Guðmundur þetta stoðar lítið. Þú gætir allt eins reynt að gera ljósastaur vitiborinn en að búast við því að Páll taki við upplýsingum eða rökum sem dælda fordóma hans.

[Guðmundur Ásgeirsson, 3.2.2016 kl. 16:20]

Dæmi hver fyrir sig um það líka. :)

[Helga Kristjánsdóttir, 3.2.2016 kl. 16:24]

 Nei spennandi þegar Samfó leitar fyrir sér hjá Píötum,eins og Páll segir Óskar.
Og Páll Óskar syngur fyrir þá;"þú komst við hjartað í mér"   

[Jónas Ómar Snorrason, 4.2.2016 kl. 13:47]

Liggur það ekki í augum uppi Páll, að framsókn og sjálfstæisflokkar hafi tapað mestu fylgi til Pírata. Mælast til samans með minna fylgi en Píratar. Alla vega fór ekki fylgishrun þeirra til hinna stj.andstöðuflokkana. Einkennilegt að þú mynnist ekkert á þá staðreynd, hmm hvers vegna? Þú ert með SF algjörlega á heilanum.