Markaðs-Evrópa fótum treður Félags-Evrópu

Efnahagslegan ójöfnuð í Evrópu má rekja beint til samrunaþróunar Evrópusambandinu. Þetta segir Jason Beckfield prófessor við Harvard í viðtali á RÚV.

Snemma á níunda áratug síðustu aldar óx hraði ESB-samrunans. Félags-Evrópu, sem stóð fyrir velferðarþjónustuna, var fórnað fyrir Markaðs-Evrópu þar sem hagsmunir fyrirtækja eru í öndvegi en hlutur almennings fyrir borð borinn.

Ráðstafanir sem Seðlabanki Evrópu stendur fyrir mun fyrst og fremst leiða til hækkunar á hlutabréfamarkaði - en þar ávaxtar eignafólk pund sitt. Launafólk í ESB býr við stöðugt atvinnuleysi sem þrýstir launum og lífskjörum niður.

Samfylkingin, sem á að heita sósíaldemókratískur flokkur, berst ákaft fyrir því að auka efnahagslega misskiptingu á Íslandi með því að landið verði aðili að Evrópusambandinu. Það er holur hljómur í málflutningi samfylkingarfólks sem þykist hneykslað á efnahagsþróun á Íslandi en vill leiða evrópskan ójöfnuð yfir landsmenn þar sem helst í hendur skert velferð og hátt atvinnuleysi.

„Þetta er hættuleg braut sem við erum á“

Athugasemdir

[Vésteinn Valgarðsson, 21.1.2015 kl. 22:17]

Þarna hittirðu naglann á höfuðið. ESB er í senn máttugt verkfæri í þágu ójöfnuðar og máttugur bakhjarl fyrir ójafnaðaröflin.

[Ómar Ragnarsson, 22.1.2015 kl. 00:17]

Ég sé nú ekki betur en að núverandi stjórnvöld hér á landi séu fullfær án aðstoðar ESB um að auka ójöfnuðinn með eftirgjöfum fyrir hina ríkari.