Skoðanakönnun þöguð í hel

Í byrjun október stóð Gallup fyrir skoðanakönnun þar sem spurt var hvernig fólk myndi greiða atkvæði ef þjóðaratkvæðagreiðsla yrði núna um aðild að Evrópusambandinu. Þessi könnun hefur ekki birst. Tveir aðilar eru líklegastir til að hafa gert könnunina, utanríkisráðuneytið og eða sjálft Evrópusambandið.

Líklega eru niðurstöður könnunarinnar á þann veginn að aðildarsinnar vilji helst þegja um þær.

 

Athugasemdir

[Sigurður (IP-tala skráð) 7.11.2010 kl. 23:17]

Þarfleg ábending. Þakka þér fyrir.

[Helga Kristjánsdóttir, 8.11.2010 kl. 00:00]

     Þá slá þeir í Evrópu-klárinn, fælum hann.

[Ívar Pálsson, 8.11.2010 kl. 01:03]

Takk Páll. Fylgjum þessu eftir með fyrirspurnum. Glæra (eða gegnsæja) ríkisstjórnin hlýtur að snara þessum upplýsingum fram!

[Gunnar Heiðarsson, 8.11.2010 kl. 04:37]

Ná fjölmiðlalög ekki yfir svona upplýsingar? Geta þeir ekki krafist að fá þær? Eða er með þetta eins og bankana, þegar eitthvað óþægilegt kemur upp þá gildir einhver óskilgreind leyndarskilda?

[Hjörtur J. Guðmundsson, 8.11.2010 kl. 09:48]

Þess má geta að Capacent gerði slíka könnun líka sl. vor en hún var aldrei birt. Ég var í úrtakinu. Slíkar niðurstöður hafa ekki verið birtar síðan í upphafi þessa árs af einhverjum ástæðum.

[Guðmundur 2. Gunnarsson (IP-tala skráð) 8.11.2010 kl. 16:38]

Hvers vegna kemur þetta manni ekki á óvart, frekar en Hrafninn eini sjái ekki ástæðu að steypa eitthvað um málið....  (O: