ESB-kosningar í desember

Ríkisstjórnin er klofin í stærsta málinu sem hún fæst við, afstöðuna til aðildar að Evrópusambandinu. Steingrímur J. Sigfússon formaður Vg tók af öll tvímæli í liðinni viku um að umsóknin sem liggur hjá ESB um aðild Íslands er ekki á vegum ríkisstjórnarinnar. Þegar aðeins hluti ríkisstjórnarinnar, þ.e. ráðuneyti Samfylkingar, sækir um aðild er málið ónýtt.

Jóhanna Sigurðardóttir ætti að nota tækifærið þegar þingið kemur saman í næstu viku og rjúfa það og efna til kosninga í desember.

Stjórnmálaflokkar sækja sér nýtt umboð frá kjósendum og án efa verður ESB-málið eitt þeirra sem skilgreina flokka. Ef tiltölulega skýr þingmeirihluti myndast fyrir umsókn er hægt að halda ferlinu áfram. Ef ekki er málið dautt í bili.

Þjóðin þarf kosningar, stjórnmálaflokkar þurfa kosningar og við eigum þess vegna að efna til kosninga. 

 

 

Vill afgreiða tillögu um ESB-viðræður

Athugasemdir

[Ægir Óskar Hallgrímsson, 30.8.2010 kl. 00:08]

Það verður bara að gerast..og sér í lagi varðandi VG..ég er ansi hræddur um að margir munu snúast þegar kemur að kjörkassanum sem kusu VG síðast...það stendur ekki steinn yfir steini í stefnu flokksins..og við þurfum ekkert að nefna Samspillinguna..þetta lið hefur bara eitt mál á dagskrá...sem er algerlega vonlaust mál.