RÚV í fýlu út í Guðna Th. forseta

Stígamót og hagsmunahópurinn á Efstaleiti voru samstíga í herferðinni gegn íþróttahreyfingunni á Íslandi. RÚV bjó til nauðgunarmenningu á færibandi handa rétttrúuðum. En þegar Guðni Th. forseti hoppaði af fordæmingarvagni Efstumóta móðguðust RÚV-arar og reyna nú að velta forsetanum upp úr kynferðisbrotamáli á Bessastöðum.

Guðni Th. baðst afsökunar í gær að hafa tekið undir áróður RÚV-stíga um að strákarnir okkar væru upp til hópa nauðgarar. Afsökun Guðna Th. birtist alþjóð um hádegisbil í gær.

Það tók RÚV meira en sólarhring að finna Stígamótaflöt á afsökunarbeiðni forsetans. Síðdegis í dag er búið að sjóða saman atlögu að forsetanum. Inngangur fréttarinnar er svona:

Forseti Íslands, Guðni Th Jóhannesson, baðst í gær afsökunar á því að hafa notað orðið „fáviti" i umræðu um viðkæm [sic] og erfið mál. Starfsmaður forsetaembættisins sem sekur var um kynferðislega áreitni í starfsmannaferð í París fyrir tveimur árum hefur látið af störfum.

Regla í fréttaskrifum er að inngangurinn segi fréttina. Þar eiga aðalatriði að koma fram og sjónhornið. Í frétt RÚV er látið eins og forsetinn sé að biðjast afsökunar á innanhúsmáli Bessastaða.

En yfirlýsing forsetans var óvart að hann sá eftir því að hafa tekið undir ásakanir Stígamóta og RÚV að strákarnir okkar væru gegnsósa nauðgunarmenningu.

Á Efstaleiti var tekið hart á Guðna Th. Forsetanum er velt upp úr allt öðru máli en afsökunarbeiðnin fjallaði um. Þeim er lagið á leiti að vera skítlegir.