Háskólamenntun: betra eða verra samfélag?

Háskólamenntaðir fá ekki starf við hæfi eftir útskrift og gerast aðgerðasinnar/andófsmenn gegn samfélaginu sem fóstraði þá. Á þessa leið er kenning Peter Turchin, sem m.a. Economist telur eitthvað til í. Aðrir andmæla, segja gögn ekki styðja kenninguna.

Leiðari Viðskiptablaðsins segir þverrandi tekjur af aukinni menntun enda eykst eftirspurn ekki í takt við aukið framboð.

Bæði Peter Turchin og Viðskiptablaðið gera ráð fyrir að menntun sé fyrst og fremst til að auka tekjur og mannaforráð.

Menntun var einu sinni til að auka skilning manna á sjálfum sér, samfélaginu og henni veröld. Menn lærðu iðn til að afla tekna, Sókrates var steinsmiður, urðu stjórnmálamenn eða herforingjar til að fá mannaforráð.

Meiri menntun í sígildum skilningi er til velfarnaðar, bæði einstaklinganna sem hennar njóta og samfélagsins. Aftur getur sá misskilningur, að menntun eigi að færa manni auð og völd, orðið til tjóns.

Athugasemdir

[Ingólfur Sigurðsson, 6.7.2021 kl. 13:37]

Þrátt fyrir kosti menntunar þá er háskólasamfélagið orðið gróðrastía vinstriöfga og hefur verið lengi. Það er eitt og sér andstætt eðli menntunar, þegar tízkustefnur innan "vísinda/menningar" verða að trúaratriðum. Þess vegna má segja að það þurfi að hreinsa til innan háskólasamfélagsins og hefja gagnrýna endurskoðun á því sem ætti að flokkast sem sérvizka sem háskólinn ætti ekki að styðja. Það segir við sjálft að um leið og konur fóru útá vinnumarkaðinn lækkuðu laun karla. Hvað af þessu er skynsamlegt og hvað eru kreddur í krafti pólitísks rétttrúnaðar?

[Ragnhildur Kolka, 6.7.2021 kl. 15:01]

Málið er að sífellt fleiri starfsgreinar, sem áður kröfðust aðeins heilbrigðrar skynsemi, eru nú komnar á háskólastig. Í raun eru þetta bara fagstéttir í leit að viðspyrnu í launabaráttunni. Offramboð útskrifaðra keyrir verðgildi þeirra niður. Fólk fær ekki störf sem hæfa menntun og spurning hvort öll þessi menntun hæfi þjóðfélagslegum þörfum. Háleit sjónarmið um að menntun geri manninn meiri eru löngu fokin burt.

En eitt máttu bóka Páll, BHM og co munu þurrka rykið af gamla slagorðinu -Metum menntun til launa-í næstu kjarasamningalotu til að undirstrika skilning sinn og VB á málinu.

[Grímur Kjartansson, 6.7.2021 kl. 15:39]

Ég er vel menntaður með gífurlega reynslu en samt hafna mannauðsstjórarnir (90%  konur?) alltaf mínum starfsumsóknum
Það væri mannréttindamál að geta breytt kennitölunni hjá þjóðskrá líkt og kyni svo maður eigi möguleika á atvinnumarkaðinum

[Helga Kristjánsdóttir, 7.7.2021 kl. 01:30]

Já Grímur tilkynntu stjórnvöldum að þér finnist þú vera unglingur í röngum líkama og kennitölunni verður breytt eins og þér finnst þú vera.- Að öllu gamni slepptu veit ég að margir auglýsa á Facebook..