Þrír frjálslyndir um löggumorð og rasisma

Þrír frjálslyndir Bandaríkjamenn hafna orðræðunni um að lögreglan sitji um svört líf og rasismi sé kerfislægur þar vestra. Myndbandið er 16 mínútur.

Þar kemur m.a. fram:

- um 1000 deyja árlega í átökum við lögreglu. Í 80-90 prósent tilfella er um að ræða ofbeldismenn.

- frétt um drepinn blökkumann fær útbreiðslu, þegar lögregla drepur hvítan er fátt að frétta

- glæpatíðni meðal blökkumanna er mun hærri en meðal annarra kynþátta

- hvítir eru fleiri fórnarlömb lögreglumorða en blökkumenn

- samtals eru um 15 til 40 blökkumenn drepnir árlega í átökum við lögreglu

- löghlýðni myndi fækka lögreglumorðum

- um 8000, já átta þúsund, ungir blökkumenn eru árlega drepnir af öðrum blökkumönnum

Þeir sem þarna tala eru John McWhorter, Coleman Hughes og Sam Harris. Tveir fyrstnefndu eru blökkumenn.

Þarf eitthvað að ræða þetta frekar?

 

Athugasemdir

[Benedikt Halldórsson, 29.9.2020 kl. 16:43]

Hvítur miðaldra karl er gullfóturinn sem alltof margir frjálslyndir og róttækir miða við. Konur eiga að hafa sömu laun. Allir í heiminum eiga að hafa sömu laun og vera eins. Ef tölulegar staðreyndir passa ekki við heimsmynd frjálslyndra skal hafa það sem gerir heiminn betri. 

Ýmsum brögðum beitt til að breiða yfir og þyrla upp ryki til að fela, ásamt því að ásaka fólk um rasisma og mannvonsku sem tekur ekki þátt í lygunum.  

Hvað með það þótt afbrotatíðni svartra sé eins hún er,  að meðaltali? Kannski eru þeir karlmannlegri, orkumeiri að meðaltali en getulaus miðaldra gullkarl? Eiga frjálslyndir kannski erfitt með að þykja vænt um svarta ef þeir eru ekki tölulega eins í laginu og gullkarlinn? Eru lygarnar forvörn gegn nasisma? Gera þær heiminn betri?

Fyrir þúsund árum voru forfeður okkar mjög ofbeldishneigðir og svo móðgunargjarnir að þeir áttu til að drepa þann sem móðgaði þá. 

[Benedikt Halldórsson, 30.9.2020 kl. 00:38]

Vegna ofnotkunar á vissum orðum sem eru vinsæl til dyggðaflöggunnar, er fullkominn óvissa hvað orðin merkja. Fólk bullar bara út í eitt í nafni vinstri rétttrúnaðar, sem er að festa sig rækilega í sessi sem heilagur sannleikur, sjálft Normið sem fáir nenna að leggja í hégóma. Það er fullkominn tímasóun að biðja um nánari útskýringar.

En eins og gengur eru vinstri sinnaðir aktívistar mannlegir þrátt fyrir allt. Þeir gera mistök og misskilja sem kemur fyrir alla, en misskilningurinn verður að heilögum sannleika sem er predikaður út um allan heim, sem ómögulegt er að leiðrétta frekar en texta í trúarritum. 

Þótt það séu sannleikskorn í frösunum, sem stundum fyllir mælinn, stendur það ekki undir neinu nema sjálfu sér. Það eru margar skýringar á flóknum vandamálum. Það gengur ekki að varpa sökinni einhliða á aðra.