Harðstjórar eða stjórnleysi; Trump og ESB

Vesturlönd standa einatt frammi fyrir sama vanda þegar harðstjórar eiga í hlut. Hvort er skárra að leyfa harðstjóranum að fara sínu fram og sjá í gegnum fingur sér þótt kosningar, löggjöf og dómstólar séu ekki upp á vestræna háttu eða styðja byltingu, sem oftar en ekki leiðir til stjórnleysis og blóðsúthellinga?

Ef vestræn ríki styðja byltingu bera þau ábyrgð á niðurstöðunni, sem einatt er sýnu verri en harðstjórnin mælt í mannslífum.

Byltingar leiða bæði fram það besta og versta í mannkindinni. Í húfi er grunnskipulag samfélagsins og fyrir það er fólk tilbúið að deyja og drepa.

Eftir algjörlega misheppnuð byltingarævintýri í miðausturlöndum og Úkraínu á þessari öld héldu vestræn ríki að mestu að sér höndunum þegar tækifæri gafst til að steypa meintum harðstjóra í Venesúela. Þar er um að ræða bakgarð Bandaríkjanna og Trump reyndist hófstilltur. 

Hvíta-Rússland er í bakgarði Rússlands. Evrópusambandið er aftur herskátt og vill gera byltingu. Í kaupbæti versna samskiptin við Rússa og það þéttir raðirnar í Brussel. Ekkert sameinar hraðar og betur en sameiginlegur óvinur.

ESB viðurkennir ekki kjör Lúkasjenkós

Athugasemdir

[Ómar Geirsson, 19.8.2020 kl. 15:31]

Enn og aftur góður Páll.

Þú ert jafnvel að verða djúpvitur.

Kveðja að austan.

[Grímur Kjartansson, 19.8.2020 kl. 16:00]

ESB tekst eflaust að finna upp refsiaðgerðir með alskyns undanþágum fyrir Þýzkaland en afar slæm áhrif á viðskipti Íslands einsog þeim tókst að gera vegna Krímsskagans.

Nú reynir á hvort Gulli hegðar sér einsog Gunnar Bragi

[Hörður Þormar, 19.8.2020 kl. 22:31]

Èg hlustaði í dag á Útvarp Sögu, á viðtal Péturs Gunnlaugssonar við Hauk Hauksson í Moskvu.

Mér skildist að Rússar óttuðust "yfirgang" EU, og þá sérstaklega Pólverja. Pólverjar hefðu nefnilega í hyggju að endurreisa sitt forna veldi og leggja Hvíta-Rússland og jafnvel Úkrainu undir sig. Þetta þótti mér merkilegt og jafnframt "ógnvænlegt", vitandi af 20 þúsund Pólverjum á Íslandi

Það kom fram hjá Pétri að fleiri hefðu verið drepnir í óeirðunum í Frakklandi síðastl. vetur heldur en í Hvíta Rússlandi, núna um daginn. Er Macron Frakklandsforseti kannski meiri harðstjóri heldur en Alexander Lukashenko? Svo að ég minnist nú ekki á "ljúflinginn", hann Pútín "okkar".

Ég mæli með þessu viðtali.