Alþingi , yfirlýsingin og glæpurinn

Þjóðin vill halda forræði yfir náttúruauðlindum sínum, fiskimiðum og raforku. Náttúruauðlindirnar gera Ísland byggilegt. Yfirráðin yfir auðlindum skipta sköpum um hvernig sambúð okkar er háttað innbyrðis í einn stað og í annan stað hefur áhrif á samskipti okkar við aðrar þjóðir.

Án yfirráða yfir auðlindum verða stjórnmálin ómerkilegri. Ef ákvarðanir í útlöndum skipta meira máli en ákvarðanir teknar hér heima verður tilgangslausara að láta sig varða opinber málefni. Valdið til að hafa áhrif á samfélagið er farið úr landi.

Án yfirráða yfir auðlindum verðum við undirgefnari í alþjóðasamfélaginu. Þjóð sem gefur frá sér forræði mikilvægra málaflokka er komin í hlutverk niðursetnings, sem minna er tekið mark á en áður.

Ef við gefum frá okkur yfirvaldið yfir raforkunni með innleiðingu 3. orkupakka Evrópusambandsins er komið fordæmi fyrir því að framselja til útlanda vald yfir náttúruauðlindum okkar. Sá sem heldur að það fordæmi verði ekki nýtt er einfeldningur.   

Ef 3. orkupakki ESB verður samþykktur á alþingi jafngildir það yfirlýsingu þingheims að Íslendingar eru of ómerkilegir til að fara með forræði eigin mála. Hvað glæp frömdum við kjósendur til að verðskulda slíka yfirlýsingu?

Athugasemdir

[Sigurður I B Guðmundsson, 13.4.2019 kl. 10:28]

 Glæpur kjósenda er að kjósa "fjórflokkinn" aftur og aftur!!!

[Jóhannes Laxdal Baldvinsson, 13.4.2019 kl. 12:54]

Amdstæðingar viðauka 4 við EES samninginn, ættu nú að taka undir kröfuna um endurskoðun stjórnarskrárinnar áður en innlendir braskarar og erlent auðmagn hefur sölsað undir sig öll vatns og gufuréttindi sem eru virkjanleg á Íslandi.  Það ætti að vera aðalatriði andstöðunnar við innleiðingu allra orkutilskipana.

Setjum fyrirvarann í stjórnarskrána og þá geta svikulir alþingismenn og ráðherrar ekki svo auðveldlega framið þau landráð gegn tilverurétti Íslendinga sem hér búa í nútíð og framtíð, og felast í markaðsvæðingu orkubúskaparins.

Orkumálefni eru hluti af innviðum og sem slíkir best borgið undir forræði ríkisins.  Vindum ofan af o1 og o2 um leið og við höfnum o3 og segjum okkur frá viðauka 4.

[Halldór Jónsson, 13.4.2019 kl. 14:28]

Verður Sjálfstæðisflokkurinn stærsti flokkur þjóðarinnar eftir næstu kosningar?

[Helga Kristjánsdóttir, 13.4.2019 kl. 14:44]

Getur nokkur lesið þennan pistil án þess að komast við? Hvernig sér þorsteinn neytendavernd í orkumálum með samþykkt OP.? Hvar fengi Magga greyið stúrin olíu í skúrinn.!!!
Þau eru þegar komin í embætti hjá Junker eða Tusk og hótun um að kjósa þá ekki aftur verkar ekki,þess vegna þarf að láta til skarar skríða strax!!

[Valdimar Samúelsson, 13.4.2019 kl. 16:14]

Rétt Páll og vel sagt, það yrði landráð ef við samþykkjum þennan pakka og ekki það fyrsta. Menn gleyma því að það þarf ekki að brjóta stjórnarskránna til þess að fremja landráð heldur er tekið fram í Hegningalögunum kafla X grein 83 ofl. Það eru nokkrar greinar sem flokkast undir landráð séu þær brotnar. Svo er líka að finna í Hegningalögunum að sé landráð framið þá fyrnast þau ekki.

Össur og Jóhanna eiga bæði að sitja inni og ekki nóg með það því hver sá sem segir ekki frá sé landráð framið er líka sekur um Landráð. Menn sjá að þetta er ekkert grín.   

[Benedikt Halldórsson, 13.4.2019 kl. 20:04]

"Aðildarríkin skulu vinna náið saman og fjarlægja hindranir í vegi viðskipta með raforku og jarðgas yfir landamæri í því skyni að ná fram markmiðum Bandalagsins á sviði orku."

Aðalhindrununum í veginum eru skoðanir sem falla ekki að markmiðum Bandalagsins. Við höfum tvo kosti; að samþykkja markmið Bandalagsins eða verða neyddir til að samþykkja markmiðin.

Við eigum aldrei að samþykkja tilboð sem við getum ekki hafnað.