Segir Katrín Jakobsdóttir af sér sem forsætisráðherra?

Ef einhver keypti spurninguna hjá könnunarfyrirtæki: ,,á Katrín Jakobsdóttir að segja af sér sem forsætisráðherra?" myndu án efa einhverjir segja já. Til dæmis þeir sem vilja fella ríkisstjórnina.

Til að auka líkurnar á já-i gætu fjölmiðlafyrirtæki, t.d. Stundin og RÚV, dundað sér við í nokkrar vikur að draga upp neikvæða mynd af Katrínu. Hægt væri að bera saman kosningastefnuskrá Vinstri grænna við málefnaskrá ríkisstjórnarinnar og fá viðmælendur úr röðum andstæðinga Katrínar og Vinstri grænna til að vitna um svik.

Einmitt þetta gerði Stundin við Sigríði Andersen og fékk stuðning RÚV. Pólitískir andstæðingar Sigríðar voru leiddir fram í fjölmiðlum til að gagnrýna hana. Fjölmiðlar og hagsmunaöfl lögðust á eitt að gera dómsmálaráðherra tortryggilegan. Og svo keypti Stundin spurningu hjá Maskínu: á Sigríður að segja af sér?

Stundin/RÚV einbeita sér að hanna pólitíska atburðarás. Þessir fjölmiðlar segja ekki fréttir, nema í framhjáhlaupi. Aðalatriðið er að koma höggi á pólitíska andstæðinga annars vegar og hins vegar hygla samherjum.

Meirihluti telur Sigríði eiga að segja af sér

Athugasemdir

[Guðmundur Ásgeirsson, 26.2.2018 kl. 19:26]

Réttlætir eitthvað af þessu lögbrot dómsmálaráðherra?

Hvaða hagsmuni hefur þú af því að verja umrædd lögbrot?

Væri ekki rétt að þú myndir upplýsa um hagsunatengsl þín?

[Páll Vilhjálmsson, 26.2.2018 kl. 19:35]

Hagsmunatengsl mín, Guðmundur, eru engin. Ég blogga fyrir eigin reikning, er ekki á launum eða sporslum hjá neinum, nema þeim sem fylgja því að vera framhaldsskólakennari. Og hvorki keypti ég stolið kjöt né á svörtu.

[Guðmundur Ásgeirsson, 26.2.2018 kl. 19:40]

Ég hef ekki heldur keypt stolið kjöt né á svörtu (svo ég viti).

Þú svaraðir því ekki hvað af þessu réttlætir lögbrot dómsmálaráðherra.

[Páll Vilhjálmsson, 26.2.2018 kl. 19:56]

Ég skil ekki spurninguna. ,,Réttlætir eitthvað af þessu lögbrot dómsmálaráðherra?" Hvað áttu við með ,,eitthvað af þessu"?

[Heimir Lárusson Fjeldsted, 26.2.2018 kl. 20:01]

Stundin er ekki góður pappír.

[Einar Sveinn Hálfdánarson, 27.2.2018 kl. 11:48]

Oftsinnis hefur það gerst að gerðir ráðherra hafa ekki staðist skoðun dómstóla. Í þessu tilfelli stóðst hvorugt skoðun dómstóla, gerðir ráðherra né mat dómnefndar (sbr. dóma sem um málin fjölluðu). - Átti nefndin að segja  af sér? Nei, nýlegt mat hennar sýnir að hún hefur bara bætt ráð sitt; fellt niður "einkunnagjöf" í excelskjali. Það merkilega er að þegar gerðir ráðherra hafa ekki staðist skoðun dómstóla, ja þá kemur krafa um afsögn aldrei fram nema um sé að ræða sjálfstæðiskonu. Ekkert tal heldur um "lögbrot". Andi HW svífur yfir vötnunum.