Trump - friðarverðlaun Nóbels

Endist Donald Trump aldur til fær hann friðarverðlaun Nóbels. Með kjarnorkuknúnum járnhnefa kenndi hann kommúnistaríkinu Norður-Kóreu mannasiði og mætir friðarvilja með afslætti af heræfingum lýðfrjálsra ríkja sunnan landamæranna.

Trump hættir að borga undir hryðjuverkamenn Palestínuaraba og brátt samþykkja þeir Jerúsalem sem höfuðborg Ísrels gegn því að þriðja kynslóð fyrirfólksins í Al Fatah fái áfram bandaríska dúsu. Friðarsamningar koma í kjölfarið.

Brjálaður heimur þarf a.m.k. hálfbrjálæðinga til að koma skipulagi á óreiðuna. Trump er réttur maður á réttum stað á réttum tíma. Líklega fær hann ekki viðurkenningu í lifandi lífi. Eins og mörg önnur stórmenni.

Fresta heræfingum vegna Ólympíuleika

Athugasemdir

[Ómar Ragnarsson, 4.1.2018 kl. 22:05]

Það var nú nógu slæmt að láta Obama hafa friðarverðlaunin þótt því sé ekki bætt við að láta þann fíl í glervörubúð sem Donald Trump er, fá verðlaunin líka. 

[Helga Kristjánsdóttir, 4.1.2018 kl. 22:08]

Trump minnir svo skemmtilega á túlkun franska leikarans Omar SY í frönsku kvikmyndinni "Intouhlabes" sem var sýnd á Íslandi við miklar vinsældir. Efnið eins ólíkt og vinna forsetans getur verið en týpurnar svo líkar; "Nær forsetinn "Nobelnum"...??   

[Merry, 4.1.2018 kl. 23:09]

Já, Trump er að gera, í stað fyrir að tala tala tala. Við í vestur kóma að sjá hvernig heimin hefur breyst fyrir það besta, takk til Trump. Ég trú á Trump.

[Þorsteinn Sch Thorsteinsson, 5.1.2018 kl. 09:54]

Sæll Páll

Nei, ég held að Donald Trump karlinn fá ekki friðarverðlaun Nóbels, en það er aldrei að vita, þar sem að hann Óbama fékk friðarverðlaun Nóbels.

KV.

[Guðmundur Ásgeirsson, 8.1.2018 kl. 18:31]

Með fordæminu sem var skapað með því að veita Obama friðarverðlaun Nobel hlýtur sigur Trump að vera borðleggjandi þetta árið.

Bráðum verða svo friðarverðlaunin orðin álíka merkileg og íslenska fálkaorðan, með glæpamenn og sjálftökulið sem áskrifendur.