Vinstrimenn ræða fréttastofu RÚV

Eftirfarandi skoðanaskipti þekktra vinstrimanna mátti lesa á fésbókinni í kvöld. Einar Steingrímsson Pírati hóf umræðuna.

Einar: Fyrir utan fréttina um að þingmenn Pírata vilji fund í stjórnskipunar- og eftirlitsnefnd um mál Bjarna eru síðustu fjórar fréttirnar á vef RÚV í dag um þetta allar um viðbrögð Bjarna, og fyrirsagnirnar eins og auglýsingabæklingur fyrir hann. Hvað er (ekki) að gerast á fréttastofu RÚV?

Gunnar Smári Egilsson sósíalistaforingi: Kvöldfréttatími sjónvarps var bara vörn Bjarna, ekki sagt frá málinu né leitað álits annarra.

Skúli Víkingsson ber í bætifláka: Það var etv. ekki rétt af RÚV að birta svör Bjarna við ásökunum sem á hann voru bornar eða hvað? Fréttatími RÚV fór hins vega að miklum hluta í predikanir Katrinar VG-foringja og Loga Sf-foringja, en það er náttúrlega eðlilegt eða hvað?

Einar: Jú, alveg sjálfsagt. En það ber vott um sérkennilegt fréttamat RÚV, og/eða slaka fréttamennsku, að leggja enga vinnu í að fjalla um þetta mál sjálft, og láta staðhæfingar Bjarna yfirskyggja allt annað í fréttaflutningi um málið.

Vinstrimenn eru næmir á áhrifamátt RÚV.

Athugasemdir

[Jón Steinar Ragnarsson, 7.10.2017 kl. 05:37]

Sekur þar til sakleysi er sannað. Málsvarnir bannaðar. 

Það væri heiðarlegt af þeim að gera þetta að slógani kosninganna.