7 vikna helför vinstriflokka

7 vikur eru til kosninga. Vinstriflokkarnir á alþingi, Píratar, Vinstri grænir, Samfylking og Björt framtíð, eiga tvöfalt verkefni fyrir höndum. Í fyrsta lagi að útskýra fyrir sínu fólki hvers vegna þeir eru fjórir en ekki einn.

Í öðru lagi að telja kjósendum trú um að betra sé að bjóða fram margklofið fremur en einn framboðslista. Kjósendur munu spyrja sig hvort ástæða sé að púkka upp á margklofna vinstrimenn þegar helstu tíðindi stjórnmálanna eru að smáflokkakraðakið á vinstri vængnum er meginfyrirstaðan fyrir því að mynda starfhæfa ríkisstjórn.

Í síðustu þingkosningum skein stjarna Vinstri grænna skærast í stjórnmálalitrófi vinstrimanna. Hending mun ráða hvaða vinstriflokkur þykir skástur 4. nóvember. Nema það slokkni á allri seríunni.

Flestir stefna á fund fyrir kosningar

Athugasemdir

[Jóhannes Laxdal Baldvinsson, 16.9.2017 kl. 21:08]

Ég hef nú meiri áhyggjur af því að kosningaþátttaka haldi áfram að dragast saman.  Fjöldi framboða til hægri eða vinstri eykur bara áhugann ef eitthvað er.

[Kolbrún Hilmars, 16.9.2017 kl. 22:23]

Eins gott að svokallaðir vinstri flokkar sinni þá verkefninu sínu, annars tekur Flokkur fólksins þá í nefið.

[Helga Kristjánsdóttir, 17.9.2017 kl. 02:24]

Það er stutt á milli gráturs og hláturs. Eftir að hafa í 1.sinni á árinu horft á kvikmynd í fullri lengd á Rúv.(Pianoman), bregður maður sér á síðu Pallvil og les; 7 vikna helför vinstrimanna,allt í léttum dúr ..og hending mun ráða hvaða vinstriflokkur þykir skástur 4.nóvember,nema það slokkni á allri seríunni.