RÚV: Sigurður Ingi bjóddu þig fram, gerðu það

Fréttamaður RÚV nánast grátbað Sigurð Inga að bjóða sig fram gegn formanni Framsóknarflokksins, Sigmundi Davíð. RÚV vísaði í ónafngreinda heimildamenn í Framsókn sem lofuðu Sigurði Inga stuðningi. Ónafngreindur stuðningur er harla lítils virði innanflokks, nema þegar RÚV endurvarpar þeim stuðningi á öldum ljósvakans.

RÚV er í herför gegn Sigmundi Davíð. Mælikvarðinn á það hvort herförin heppnast er hvort tekst að hrekja Sigmund Davíð úr stjórnmálum eða ekki. RÚV hannar fréttir af Framsókn til að gera formanninn tortryggilegan.

Í síðustu viku var Eygló Harðardóttir félagsmálaráðherra formannskandídat RÚV í Framsóknarflokkum og þá var Sigurður Ingi kallaður fitubolla af fréttamanni RÚV. Ein vika í pólitík er langur tími og sú síðasta sýndi Eygló pólitískan liðlétting. RÚV flutti óðara stuðning sinn yfir á Sigurð Inga; nú fær hann rauða teppið og drottningarviðtöl á Efstaleiti.

Fyrirsögnin á pólitískri viku Sigurðar Inga er þessi: Frá uppnefni til frægðar - allt í boði RÚV.

 

„Þetta var hreinskiptinn fundur“

Athugasemdir

[Jón Bjarni, 11.9.2016 kl. 10:54]

Andstæðingar Framsóknarflokksins þrá ekkert heitar en að Sigmundur leiði flokkinn Páll.. Held að þitt pólitíska nef sé með kvef

[Helga Kristjánsdóttir, 11.9.2016 kl. 11:32]

Nei Jón þetta er hárrétt stef,hjá Páli...

[Jón Bjarni, 11.9.2016 kl. 11:54]

Mikið ofboðslega hlýtur það að vera erfitt líf að sjá samsæri í hverju horni -komast ekki í gegnum daginn án þess að ætla einhverjum að vera hafa rangt við. Hvernig verður maður svona?

[Jón Bjarni, 11.9.2016 kl. 11:55]

Og Helga, heldur þú í alvöru að Framsóknarflokkurinn sé líklegur til afreka með Sigmund í brúnni?

[Haukur Árnason, 11.9.2016 kl. 12:57]

Jón Bjarni, Það er spurningin um líf Framsókarflokksins, hvort Sigmundur verður áfram formaður.  Ef ekki, þá er flokkurinn búinn að vera sem stjórnmálaafl.  Það er bara þannig.

[rhansen, 11.9.2016 kl. 15:13]

Algjörlega sammál Páli og lika Hauk Arnasyni her að ofan  ,ef framsókn ætlar að hafna  SDG þá getur sa flokkur hallað ser ! .Eins og Rúvarar stefna að og hafa gert s.l ár !og trúi ekki fyrr en eg tek á að slikt gerist ?

[Sigfús Ómar Höskuldsson, 12.9.2016 kl. 12:08]

Um leið og ég færi þakkir til höfundar með að ná að koma böndum á starfsfólk RÚV með að njóta þeirra mannréttinda að tjá sig á samfélagsmiðlunum, þá færi ég spurningu til höfundar (sem hann mun sannarlega ekki svara..) en spurningin er þá þessi: Svein­björn Eyj­ólfs­son sem býður sig nú til formanns flokks höfundar, og hefur haft þessi orð uppi um SDG "Sig­mund­ur Davíð Gunn­laugs­son sveik fyrst og fremst sjálf­an sig þegar hann upp­lýsti ekki um af­l­and­seign­ir eig­in­konu sinn­ar" , metur höfundur að þessi Sveinbjörn sé þá líka hluti af plotti Fréttastofu RÚV við að ryðja SDG frá ?