Samfylkingin sópar ESB undir teppið

Evrópumál eru snaran í hengds manns húsi Samfylkingar. Þau eru ekki nefnd í stefnuræðu nýkjörins formanns, Oddnýjar Harðardóttur, og heldur ekki í landsfundarályktun.

Öll pólitík Samfylkingar snerist í meira en áratug um að Ísland yrði aðildarríki Evrópusambandsins. Haustið 2002 beindi forysta Samfylkingar þessari spurningu til flokksmanna:

Á það að vera stefna Samfylkingarinnar að Íslendingar skilgreini samningsmarkmið sín, fari fram á viðræður um aðild að Evrópusambandinu og að hugsanlegur samningur verði síðan lagður fyrir þjóðina til samþykktar eða synjunar?

Á þessum veika grunni hélt Samfylkingin í leiðangur sem náði hámarki 16. júlí 2009 þegar alþingi samþykkti tillögu Össurar Skarphéðinssonar utanríkisráðherra að sækja um aðild að ESB.

Samfylkingin tapaði þingkosningunum 2013 vegna þess að ESB-umsóknin var í beinni andstöðu við þjóðarhagsmuni.

ESB-draugurinn mun fylgja Samfylkingunni nema flokkurinn kveði hann í kútinn. Það kallar á uppgjör við misheppnuðustu utanríkispólitík landsins frá Gamla sáttmála.

Barátta við að sannfæra kjósendur

Athugasemdir

[Jóhann Kristinsson, 4.6.2016 kl. 18:58]

Ný kjörinn formaður samfó var ennþá með ESB inngöngu sem nauðsynlegt málefni fyrir Íslendinga fyrir nokkrum dögum í viðtali á Útvarp Sögu.

Í mínu nágrenni þá er oft sagt"You can put a lipstick on a pig, it is still a pig."

Kveðja frá Houston

[Elle_, 5.6.2016 kl. 01:22]

Flokkurinn er ruslahaugur.  If it looks like a duck, quacks like a duck, walks like a duck, then it is a duck.

[Sólbjörg, 5.6.2016 kl. 07:43]

Eitthvað af fyrra fylgi flokksins sem farið hefur til VG og Pírata ætti af rata aftur heim. Þeir kjósendur hlusta ekki á útvarp Sögu og fá því engan pata af ESB hyggja flokksins er enn við lýði.

[Helga Kristjánsdóttir, 5.6.2016 kl. 14:17]

Já Sólbjörg þau bera jafnan við „ég heyrði/sá það í Sjónvarpinu“ þessu eina sem ætti að fara rétt með,en því miður- - --