Ríkið á að gera mig hamingjusaman

Ef launin mín hrökkva ekki til að ferðast til útlanda eða kaupa miða á jólatónleika, greiða fyrir áskrift að fjölmiðlum og fara reglulega út að borða þá á ríkið að bæta mér það upp. Annað er ósanngjarnt.

Vegna þess að sumir aðrir eiga meiri peninga en ég þá á að skattleggja þá til helvítis svo að ég geti fengið eitthvað meira gefins frá ríkinu.

Ég á hvorki að leita mér að betur borgaðri vinnu né auka yfirvinnuna þegar ég vil auka tekjurnar. Það er ósanngjarnt. Ríkið á að sjá mér fyrir lífsins gæðum.

Ég ætla sem sagt að mótmæla í dag.

Og ef mótmælin bera ekki árangur þá ætla ég að stofna stjórnmálaflokk.

Ríkishamingjuflokkinn. 

 

Athugasemdir

[Óskar Helgi Helgason (IP-tala skráð) 3.11.2014 kl. 12:53]

Sæll Páll - sem og aðrir gestir þínir !

Ósköp - er þetta spé þitt: að því fólki sem Bankar og aðrar fjárplógsstofnanir hafa rænt að undanförnu lágkúrulegt - Páll minn.

Ég þekki allmikinn fjölda fólks - sem þessi lýsing þín hér að ofan Á ALLS EKKI VIÐ: síðuhafi góður.

Má vera - að þú þekkir einhver tiltekin dæmi / teljandi á fingrum annarrar handar það fólk: sem ég þekki að bruðli og óráðsíu alla vegana.

Hitt er annað - að allt of margir gera óhóflegar kröfur til hátimbraðra lífsgæða: sem fáir ná að standa undir / á eigin forsendum - og að eiga fjármuni fyrir Helvítis glysinu.

Sem betur fer - auðnaðist mér Páll: að alast upp með - og kynnast fjölda fólks: skyldu mér sem vandalausu / sem fætt var vel fyrir aldamótin 1900:: þekkti tímana tvenna (þar á meðal kreppuna 1929 - 1940): og kunni sér hóf í sínu daglega líferni - þó sumt þess hafi alveg haft fjárhagslegt bolmagn til munaðar og óhófs / að þá iðkaði það fremur hófsamar lífs venjur - sem þættu víst ekki merkilegar í dag / síðuhafi góður.

Þannig að - þú ættir aðeins að rifa Segl þín Páll minn / áður en þú tekur til frekari alhæfinga í þessum efnum;; ágæti drengur.

Með beztu kveðjum sem oftar - af Suðurlandi /

[Kolbrún Hilmars, 3.11.2014 kl. 17:27]

Ég þekki líka fjölda fólks sem lýsingin á ekki við.  En það er yfirleitt af eldri kynslóðum sem ólust upp við að stjórna sínu lífshlaupi sjálfar.

Tilhneigingin í dag er sú að "ríkið" á að sjá um alla hluti - yngra fólk er margt (ekki allt þó!) búið að gera að alhliða þjónustuneytendum. 

Vandamálið er bara að ríkisbáknið er ekki hannað til samræmis.