Fréttamenn RÚV og fagleg uppgjöf

Þegar fréttamaður stefnir vegna gagnrýni á frétt er það yfirlýsing um faglegt þrot. Fréttir eru frásagnir af tíðindum dagsins. Eðli frétta er að þær segja sjaldnast allan sannleikann og í þeim skilningi er stök frétt aðeins framlag til umræðunnar.

Frétt sem þolir ekki umræðu heldur er farið með í réttarsal til að fá þar vörn dómstóla stendur einfaldlega ekki undir nafni. Slík frétt er eins og nátttröll í dagsbirtu.

Hádegisfrétt RÚV, sem gangrýnd var í þessu bloggi 16. júlí sl., var hlutdræg og dró upp einhliða mynd af ESB-ferlinu. Með því að breyta lykilatriði í fréttinni, þýðingunni á ,,accession process", í sjónvarpsfréttum þá um kvöldið viðurkenndi RÚV að hádegisfréttinni hefði verið ábótavant.

Í stað þess að senda bloggara vinsamlega kveðju með þökkum fyrir uppbyggilega gagnrýni ákvað RÚV-liðið að stefna. Það var hvorki faglegt né viturlegt.

Páll sýknaður í meiðyrðamáli

Athugasemdir

[Ragnhildur Kolka, 6.5.2014 kl. 22:22]

Ég óska þér til hamingju Páll með tvöfaldan sigur. Fyrst fyrir að hrinda þessari atlögu DDR-RÚV að málfrelsinu og ekki síður fyrir að sjá sjálfur um vörnina. Tek hatt minn (!) ofan fyrir þér.

[Gústaf Adolf Skúlason, 7.5.2014 kl. 04:01]

Tek undir hamingjuóskirnar með Ragnhildi hér ofan og þakka þér Páll fyrir iðulega skilmerkileg skrif og óbilgjarna staðfestu.

[Predikarinn - Cacoethes scribendi , 7.5.2014 kl. 04:47]

Hjartanlega til hamingju með þetta kæri Páll !

[Helga Kristjánsdóttir, 7.5.2014 kl. 12:25]

Hreinasta afbragð og enginn var betur til fallinn en þú,að sjá um vörnina. -Hjartanlegar hamingju óskir til þín

[Rakel Sigurgeirsdóttir, 7.5.2014 kl. 19:16]

Tek undir hamingjuóskir, hrós og hvatningu hér að ofan!

[Halldór Jónsson, 7.5.2014 kl. 23:06]

Þetta endurvekur manni trú að það sé einhverskonar réttarfar í landinu þrátt fyrir allt.

[Magnús Ágústsson, 8.5.2014 kl. 06:52]

Til hamingju med sigurinn og takk fyrir ad standa vaktina gegn ESB arodrinum