Þorgerður og Kaupþingslukkan

ESB-sinnar leituðu fyrst til Þorsteins Pálssonar sem foringja í nýjum hægriflokki. Þorsteinn sýndi sig tækifærissinnaðan í afstöðunni til aðildar að Evrópusambandinu og heldur féll kappinn í áliti við að taka hagsmuni MP-banka fram yfir ESB. Ekki er Þorsteinn þó búinn að draga framboð sitt tilbaka.

Þegar fyrrverandi formaður Sjálfstæðisflokksins kemur ekki til greina er næsti kandídat fyrrum varaformaður sama flokks Þorgerður Katrín Gunnarsdóttir. Og æsast nú leikar því mættur er til leiks mun öflugri banki en sá sem kenndur er við Margeir Péturs.

Þorgerður Katrín færir framboði Sveins Andra og Benedikts ómetanlegt forskot á aðra forystumenn stjórnmálaflokka. Fólk sér Þorgerði Katrínu og hugsar Kaupþing, eða Kauuuuuuup-thing eins og breski grínistinn sagði.

Ekki er nokkur spurning um að Kaupþing trompar MP-banka í hugrenningartengslum. Þorgerður Katrín og Kaupþing eru vörumerki við hæfi nýs framboðs ESB-sinna.

Sveinn Andri áfram í fótgönguliðinu

Athugasemdir

[Ragnhildur Kolka, 21.4.2014 kl. 12:36]

Hætta þá andstæðingar Sjálfstæðisflokksins að kalla hana Kúlulánsdrottninguna?

[Kristján B Kristinsson (IP-tala skráð) 21.4.2014 kl. 13:26]

Það ætti vel við að laumukratinn Þorgerður Kratín yrði gerð að formanni hægriflokks.

[Elle_, 21.4.2014 kl. 23:49]

Flokkurinn yrði kallaður Brusselska Svartstakkafylkingin.  Já eða Kúlulána-Svartstakkar.

[Hörður Einarsson, 22.4.2014 kl. 00:17]

Þá losnum við kanski viðVilhjálm Bjarnason og Ragnheiði Ríkarðsd.?