Framsóknarflokkurinn í hlutverki Alþýðuflokksins

Framsóknarflokkurinn gefur tóninn í hinni pólitísku umræðu. Skuldaleiðréttingin er framsóknarmál og Vigdís Hauksdóttir og endurskoðun fjárlaga er svo sannarlega málefni flokksins.

Sjálfstæðismenn láta sér vel líka að Framsóknarflokkurinn stjórni umræðunni. Á síðustu öld var Sjálfstæðisflokkurinn vanur því að Alþýðuflokkurinn bryddaði upp á pólitískum nýmælum í borgaralegum stjórnmálum. Ef nýmælin féllu í góðan jarðveg gerði Sjálfstæðisflokkurinn þau að sínum.

Framsóknarflokkurinn er kominn í sterka stöðu sem uppspretta pólitískrar nýhugsunar. Til hægri er hófsamur borgaraflokkur og til vinstri við Framsóknarflokkinn er þrír vinstriflokkar sem ekki vita sitt rjúkandi ráð.

Athugasemdir

[Baldinn, 10.12.2013 kl. 13:57]

"Framsóknarflokkurinn er kominn í sterka stöðu sem uppspretta pólitískrar nýhugsunar."

Annað hvort ert þú Páll svona mikill húmoristi eða......

Mig langar að fá dæmi um hina pólitísku nýhugsun hjá Framsókn.

Framsóknarflokkurinn er pólisískt viðriðni og vanskapnaður íslenskra stjórnmála.  Þetta er flokkur sem hefur enga pólitíska hugsjón heldur finnur sig upp á nýtt fyrir hverjar kosningar með nýja stefnu sem er búin til í samstarfi við auglýsingastofu.

[Anna Sigríður Guðmundsdóttir, 10.12.2013 kl. 17:14]

Er Íslenskt samfélag samansett af pólitískum flokkaríg, eða er það samansett af samfélagi þjóðarinnar allrar?

Hvort ætti það að vera?

M.b.kv.