Árni Páll tryggir fullveldinu betri vörn í ESB-málinu

Alþingi samþykkti naumlega 16. júlí 2009 að sækja um aðild að Evrópusambandinu. Þjóðin var ekki spurð hvort hún vildi í ESB og aðeins einn flokkur á þingi, Samfylkingin, var með aðild á stefnuskrá sinni.

Árni Páll Árnason formaður Samfylkingar virðist ætla að bæta fyrir mistökin 16. júlí 2009 með því að leggja ofurkapp á að sterkur meirihluti þings og þjóðar sé á bakvið breytingar á stjórnskipun lýðveldisins.

Á síðasta degi sumarþings, í gærnótt, var lagafrumvarp Árna Páls, Katrínar Jakobs og Guðmundar Steingríms samþykkt. Lögin taka til breytinga á stjórnskipun Íslands og gilda út kjörtímabilið.

Meginatriði laganna eru þess: aukinn meirihluta á alþingi, 2/3 atkvæða þarf til að breyta stjórnarskránni og því aðeins fái slík breyting gildi að almenningur samþykki í þjóðaratkvæðagreiðslu, þar sem a.m.k. 40 prósent kosningabærra manna samþykkir. 

Með þessum lögum, sem formenn Samfylkingar, VG og Bjartrar framtíðar fengu samþykkt, er komið fordæmi fyrir því hvernig alþingi á að meðhöndla tillögu um að endurvekja ESB-ferlið.

Takk fyrir, Árni Páll, Katrín og Guðmundur.