Árni Páll fer á bakvið Jóhönnu

Fyrsta frétt Sjónvarps RÚV í gær var að ,,formlegar" viðræður stæðu yfir á milli Samfylkingar og Framsóknarflokks um stjórnarskrármálið. Í dag er það borið tilbaka af formanni Framsóknsóknarflokksins að viðræður standi yfir.

Hið rétta í málinu er að Árni Páll Árnason formaður Samfylkingar er búa sér til stöðu fyrir kosningar. Og þar sem Jóhanna Sigurðardóttir fráfarandi formaður og forsætisráðherra er ekki tilbúinn að hleypa eftirmanni sínum að þá ákvað Árni Páll að efna til viðræðna við stjórnarandstöðuna upp á eigin spýtur.

Markmið Árna Páls er að ,,lenda" stjórnarskrármálinu með því að semja um smábreytingar á stjórnarskránni og kalla það málamiðlun. 

Framsóknarflokkur og Sjálfstæðisflokkur munu alltaf koma illa út úr slíkri málamiðlun enda prinsippmál að láta ekki niðurrifsöflin krukka í stjórnarskrá lýðveldisins.

Árni Páll kaupir sér ekki vinsældir flokksfélaga sinna með því að fara á bakvið Jóhönnu  og enn síður ef undirferlið skilar ekki neinum árangri.

Stjórnarskrármálið ekki á dagskrá í dag