Evran veldur óstöðugleika

Evran er of hátt skráð fyrir Suður-Evrópu og er ástæðan fyrir atvinnuleysi tugmilljóna manna. Þegar Frakkar eru teknir til við að æmta undan of háu gengi evrunnar er líklegt að þýsk-franski öxullinn í Evrópusambandinu sé við það að bila.

Stóru hagkerfin, s.s. Bandaríkin, Japan og Kína, eru öll að fikta við gengisskráningu sinna gjaldmiðla til að bæta stöðu útflutningsatvinnugreina sinna - auðvitað á kostnað einhverra annarra.

Þjóðverjar munu ekki ljá máls á handstýringu evrunnar enda myndi það skapa hættulegt fordæmi. Frakkar á hinn bóginn eru með frjálslegri viðhorf til fjármála og finnst ekkert tiltökumál að taka áhættuna af aukinni verðbólgu ef það þjónar öðrum mikilvægari efnahagsmarkmiðum, t.d. í baráttunni við atvinnuleysi.

Fyrr heldur en seinna mun evran kikna undan ólíkum pólitískum kröfum sem gerðar eru til gjaldmiðilsins. 

Hátt gengi evrunnar ógnar ESB