VG er orðinn hreinn ESB-flokkur

Vinstrihreyfingin grænt framboð er orðið að rekaldi við hlið Samfylkingar, segir Hjörleifur Guttormsson einn af stofnendum VG. Hjörleifur vekur athygli á því að enginn af frambjóðendum VG í Reykjavík setur andstöðu við ESB-umsóknina á dagskrá í sameiginlegri kynningarútgáfu vegna forvals.

 Nú þegar andstaðan við aðild að ESB er orðin slíkt aukaatriði að frambjóðendur VG nefna hana ekki á nafn þegar þeir gera grein fyrir sér, er fokið í flest skjól. Flokkurinn sem við stofnuðum um aldamótin er því miður að verða ósjálfbært rekald við hliðina á Samfylkingunni.

VG á bara eftir að fella grímuna og boða ESB-aðild af sama trúarhita og Samfylkingin.

Athugasemdir

[Gunnlaugur I., 19.11.2012 kl. 16:04]

Þessi vesæla ESB væðing VG verður þeirra banabiti.

Þess vegna spái ég þeim gríðarlegu afhroði í næstu kosningum, ef ekki hreinni útrýmingu á þingi.

Með þessum stór svikum við kjósendur sína og fyrrum stuðningsmenn geta þessir afgangar og restar sem eftir verður af þessu Flokkskríbbli VG þá getur forystan alveg eins sótt um að verða eitt af Lansmálafélögum Samfylkingarinnar. Kannski bara gengið í Landsmálfélagið Rósina.  

Það er rakið hneyksli og vanvirðing við kjósendur hvernig þessir frambjóðendur VG í Reykjavík koma sér hjá að taka efnislega afstöðu í þessu stóra máli og sneyða hjá a.m.k. ennþá opinberri stefnu VG í þessu máli.

Svei þessu svika liði. Fari þau og þeirra svik Norður og Niður !  

[Sigurður Þorsteinsson, 19.11.2012 kl. 19:42]

Páll þetta er nú ekki sanngjarnt hjá þér. Auðvitað hafa landsfundir VG hafnað alfarið aðild að ESB. Um leið og út af fundunum er komið, vinna ráðherrar flokksins að vísu að alefli að aðildarumsókn alla hina 364 daga ársins. Formlega séð eru ráðherrarnir að vísu á móti aðild, en óformlega verða þeir að helga sig aðidlarumsókninni. Þetta er svona eins og vændiskonu, sem siðferðilega ér alfarið á móti vændi, en selur sig síðan alla daga ársins, eins  mikið og á meðan nokkur eftirspurn er til staðar.

Auðvitað eru til þingmenn sem virðast vera heillaðir af ESB, eins og Árni Þór Sigurðsson. Geri mér ekki grein fyrir hvernig hann skilur afstöðu samflokksmanna sinna. Sennilega lítur hann á andstöðu þeirra gegn ESB sem grín. 

Það verður spaugilegt að fylgjast með því hvað þignmenn VG leggja upp með í ESB aðildarumsókninni í komandi Alþingiskosningum. Auðvitað geta þingmenn VG spilað sig sem trúða. Þá væri rökréttast að þeir fengju Samfylkingarkúluna á nefið.