2007-hagfræðingur vill álver

 Ingólfur Bender, bankahagfræðingur frá tímum útrásar, vill álver til að hressa upp á braskmöguleika fjármálastofnana. Rökin eru þau að það sé slaki í hagkerfinu.

Með 4,9 prósent atvinnuleysi er enginn slaki í hagkerfinu. Ingólfur fer með þvætting enda er honum borgð fyrir það.

Við þurfum alls ekki álver. Miklu frekar þurfum við hærri vexti til að slá á þenslu í atvinnulífinu. Látum ekki milljón króna mennina ljúga okkur inn í nýja útrás.

 

Rétti tíminn fyrir álver í Helguvík

Athugasemdir

[Þorsteinn V Sigurðsson, 13.10.2012 kl. 13:33]

Hvaða þenslu í atvinnulífinu ert þú eiginlega að tala um ?

Ég tel mig nú þokkalega tengdan atvinnulífinu og sé bara hvergi einhverja þenslu í gangi.

Eitthvað tal um að nú þurfi að hækka vexti í landinu er náttúrulega hreinræktað glapræði þegar unnið er að því hörðum höndum að koma atvinnulífinu í gang.

Nei nú skaustu vel yfir markið Páll.

[Kristinn Snævar Jónsson, 13.10.2012 kl. 13:49]

Ég held að Páli hafi misritast herfilega með athugasemd sinni um að hækka þyrfti vexti núna í því slaka ástandi sem hér er ríkjandi ennþá í atvinnulífinu. Hann hlýtur að hafa ætlað að skrifa að hér þyrfti að hækka atvinnustigið. Varðandi þörf á vaxtahækkun núna talar hann eins og öfugmælaraddirnar í Seðlabankanum sem hafa hamrað á þeirri blekkingarþulu undanfarin misseri að hækka þyrfti vexti til að koma í veg fyrir ofþenslu núna í slakanum í atvinnulífinu er vinnufúsar hendur yfirgefa landið í stríðum straumum vegna atvinnuleysis og lífskjaraskerðingar. Verðbólgumarkmið Seðlabankans fela bókstaflega í sér markmið um verðbólgu og tilheyrandi kostnaðarhækkun fyrir skuldug fyrirtæki og heimili. Það er þó ekki þorri almennings sem hagnast á verðbólgunni heldur fjármagnseigendur, lánveitendur og lánastofnanir.

[Kristinn Snævar Jónsson, 13.10.2012 kl. 13:59]

Hitt er annað að ofuráhersla á orkusölu til málmbræðslna fjölþjóðafyrirtækja á fáránlegu allt of lágu verði, sem þar að auki skilja tiltölulega lítið eftir af arðmynduninni í íslensku efnahagslífi, er augljóslega röng stefna. Maður spyr sig hvernig menn hafa getað samið svona herfilega af sér fyrir Íslands hönd, ítrekað, á undanförnum áratugum frá því að fyrsta álbræðslan var reist hér; Og, áhættan vegna breytilegs orkusöluverðs fyrst og fremst á Íslandi sem orkusala. Þetta virðist sami hugsunarháttur eins og hér hefur verið ríkjandi varðandi verðtryggð lán, þar sem öll áhættan af verðtryggðum lánum hérlendis er alfarið á lántakendum. Greiðandinn er sá sami: Almenningur á Íslandi.

[jonasgeir (IP-tala skráð) 13.10.2012 kl. 15:27]

Hér var ýmislegt skrýtið.

5% atvinnuleysi er 4% of mikið.  Og svo voru það allir brottfluttu.  Eiga þeir séns á að koma til baka.  Eða þá að almenningur niðurgreiði raforku.  Tja.  Þvílíkur þvættingur.  Er ekki Landsvirkjun eina alvöru "sameign" landsmanna í dag?

 Heldur er nú orðið erfitt að vera til ef maður má ekki hafa unnið árið 2007.  Bara senda alla eldri en 6 ára í skóla til Noregs?

[Jón Logi (IP-tala skráð) 13.10.2012 kl. 17:40]

Hávextir til langs tíma valda þenslu, rýrnun myntar, verðbólgu og tilfærslu kapítals til þeirra sem mest hafa aðgang að því. Þetta er algert skammtímaverkfæri í þenslu-heftingu, svona eins og að pissa í skóinn sinn.

Hækkun vaxta hefur og þau áhrif í okkar verðtryggða umhverfi, að reyta peninga af öllum þeim sem yfirhöfuð hafa skuldir, nú eða sökkva þeim dýpra í súpuna.

Hvað varstu að hugsa Páll??!?!?!!!????

[Helgi (IP-tala skráð) 14.10.2012 kl. 22:56]

@KSJ:

Menn sömdu ekki af sér varðandi orkuverð til stóriðju, kynntu þér aðeins málin:

-Vöruskiptajöfnuður áliðnarins árið 2010 var hagstæður upp á 120 milljarða

- Sala raforku til áliðnaðar hefur verið með arðsömustu starfsemi raforkufyrirtækja hér á landi um árabil sbr. nýlegar upplýsingar OR og Landsvirkjunar

- Landsvirkjun hefur gefið það út að félagið geti greitt upp allar skuldir sínar á 10-12 árum

Hvað er svona hræðilegt við þetta?

Páll veit því miður ekkert um efnahagsmál þó hann sé ansi glöggur í pólitískum greiningum sínum.

Við þurfum að skapa verðmæti svo hægt sé að skapa störf, álver er góð hugmynd og hrinda þarf framkvæmdum af stað sem fyrst.