Guðbjartur rústar Landsspítalanum

Launahækkun Guðbjarts Hannessonar velferðarráðherra til Björns Zöega forstjóra Landsspítalans upp á hálfa milljón króna á mánuði - segi og skrifa 500 þúsund krónur á mánuði í hækkun - eyðileggur starfsandann á spítalanum og stóreykur líkur á læknaflótta.

Í frétt RÚV í gær eru teknar saman afleiðingarnar af græðgisvæddu 2007-viðhorfi forstjórans annars vegar og hins vegar himinhrópandi heimsku velferðarráðherra.

Ómar Sigurvin Gunnarsson, formaður Félags almennra lækna, óttast að félagsmenn sínir muni nú í auknum mæli sækja störf erlendis í kjölfar launahækkunar forstjóra Landspítalans.

Velferðarráðherra hækkaði nýverið laun forstjóra Landspítalans, um rúmlega 500 þúsund krónur á mánuði, en laun hans eru nú 2,3 milljónir króna á mánuði. Mikil óánægja er innan veggja spítalans vegna þessa. Fastlega má búast við að launahækkunin verði rædd á fundi Starfsmannafélags Landspítalans á miðvikudaginn og á fundi stjórnar Læknafélags Íslands komandi mánudag.

Ómar Sigurvin Gunnarsson, formaður almennra lækna segir launahækkunina hafa komið verulega á óvart, sérstaklega í ljósi þess forstjórinn hafi ítrekað hvatt starfsfólk til vera þolinmótt og standa saman í gegnum niðurskurði hjá stofnuninni, þrátt fyrir kjaraskerðingu og aukið álag.

Ráðherra segir að rekja megi launahækkunina til eftirspurnar eftir starfskröftum forstjórans erlendis sem og læknastarfa hans við spítalann. Ómar segir að í ljósi þessa hljóti þá að vera sömuleiðis brýnt að hækka ríflega laun annarra sérfræðilækna við spítalann, sem sömuleiðis séu eftirsóttir erlendis. Hann telur að almennir læknar og sérfræðilæknar fari jafnvel til útlanda.

Með leyfi að spyrja: hvenær ætlar Björn að haska sér til Svíþjóðar og hvenær ætlar Guðbjartur Hannesson að segja af sér?

 

Athugasemdir

[Rósa (IP-tala skráð) 11.9.2012 kl. 10:03]

Skátinn ræður ekki við þetta.

Það gengur ekki að hafa dómgreindarlaust fífl í útgjaldafrekasta ráðuneytinu.

[Pétur Örn Björnsson (IP-tala skráð) 11.9.2012 kl. 12:11]

"Velferðarráðherra hækkaði nýverið laun forstjóra Landspítalans, um rúmlega 500 þúsund krónur á mánuði, en laun hans eru nú 2,3 milljónir króna á mánuði."

Skv. þessari frétt RÚV eru laun Björns Zoega þar með orðin 2,8 milljónir.

Lágmarkslaun eru um 180.000 kr.  Ráðherra Samfylkingarinnar finnst því sjálfsagt að laun eins ríkisforstjóra séu um

16 föld lægstu laun. 

Mikil er dýrð og dásemd fyrstu hreinu "Vinstri velferðarstjórnarinnar", svokallaðra jafnaðarmanna, em kennir sig við skjaldborg um heimili landsins.

Það var þetta með að sum dýrin eru jafnari eru önnur. 

Það eru svínin í sjálfskammtandi ríkiskerfinu.

[Hildur (IP-tala skráð) 12.9.2012 kl. 21:01]

Jamm og jæja. Skil ekki afhverju þetta er svona mikið mál. Lækka ætti á móti launin hans vegna forstjórastöðu um 450 þúsund krónur á mánuði þar sem hann er að fá greitt aukalega fyrir læknastörf í tíma forstjóra. Gefur auga leið að forstjóradjobbið er ekki 100 % starfshlutfall !!!!