Þóruframboðið - námskeið í sjokki

Róttæki sumarháskóli Reykjavíkurakademíunnar efnir til námskeiðs fyrir stuðningsmenn Þóruframboðsins undir yfirskriftinni Þóra - hvað gerðist? Í kynningu segir

Ungt fólk sem alla jafna syndir á móti straumnum og gengur hart fram gegn gildandi kerfi og viðmiðum sameinaðist Ingu Lind, Sjón, Bergi Ebba og Láru Björg í þeirri óvenjulegu draumsýn að koma Þóru Arnórsdóttur og manninum hennar Svavari Halldórssyni á Bessastaði. Hvaða sameiningarafl var það sem fékk þverskurð þjóðarinnar til að veðja á unga konu, þungaða af framtíðinni sem sinn kandídat? Hversvegna misheppnaðist framboðið svona gjörsamlega þrátt fyrir frábæra markaðssetningu og velvild fjölmiðla?

Jú, svarið liggur í síðustu spurningunni. Þóruframboðið var aðeins markaðssetning og fjölmiðlaumfjöllun - ekkert innihald. Almenningur skynjaði innihaldsleysi Þóruframboðsins. Markaðsvæðing Þóru, t.d. með Þóru-deginum, dró ekki fjöður yfir málefnatómið heldur undirstrikaði það.

Athugasemdir

[Heimir Lárusson Fjeldsted, 13.7.2012 kl. 10:25]

Vel mælt.

[Hilmar (IP-tala skráð) 13.7.2012 kl. 10:39]

Ætli fólk hafi ekki skynjað það, að Samfylkingin er gegnsýrð af hugsuninni um völd, valdanna vegna.

Samfylkingin leitaði lengi að "einhverjum" til að velta Ólafi, fann ágætt myndefni, sem sómir sér vel á auglýsingaplaggötum og afhent þennan "einhvern" í hendurnar á auglýsingafólki.

Útkoman varð einhverskonar kókakóla frambjóðandi, dísætur sem hefur ekkert næringargildi.

Ég er hinsvegar fullviss um að róttækir vinstrimenn finna aðra hentugri skýringu, nefnilega að þjóðin sé svo vitlaus.

[Skúli (IP-tala skráð) 13.7.2012 kl. 11:15]

Einmitt, þetta var lítið annað en umbúðir og fjör...

[Pétur Örn Björnsson (IP-tala skráð) 13.7.2012 kl. 12:42]

Frambjóðendur fjórflokksins eru puntudúkkur.

Þingmenn fjórflokksins eru puntudúkkur.

Heill haugur af uppdubbuðum puntudúkkum

í heimi sáldursins undir skrani plastkúplanna,

dansandi eftir vemmilegri forskrift spiladósa 

[Pétur Örn Björnsson (IP-tala skráð) 13.7.2012 kl. 13:06]

Gáið að því, og sjáið hið augljósa:

ESB, gæðavottaðar og staðlaðar puntudúkkur, framleiddar í Kína

og einn sköllóttur rindill og ein heilög silfurskotta þagnarinnar

stíga dansinn með tveimur silfurskeiðum

- öll í gapandi lausu lofti í gjánni milli þings og þjóðar. 

En gáið að því og sjáið hið augljósa, að þjóðin mun dafna best án þeirra.