Tilfallandi athugasemdir

Þriðjudagur, 5. júní 2012

Vg og Samfó með gagnólíka hagsmuni

Samfylkingin veðjar á kosningabaráttu sem gengur út á að vera eini ESB-flokkurinn í framboði. Allt bakland Vinstri grænna æpir gegn ESB-aðild. Ríkisstjórn með útistandandi ESB-umsókn þjónar kosningahagsmunum Samfylkingar en er fullkomlega andstæð hagsmunum Vinstri grænna.

Forysta Vinstri grænna sendir reglulega út pólitísk skilaboð um æskilegan samruna á vinstri kanti stjórnmálanna. Samfylkingin sem heild hefur ekki áhuga á samruna við Vg. Ríkisstjórn Jóhönnu sýnir svart á hvítu að þjóðin styður ekki slíka stjórn. Kosningaúrslitin vorið 2009 verða ekki endurtekin næsta mannsaldurinn.

Innan við ár er í næstu kosningar og spennan vex, bæði milli stjórnarflokkana og innan þeirra, sem felur í sér pólitíska lömun. Ríkisstjórn Jóhönnu varð til sem starfsstjórn og líklega endar hún einnig sem slík.

	Skylda VG að grípa í taumana
Ábyrgðarmaður færslu Tilkynna um óviðeigandi tengingu við frétt

Flokkur: Dægurmál | Facebook

Athugasemdir

Gaman væri að vita hvort Steingrímur og Jóhanna, eru tilbúin að eftirláta Fjölskylduhjálpinni, skötuselskvótan sem er upp á 2000 tonn,í stað þess að afhenda hann án endurgjalds, til þeirra sem eru fyrir með kvóta í skötusel, svo þeir geti leigt hann norðu og á vestfyrði fyrir 250 kr/kg.

Síðan mætti hugsa sér að nota eitthvað af þessum 500 miljónum í tannviðgerðir fyrir fátæk börn.

Halldór Guðmundsson (IP-tala skráð) 5.6.2012 kl. 15:38

Pólitískt sjálfsmorð algjörlega óhæfs fólks og öfgamanna.

Karl (IP-tala skráð) 5.6.2012 kl. 15:55

Auðvitað er borðleggjandi að þessi ríkisstjórn hangir saman út kjörtímabilið.

Hversvegna ?

Svarið er ofur einfalt. Samkvæmt Gallup er sameiginlegt fylgi þeirra 22,8%, sem segir með öðrum orðum, að annarhver þingmaður þessa skelfilega hægjuliðs, mun " mæla Austurstræti"næsta vor !

Það eru eingöngu þingfaralaunin sem halda þessu væskings liði saman.

Það verður þjóðhátíð í tvennum skilningi 17.júní að ári !

Kalli Sveinss (IP-tala skráð) 5.6.2012 kl. 17:58