Kreppan og kjarni ESB-samrunans

Kreppan mun breyta Evrópusambandinu, spurningin er hvernig. Ýmsar tilgátur eru uppi; aukinn samruni m.a. með miðstýrðari efnahagspólitík; skiptingu ESB í kjarnasvæði í kringum evruna annars vegar og hins vegar jaðarsvæði; endalok evrunnar; aukið þýskt forræði í gegnum leiðtogaráðið og svo framvegis.

 Í greiningu á vandanum segir tímaritið Economist

Politically, everyone has a stake in the fate of Europe’s Big Idea, that rival nation states can do better by pooling some sovereignty instead of going to war.

Hér er kjarnaástæðu fyrir tilvist Evrópusambandsins. Andstæðir hagsmunir ríkja leiddu fyrrum til styrjalda en með fullveldisframsali til sameiginlegrar stofnunar eins og ESB væri hægt að koma í veg fyrir nakið ofbeldi. Ísland á ekki hlut í þessari sögu og enga keppinauta um völd og áhrif. Aðild að Evrópusambandinu til að tryggja hagsmuni okkar er framandi hugsun enda án skírskotunar í sögu og menningu þjóðarinnar. 

Economist gerir sér far um að búa til lausnir á vandamálum og leggur til endurnýjað bandalag frjálshyggjumanna sem vilja markaðslausnir og samrunasinna er æskja aukinnar miðstýringar. Það bandalag gerði gagn fyrir þrjátíu árum þegar innri markaðurinn var búinn til í Brussel.

Sagan geymir fá dæmi um endurnýtingu lausna á flóknum pólitískum og efnahagslegum aðstæðum. En einu sinni er allt fyrst.

Athugasemdir

[Ómar Harðarson (IP-tala skráð) 22.7.2010 kl. 10:12]

Þetta er nú reyndar ekki rétt. Stærstan hluta 20. aldarinnar þurftu Íslendingar að stíga varlega til jarðar þar sem Englendingar voru annars vegar. Allt frá 1918 voru Bretar lengst af helsta ógnin við fullveldi Íslands, bæði pólitískt og efnahagslega (þeir eru t.d. eina ríkið sem hefur beitt viðskiptabanni gegn Íslandi). Ekki sýnist mér á öðru en að þeir séu við sama heygarðshornið (Icesave). Með ESB yrði Bretum ekki lengur kleift að neyta aflsmunar í viðskiptum við  okkur, þeir yrðu að fara að lögum (og reyndar Íslendingar líka - en það yrði okkur létt, ekki satt?)

[Páll Vilhjálmsson, 22.7.2010 kl. 10:21]

Sæll Ómar,

Bretar gerðu innrás á landið vorið 1940 og eru einir um það gagnvart Íslandi. Þeir eru samt ekki sögulegir keppinautar okkar né heldur hafa þeir setið yfir hlut okkar umfram það sem þeir gerðu í þorskastríðunum. Átökin um landhelgina voru hvöss á okkar mælikvarða en barnaafmæli í samanburði við stríðin í Evrópu síðustu 200 árin.

Bretar, og önnur stórveldi, munu neyta aflsmunar hvort heldur við erum innan eða utan ESB. Munurinn er sá að utan ESB eigum við fleiri bjargir en innan - einmitt vegna þess að við höfum ekki öll eggin í sömu körfunni.

[Baldur (IP-tala skráð) 22.7.2010 kl. 11:20]

Í nóvember í fyrra var athyglisverð umfjöllun í The Economist um efnahagsuppgang Brasilíu - sem einnig verður vettvangur stærstu íþróttaviðburða heimsins á næstu árum. HM í fótbolta 2014 og Ólympíuleikanna árið 2016. Hagvöxtur er þar 9% og í landinu búa 190 milljónir manna. Hef komið þangað í tvígang og vissulega á Brasilía langt í land á ýmsum sviðum, en uppgangur þar verður næsta örugglega meiri á næstu áratugum en á meginlandi Evrópu - gráhærðu álfunni. Að sæmilega gefið fólk vilji loka sig af innan ESB er óskiljanlegt með öllu.

http://www.belavista-rio.com/blog/media/2009/Apartment/Rio_de_Janeiro_takes_Off.jpg 

[Matthías (IP-tala skráð) 22.7.2010 kl. 11:25]

Menn geta rökrætt aðild, með eða á móti, en að sæmilega gefið fólk kalli ESB-aðild það að loka sig af innan ESB er óskiljanlegt með öllu, svo vitnað sé í Baldur.

[Guðmundur 2. Gunnarsson (IP-tala skráð) 22.7.2010 kl. 16:02]

Og hvað er svona óskiljanlegt með að ef þjóðin gangi í ESB er hún með því að loka sig fyrir öllu sem ESB er ekki þóknanlegt?

[Elle_, 22.7.2010 kl. 23:28]

Við værum akkúrat að loka okkur inni, einangra okkur innan stórríkisins, sem það er að verða.  Lög bandalagsins hafa forgang yfir lög aðildarlandanna og þeir gætu gert það sem þeim sýndist við allt okkar land og landsvæði.