Menntað fólk fær tækifæri á Íslandi

Víða í ríkjum evrunnar útskrifa háskólar ungt fólk beint inn á atvinnuleysisskrá. Landlægt atvinnuleysi í evru-löndum er sérstaklega hátt meðal ungs fólks og hleypur jafnvel á tugum prósenta.

Menntafólk fær tækifæri á Íslandi í meira mæli en í öðrum OECD-ríkjum. Hver er ástæðan?

Jú, fullveldi og sjálfstæður gjaldmiðill.

Minnst atvinnuleysi á Íslandi

Óráð að selja Landsbankann strax - lexía frá hruni

Ríkið á Landsbankann og skapar þar sem festu á fjármálamarkaði. Erlendir kröfuhafar eiga Íslandsbanka og Arion. Þegar uppgjöri á föllnu bönkum lýkur er líklegt að eignarhaldið á Íslandsbanka og Arion fari á flot, jafnvel þannig að ævintýramenn eignist bankana.

Það er óráðlegt að selja Landsbankann undir núverandi kringumstæðum.

Hrunið kenndi okkur að það skiptir máli hverjir eiga banka. Enginn ríkisbanki féll í hruninu, - aðeins einkabankar. 

Selja á 30% í Landsbankanum

Árni Páll útskýrir pólitík ónýta Íslands

Vinstrimenn, einkum þó samfylkingarfólk, heldur á lofti þeirri ímynd að Ísland sé ónýtt. Samkvæmt þessari ímynd er efnahagskerfið ónýtt og stjórnskipulagið sömuleiðis, ásamt fylgihlutum s.s. gjaldmiðillinn.

Formaður Samfylkingar útskýrði í gær kjarnann í pólitíkinni um ónýta Ísland

Sí­fellt fleiri sjá ekki framtíð í þessu landi.

Árni Páll er sannfærður um að Ísland sé ónýtt og eigi enga framtíð fyrir sér. Ímyndin sem Samfylkingin heldur svo ákaft á lofti skilaði flokknum 12,9 prósent fylgi í síðustu þingkosningum.

Rétt er að óska Samfylkingunni til hamingju að eiga jafn staðfastan leiðtoga og Árna Pál. 

„Við eigum betra skilið“

Umsóknin frá 2009 getur ekki gilt í tíu ár

Umsókn Íslands um aðild að Evrópusambandinu var send án umboðs þjóðarinnar sumarið 2009. Í fjögur ár reyndi Jóhönnustjórnin að fá samning við ESB en fékk ekki vegna aðlögunarkrafna frá Brussel sem umboðslaus ríkisstjórn gat ekki mætt.

Ný framkvæmdastjórn Evrópusambandsins ætlar ekki að taka inn ný aðildarríki næstu fimm árin og hefur tilkynnt það með formlegum hætti. Ástæðan fyrir þessari stefnu er að Evrópusambandið ætlar að stokka upp sambandið til að freista þess að halda í því lífi - en vegna evru-kreppunnar eru undirstöður ESB við það að gefa sig. Ef ESB lifir af evru-kreppuna verður það gerbreytt samband.

Ísland getur ekki verið umsóknarríki næstu fimm árin á meðan Evrópusambandið tekur stakkaskiptum. Að vera umsóknarríki jafngildir pólitískri stefnuyfirlýsingu um að viðkomandi ríki ætli sér inn í ESB.

ESB umsókn, sem samþykkt var á alþingi í taugaveiklun eftir hrun, getur ekki verið grundvöllur að aðild Íslands tíu árum seinna - árið 2019. Það sér hver heilvita maður að það fyrirkomulag getur ekki gengið.

Stefnt að afturköllun umsóknarinnar

Að trúa á Ísland - eða ekki

Evrópulönd, einkum þau á meginlandinu, hættu að trúa sín eigin þjóðríki í kjölfar tveggja heimsstyrjalda, sem hófust báðar í álfunni og stofnuðu Evrópusambandið. Í fyrri heimsstyrjöld fékk Ísland fullveldi eftir 70 ára baráttu; í seinni heimsstyrjöld klauf Ísland sig frá meginlandi Evrópu og stofnaði lýðveldi.

Ísland er samfélag án herþjónustu - ólíkt öllum öðrum þjóðum á meginlandi Evrópu. Ísland er býður öllum þegnum sínum atvinnu - ólíkt öllum þjóðum á meginlandi Evrópu. 

Forsætisráðherra trúir á Ísland; formaður stærsta stjórnarandstöðuflokksins trúir ekki á Ísland og vill þjóðina undir ok Evrópusambandsins.

Okkar verkefni er að halda Samfylkingunni utan ríkisstjórnar.

Þurfa að trúa á framtíð landsins

Valdaskak embættismanna

Tryggvi Gunnarsson umboðsmaður alþingis og Sigríður Friðjónsdóttir ríkissaksóknari eru í valdaskaki gagnvart innanríkisráðherra. Aðdragandinn er sá að Sigríður hljóp á eftir fréttaskáldskap DV um stórfellt samsæri innanríkisráðherra gegn almannahagsmunum.

Sigríður lét rannsaka innanríkisráðherra og ráðneytið og fann fjöður til að ákæra aðstoðarmann innanríkisráherra fyrir að upplýsa fjölmiðla um málefni hælisleitanda. Ríkissaksóknari stóð veikt eftir ítarlega rannsókn enda ákæran langsótt.

Til að bæta vígstöðu ríkissaksóknara skáldaði DV nýja frétt um að innanríkisráherra hefði flæmt lögreglustjóra Reykjavíkur úr starfi. Reynir Traustason fráfarandi ritstjóri DV vísaði til ríkissaksóknara sem heimild fyrir þeim skáldskap.

Í beinu framhaldi af frétt DV opnaði Tryggvi Gunnarsson víglínu á innanríkisráðherra með bréfaskriftum í gegnum fjölmiðla. Markmið Tryggva var pólitískt en ekki málefnalegt; að öðrum kosti hefði hann ekki staðið í bréfaskriftum við ráðherra í gegnum fjölmiðla.

Umboðsmaður alþingis starfar ekki eftir neinum siðareglum og getur þess vegna leyft sér að stunda pólitískt valdaskak. Embætti hefur á hinn bóginn sett niður. Tryggvi Gunnarson ber ábyrgð á þeirri niðurlægingu.  

  

Brugðist við svörum ráðherra sem fyrst

Vinna samhliða námi er íslenska leiðin

Íslendingar taka sér lengri tíma til að ljúka háskólagráðu en aðrir. Ástæðan er sú að íslensk ungmenni vinna með námi og byrja á því þegar í framhaldsskóla.

Nægt framboð atvinnu gerir það að verkum að ungt fólk hér á landi kynnist atvinnulífinu samhliða námi. Sú reynsla er bráðholl eins og allir vita.

Launavinnan gerir ungt fólk fjárhagslega sjálfstætt og kennir þeim að axla ábyrgð.

Lýðveldisræða forsetans

Án lýðveldisins væru við í stjórnskipulegu tómarúmi, líkt og Grænlendingar og Færeyingar, og byggjum við hálfgildingssjálfstæði. Sumir samfylkingarmenn, sem þá áttu heimilisfestu í Alþýðuflokknum, vildu ekki lýðveldisstofnun enda vanastir því að vera upp á aðra komnir.

 Sómi og sjálfs­virðing Íslands voru ætíð leiðarljós í sér­hverri för; vilji sem á djúp­ar ræt­ur í sögu sjálf­stæðis­bar­áttu og lýðveld­is, í þeirri arf­leifð sem Alþingi og okk­ur öll­um sem þjóðin kýs ber að virða; arf­leifð sem verk Alþing­is , allt frá end­ur­reisn, hafa mótað; arf­leifð sem er afrakst­ur for­ystu þeirra kyn­slóða sem áður sátu í þess­um sal og fjöld­ans á Þing­völl­um fyr­ir sjö­tíu árum. 

Ólafur Ragnar Grímsson forseti Íslands brýnir þingheim til að gæta að sóma og sjálfsvirðingu þjóðarinnar. Og ekki veitir af - sómi og sjálfsvirðing var víðsfjarri valdhöfum kjörtímabilið 2009 til 2014.  

Tíðrætt um samstöðu þjóðarinnar

Stefán jarðar frjálshyggju Árna Páls

Formaður Samfylkingar, Árni Páll Árnason, keyrir frjálshyggjustefnu sem miðar að því að gera flokkinn samstarfshæfan Sjálfstæðisflokknum, eins og Styrmir Gunnarsson bendir á.

Gleggst kemur frjálshyggja Árna Páls fram í afstöðunni hans til peningamála. Hann finnur krónunni og skipulagi gjaldmiðlamála allt til foráttu. Stefán Ólafsson prófessor tekur upp þykkjuna fyrir hönd sígildrar jafnaðarstefnu og mælir krónunni bót. Stefán beinir spjótum sínum að leiðarahöfundi Fréttablaðsins en öllum má vera ljóst að hverjum skeytin beinast. Stefán skrifar

Atvinnuleysi minnkar stöðugt og betur en hjá öðrum kreppuþjóðum (sjá t.d. hér). Þrátt fyrir gjaldeyrishöftin. Höftin eru alls ekki að gera okkur að “ríkisvæddu láglaunalandi” – heldur aftra því að við verðum óheft og markaðsvætt láglaunaland, með enn lakari kjör en nú er.

Ísland varð eitt að ríkustu löndum heims innan gjaldeyrishafta, sem voru í gildi hér til ársins 1995.

Afnám haftanna drekkti þjóðinni síðan í skuldum gráðugra braskara eftir aldamótin 2000. Sjálfsagt er að stefna að afnámi gjaldeyrishafta í framtíðinni, en það verður að gerast án þess að krónan hrynji um tugi prósenta, á kostnað heimilanna. 

Frjálshyggjumaðurinn Árni Páll telur atvinnuleysi og gjaldþrot heimilanna bestu efnahagspólitíkina fyrir þjóðina. Svokallaður jafnaðarmannaflokkur Íslands er í höndunum á auðmannadindli til hægri við Sjálfstæðisflokkinn. 

Hvaða þingmenn eru siðlausir?

Guðsþjónusta við þingsetningu er líklega meira en þúsund ára gamall siður á Íslandi. Kristinn siður er ríkjandi hér á landi og samofinn menningu þjóðarinnar.

Samtök gegn kristnum sið býður valkost við þingsetningarathöfnina í Dómkirkjunni, sem sumir þingmenn þiggja.

Þeir þingmenn sem hafna siðvenjum alþingis Íslendinga hljóta að gera grein fyrir siðleysi sínu.

Alþingi Íslendinga sett í dag