Skopmynd Samfylkingar

Fyrrum fjármálaráðherra Samfylkingar stígur í ræðustól á alþingi vegna skopmyndar í dagblaði. Fjármálaráðherrann fyrrverandi grætur hagvöxt á Íslandi, finnst lágt atvinnuleysi hrein hörmung og algerlega út í hött að fjárhagur íslenskra heimila batni jafnt og þétt.

Forystumaður Samfylkingar vill 12 til 17 prósent atvinnuleysi hér á landi, núll hagvöxt og heimilin í spennitreyju skulda.

Samfylkingin vill evru í stað krónu; efnahagslega eymd í stað velmegunar.

Samfylkingin er skopmynd af stjórnmálaflokki.

Íslendingar kjósi um kjaraskerðingu

Hvers vegna er krónan ekki tilbeðin?

Krónan skilar okkur lágu atvinnuleysi, bullandi hagvexti og björtum efnahagshorfum (að því gefnu að góðærið leiði ekki til þenslu og óráðsíu).

Án krónunnar væri efnahagsástandið eftir hrun enn að plaga okkur, líkt og Íra sem eru með tveggja stafa atvinnuleysi.

Undanfarin misseri er íslenska krónan ein stöðugasti gjaldmiðill á byggðu bóli.

Krónan gerir allt sem gjaldmiðill a að gera fyrir efnahagskerfi.

Hvers vegna er krónan ekki tilbeðin, einkum af þeim sem þykjast hafa vit á fjármálum?

 

Góður hagvöxtur á næstu árum

Þurfum verkföll til að stöðva hagvöxt

Tölur um hagvöxt eru vanáætlaðar enda þó nokkur hluti ört vaxandi greinar, ferðamannaþjónustu, neðanjarðar. Hagvöxtur yfir 3 prósent er hættulegur, býður heim þenslu, verðbólgu og óráðsíu.

Verkföll, gjarnan allsherjarverkall, í nokkrar vikur í vetur er nákvæmlega það sem þjóðarbúið þarf á að halda.

Með langvinnu verkfalli vinnst tvennt. Í fyrsta lagi hægir á hagvexti og í öðru lagi er sá tvíþætti lærdómur stimplaður inn í þenslukór atvinnulífsins, beggja vegna borðsins, að þjóðarkökunni verður að skipta með sanngirni annars vegar og hins vegar að ekki tjóar að semja um kauphækkun án innistæðu.

 

Brothætt staða á vinnumarkaði

Reiðipólitík vinstrimanna: landbúnaður eða sjávarútvegur

Vinstripólitík gengur út á að kynda reiðibál í samfélaginu og fá fylgi út á reiðina. Síðustu daga og vikur eru Mjólkursamsalan og landbúnaðurinn eldsneyti fyrir reiði vinstrimanna. Eins og einatt er gjaldþrota RÚV í hlutverki klappstýrunnar og spilar með þing- og bloggliði vinstrimanna.

Til að reiðipólitíkin slái í gegn þurfa vinstrimenn að ganga í takt. Vinstrimenn, eins og Ögmundur Jónasson, sem hugsa sjálfstætt, eru úthrópaðir á götum og torgum vinstrisamfélagsins fyrir svik við pólitísku reiðibylgjuna sem á að leiða vinstriflokkana á sigurbraut.

Í tíð vinstristjórnar Jóhönnu Sig. beindist reiði vinstrimanna að sjávarútveginum. Vinstrimenn töluðu um kvótagreifa og arðræningja og stefndu að þjóðnýtingu sjávarútvegsins.

Elliði Vignisson vill létta af álögum á sjávarútveginn. Bréf Elliða er jafnframt árás á sjávarútvegsráðherra Framsóknarflokksins, en sá flokkur er helsti skotspónn vinstrimanna vegna tengsla flokksins við landbúnaðinn.

Sjávarútvegur og landbúnaður eru undirstöðuatvinnuvegir þjóðarinnar. Ef hægrimenn, þ.e. þeir sem starfa í Sjálfstæðisflokki og Framsóknarflokki, láta vinstrimenn komst upp með árásir á þessar undirstöður efnahagskerfisins þá vita þeir ekki hvað til síns friðar heyrir.

 

 

Verkstjórn sjávarútvegsráðherra áhyggjuefni

Lögleiðing á aukningu geðklofa ungs fólks

Kannabisefni eru jafn ávanabindandi og heróín og áfengi, segir í nýrri breskri langtímarannsókn um áhrif kannabis á fíkniefnaneytendur.

Andlegir sjúkdómar, s.s. geðklofi, eru fylgifiskur neyslu kannabisefna, einkum meðal ungs fólks. Í umfjöllun Telegraph er því líkt við rússneska rúllettu að neyta kannabis.

Þeir sem vilja lögleiðingu kannabisefna vilja leyfa notkun á stórhættulegu fíkniefni. 

Vestræn ríkjahönnun fyrir múslíma er misheppnuð

Vesturlönd, Bandaríkjamenn upp á síðkastið en Evrópumenn áður, reyna ítrekað að draga upp landamæri i miðausturlöndum sem er þeim að skapi. Að Ísrael slepptu, sem er þokkalega lífvænlegt ríki, er vestræn ríkjahönnun í þessum heimshluta samfelld saga mistaka.

Bandaríski sagnfræðingurinn Andrew J. Bacevich rekur sögu bandarískrar íhlutunar í málefni múslímaríkja og telur betur heima setið en af stað farið.

Á hinn bóginn er þess að geta að ef vesturlönd eiga erfitt með að halda að sér höndum. Fái múslímar tækifæri til að draga upp landamæri á eigin forsendum er hætt við þjóðernishreinsunum og blóðbaði. Undir þeim kringumstæðum er nær ómögulegt að sitja hjá aðgerðarlaus.   

Óttast blóðbað í Kobane

Árni Páll: einfaldur eða tvöfaldur?

Það er einfeldningsháttur af formanni Samfylkingar að gagnrýna skipun konu í embætti lögreglustjóra á höfuðborgarsvæðinu; konu sem vel að merkja hefur náð sannanlegum árangri í rekstri lögregluembættis og fitjað upp á nýmælum í veigamiklum málaflokki, þ.e. heimilisofbeldi.

Árni Páll Árnason getur varla verið mótfallinn því að kona gegni embætti lögreglustjóra höfuðborgarsvæðisins.

Ef aðrar ástæður eru fyrir gagnrýni Árna Páls, en þær sem hann lætur uppi, er formaður Samfylkingar tvöfaldur í roðinu.

Mikilvægt að kona gegni embættinu

Hagtölur og vinsældir ríkisstjórna - hvað vantar?

Allar hagtölur á Íslandi er eru jákvæðar; hagvöxtur, lítil verðbólga, atvinnuástand með besta móti og ört batnandi efnahagur almennings, sem sést m.a. á stóraukinni sölu einkabíla.

Hvers vegna nýtur ríkisstjórnin þess ekki í vinsældum?

Pólitísk skilaboð ríkisstjórnarinnar eru óskýr. Heimavinnan, sem ríkisstjórnin átti að vinna við gerð fjárlagafrumvarpsins, var ekki unnin. Þess í stað var fjárlagafrumvarpinu hent í þingið ókláruðu með þeim skilaboðum að það mætti krukka í hitta og þetta en niðurstöðutölurnar yrðu að mæta kröfum ríkisstjórnarinnar um hallalaus fjárlög.

Stjórnarandstaðan stígur dans á mikilvægasta stefnumörkunarplaggi ríkisstjórnarinnar.  

Fleiri nýir bílar á götunum

Tækni, trú og vísindi múslíma

41 múslímaríki með 20 prósent mannfjöldans á heimsvísu stendur aðeins fyrir um fimm prósent vísinda í alþjóðlegu samhengi.

Múslímar, sem geymdu vestræna menningu á miðöldum, og voru þá framarlega í fræðum og vísindum eru slóðar í tækni og menntun samtímans.

Á meðan múslímar láta gott heita verður engin breyting. 

 

Mega pílagrímar taka „selfies“?

Frjálslyndi og dómgreind verða andstæður

Ungir sjálfstæðismenn vilja áfengi í matvöruverslunina og lögleiða önnur fíkniefni. Það kalla þeir ,,frjálslynd" viðhorf og skammast út í þá sem ekki vilja auka aðgengi að eiturlyfjum, löglegum eða ólöglegum.

Fyrr á tíð var frjálslyndi uppreisn gegn kúgun ólýðræðislegra yfirvalda og áþján hefðarinnar.

Nú á dögum snýst frjálslyndi um betra aðgengi að efnum sem gera okkur dómgreindarlaus.

Þá er betra að halda dómgreindinni og sleppa frjálslyndinu.

Gagnrýna stjórnarsamstarfið harðlega