Forystukreppunni á Íslandi er lokið

Eftir hrun var Ísland algerlega forystulaust, ef frá er skilinn Ólafur Ragnar Grímsson sem stóð forsetavaktina. En nú er forystukreppunni lokið.

Leiðtogar vinstriflokkanna sem mynduðu ríkisstjórn vorið 2009, þau Jóhanna Sigurðardóttir og Steingrímur J. Sigfússon, stóðu hvorugt undir nafni sem forystumenn. Til þess voru þau of lítilsigld og þrætugjörn. Hvorugt skynjaði megindrættina í samfélaginu og létu hanka sig ítrekað á yfirgengilegu dómgreindarleysi, samanber Icesave-málið og ESB-umsóknin.

Eftir kosningarnar 2013, þegar þjóðin afþakkaði með afgerandi hætti leiðsögn vinstriflokkanna, birtust á stóra sviði þjóðmálanna tveir forystumenn sem báðir eru til þess fallnir að finna stóru samnefnara þjóðarinnar. 

Sigmundur Davíð Gunnlaugsson forsætisráðherra og Bjarni Benediktsson fjármálaráðherra eru ungir stjórnmálamenn sem læra fljótt og eru með alla burði til að komast í flokk sannra landsfeðra. Vel fer á því að þeir starfi saman í fyrstu ríkisstjórninni eftir vinstrióreiðuna 2009-2013.

Aðildarviðræðurnar á endastöð

Smáríki í ESB verða valdaminni

Með nýrri framkvæmdastjórn Evrópusambandsins 1. nóv. 2014 taka einnig gildi nýjar reglur um atkvæðavægi í æðstu stofnun ESB, ráðherraráðinu. Nýju reglurnar taka mið af fólksfjölda aðildarríkja og hafa í för með sér enn minna vægi smáríkja og voru þau þó lítil fyrir.

Haraldur Hansson líkir nýju atkvæðareglunum við að svipta þjóðir sjálfræði. Hann tekur dæmi af landluktum ríkjum, sem eiga þar af leiðandi hverfandi hagsmuna að gæta í sjávarútvegi, en geti engu að síður í krafti stærðar sinnar haft afgerandi áhrif á sjávarútvegmál í ESB.

Smáríkið Malta telur 400 þús íbúa og er varla mælanlegt með áhrif á ferli ákvarðana í ESB enda með 0,08 prósent íbúanna í sambandinu. Væri Ísland í sambandinu yrði vægi okkar enn minna en smæsta smáríkisins í Evrópusambandinu. 

Hvað gerir ný framkvæmdastjórn ESB?

Við viljum Ísland tilbaka mótmælin

Mótmælin sem boðuð eru á mánudag eru skilaboð til ríkisstjórnarinnar um fólk vilji Íslandið tilbaka sem það þekkti fyrir útrás og hrun.

Í texta Svavars Knútssonar á smettiskruddu, sem er tilefni mótmælanna, er megináherslan á velferðarsamfélagið, heilbrigði og menntun.

Ríkisstjórnin gleymdi að hlú að hornsteinum samfélagins þegar hún setti saman dagskrá sína. Fólk er uggandi um að fá ekki læknisþjónustu þegar þörf er á og að börnin missi af tækifærum til menntunar.

Græðgisvæðing útrásar og hrunið opnaði sár sem ekki eru gróin. Áður en ríkisstjórnin gerir nokkuð annað ætti hún að einbeita sér að því að græða þessi sár. 

 

 

 

„Hagi sér eins og manneskjur“

Endalok opna samfélagsins

Veikt ríkisvald eykur styrk öfgaaflanna, skrifar aðalálitsgjafi Die Welt í tilefni af vexti veraldlegra og trúarlegra öfgahópa í Þýskalandi.

Vegna nasískrar fortíðar sinnar reyndi Þýskaland eftir seinna stríð að vera fyrirmynd hins opna samfélags hinnar ,,þjónandi forystu" sem svaraði með umburðalyndi og sáttfýsi kröfum stærri og smærri hópa.

Opna samfélaginu mistókst að ala á samstöðu þegnanna; þeir urðu sundurlausari og gerðu æ oftar mótsagnakenndar kröfur sem afhjúpuðu vanmátt ríkisvaldsins. Vestræn samfélög stóðu í þeirri trú að efnahagsleg velferð væri lykillinn að pólitískum stöðugleika. Vaxandi styrkur öfgahópa af margvíslegum toga sýnir þá kennisetningu vera bábilju.

Bandaríski stjórnarerindrekinn Richard N. Haass segir söguleg umskipti í vændum í alþjóðasamfélaginu þar sem stöðugleiki víkur fyrir óreiðu.  

Fyrsta fórnarlamb umskiptanna er opna samfélagið. Ríkisvald sérhvers þjóðríkis grípur til þeirra meðala sem duga til að koma á stöðugleika innan landamæra sinna. Góðu heilli er Ísland eyja. 

15 þúsund frá 80 ríkjum

Björt framtíð rær á mið trúarofstækis

Björt framtíð mun aldrei styðja Framsóknarflokkinn nema flokkurinn sitji og standi í trúmálum eins og Björt framtíð vill. Á þessa leið talar Róbert Marshall þingmaður Bjartrar framtíðar en hann neitaði að styðja Höskuld Þórhallsson þingmann Framsóknarflokksins til forseta Norðurlandaráðs.

Björt framtíð og Róbert Marshall eru með þá trúarsetningu að múslímar eigi að fá leyfi til að byggja mosku í þjóðbraut til að auglýsa veldi spámannsins hér á landi.

Þeir sem ekki fallast á sjónarmið Bjartar framtíðar eru settir út af sakramentinu. 

Huggulegt.

Ríkið á ekki að gefa eftir læknum - og ekki setja lög

Læknar fara fram á 30 prósent launahækkun. Það er einfaldlega ekki í boði enda færi þá allt á annan endann í samfélaginu. Það á heldur ekki að setja lög á læknaverkfallið.

Læknar fara í verkfall af háttvísi til að leggja áherslu á kröfur sínar og gera ráðstafanir til að enginn í neyð bíði tjón af. Verkfall fram á vor gefur góðan tíma til að fara yfir málin og hann ætti að nýta vel.

En læknar verða að átta sig á því að það þýðir ekki að framvísa launaseðlum frá Noregi og Svíþjóð sem rök fyrir kauphækkun á Íslandi - og tilgreina aðeins grunnlaunin.  

Samningar lækna eru þess eðlis að grunnlaun segja minna en hálfa söguna. Í gegnum tíðina eru búnar til óteljandi matarholur fyrir lækna sem gera grunnlaun ómarktæk.

Læknar eru hálaunaðir ríkisstarfsmenn og verða það áfram þótt þeir fái engar launahækkanir. 

Ríkið gefi eftir í læknadeilu

Heimsmet í væli

Á Íslandi er nær ekkert atvinnuleysi og landsins forni fjandi, verðbólgan, er dauð. Við búum við hagvöxt í samfélagi þar sem jafnrétti kynjanna er meira en í viðri veröld. Á mælikvarða um velferð þjóða erum við í úrvalsdeild.

Hvers vegna endurspeglar dægurumræðan ekki þessar staðreyndir?

Líklega vegna þess að við eigum heimsmet í væli.

Ekki sagt frá því sem máli skiptir

Eitruð sósíalísk frjálshyggja Gísla Marteins - íhaldið best

Reykjavíkurflugvöllur er sósíalismi, segir Gísl Marteinn Baldursson fyrrum borgarfulltrúi Sjálfstæðisflokksins og leggur til stórfelld inngrip þar sem þrautreynt fyrirkomulag samgangna höfuðborgar og landsbyggðar skal varpað fyrir róða.

Gísli Marteinn stendur nærri þeim hópi sjálfstæðismanna sem gengur undir nafninu samfylkingardeildin sökum hugmyndavensla við flokk Árna Páls. Skrautfjöðrin i hatti samfylkingardeildarinnar var Árni Sigfússon fyrrum bæjarstjóri Reykjanesbæjar. Árni blandaði saman sósíalisma og frjálshyggju í rekstri bæjarfélagsins með þeim afleiðingum að Reykjanesbær er svo gott sem gjaldþrota.

Gísli Marteinn og aðrir líkt þenkjandi taka það versta úr vestrænum hugmyndaöfgum, þ.e. sósíalíska forræðishyggju og græðisvædda frjálshyggju, og setja saman í eitraðan kokteil þar sem helst í hendur pólitískur stórmennskugalskapur og fjárhagsleg ævintýramennska.

Íhaldsstefnan hrein og tær segir okkur að kasta því ekki á glæ sem reynslan kennir að virki vel. Í meira en hálfa öld þjónar flugvöllurinn í Vatnsmýri sameiginlegum þjóðarhagsmunum höfuðborgar og landsbyggðar. Íhald byggt á reynslu er besta pólitíkin.

40,2% vantraust á fjölmiðla

Fjórir af hverjum tíu vantreysta fjölmiðlum en innan við tveir af tíu treysta þeim, samkvæmt könnun MMR. Fjölmiðlar eru eðli málsins samkvæmt stöðugt fyrir vitum almennings. Það er ekki vegna skorts á upplýsingum sem almenningur er með þetta álit á fjölmiðlum heldur einmitt vegna upplýsinganna.

Að almenningur treysti fjölmiðlum þetta illa segir okkur að efnistök fjölmiðla og framsetning þeirra sé ótrúverðug.

 Fjölmiðlar hljóta að leggjast í gagngera naflaskoðun og til að finna ástæðurnar fyrir vantrausti almennings. Má ekki treysta því?

79,5% bera mikið traust til lögreglunnar

Vinstri sjálfsblekkingin

Útlendingur sem læsi aðeins fjölmiðla vinstrimanna, RÚV og DV, héldi að hér starfaði byssuóð fasísk lögregla er sæti yfir hlut almennings. Sami útlendingur kæmist að þeirri niðurstöðu, byggðri á sömu heimildum, að fámenn ættarklíka réði yfir Íslandi og skenkti almúganum skít og kanil.

En nú kemur sem sagt vinstrimaður með orðspor, Ásmundur Stefánsson fyrrum forseti ASÍ, og segir eftirfarandi

Öfugt við það sem mjög stór hluti af vinstrisinnuðu fólki á Íslandi heldur fram, þá er jöfnuður mikill á Íslandi á alþjóðlegan mælikvarða.

Ásmundur sér af hliðarlínunni hve sjálfsblekking vinstrimanna ristir djúpt. Vinstrimenn búa til með heilaspuna veruleika til að rífast yfir.

Við skulum vona að ímyndaði útlendingurinn okkar láti sér ekki nægja að hlusta á umræðusuð vinstrimanna og fjölmiðla þeirra til að átta sig á stöðu mála á Fróni.

 

Mikill jöfnuður á alþjóðlegan mælikvarða