Fyrir 100 þús. kr. verður maður Sýrlendingur

Allir vilja hjálpa Sýrlendingum enda þeir fengið mesta umfjöllun fjölmiðla. Af því leiðir er eftirsótt af flóttamönnum að vera Sýrlendingur. Það kostar aðeins 750 evrur að verða sér úti um falsað sýrlenskt vegabréf, eða liðlega 100 þúsund íslenskar krónur.

Hollenskur blaðamaður sagði að hægt væri að fá sýrlenskt vegabréf á innan við 40 klukkustundum. Hann notaði mynd af Rutte forsætisráðherra Hollands og fékk falsað vegabréf út á þá mynd og 750 evrur.

Die Welt segir frá þessari einföldu aðferð til að fá fjölmiðlavænan flóttamannaprófíl.

 

Brestir í sameinaðri Evrópu

Pírötum er illa við íslenskt samfélag

Píratar hafa horn í síðu samfélagsins. Þeir leggja sig í framkróka að mála sem dekksta mynd af Íslandi. Tvö ný dæmi undirstrika viðhorf leiðandi Pírata til samfélagsins sam hefur fóstrað þau.

Helgi Hrafn Gunnarsson þingmaður Pírata talar um ,,vald sem viðbjóð" og vísar í vald þingmanna til að setja lög í landinu. Það þarf all nokkra ímyndun til að hugsa um alþingi sem viðbjóð. Upphaflega var alþingi vettvangur til úrlausn sameiginlegra mála þeirra sem byggja þetta land, þar voru lögin rétt, fitjað upp á nýmælum og dæmt. Eftir endurreisn alþingis á 19. öld varð það í nokkrum skrefum að þjóðþingi Íslendinga, sem hvorttveggja í senn er málstofa þjóðarinnar og handhafi löggjafavaldsins, - sem er í þágu þjóðarinnar. Að tala um ,,viðbjóð" í þessu samhengi er lítilsvirðing gagnvart þjóðinni ef ekki hrein hatursorðræða.

Þórhildur Sunna Ævarsdóttir á sæti í framkvæmdaráði Pírata. Hún stígur á stokk og hraunar yfir skólakerfið, sem hún telur að hafi brugðist sér. Af orðum Þórhildar Sunnu má ráða að skólar á Íslandi séu ekki börnum bjóðandi. Alþjóðlegar kannanir sýna á hinn bóginn að íslenskum börnum líður öðrum börnum betur í skóla.

Orðræða Pírata er ný útgáfa af möntru Samfylkingar og Vg frá síðasta kjörtímabili um ,,ónýta Ísland."

   

 

Helmingur hælisleitenda frá Albanínu

Í Albanínu ríkir friður en þaðan kemur helmingur allra hælisleitenda til Íslands, samkvæmt tölum frá innanríkisráðuneytinu.

Önnur ríki, þar sem engin stríðsátök standa yfir, en eiga samt fulltrúa í röðum hælisleitenda eru Hvíta-Rússland, Makedónía, Kósóvó og Palestína. Innan við fimmtungur hælisleitenda kemur frá Sýrlandi.

Samkvæmt þessum tölum er meginþorri hælisleitenda hér á landi fólk í leit að betri lífskjörum.

192 hafa sótt um hæli hér á landi

Birgitta: þjóðaratkvæðagreiðslur fækka kjósendum

Birgitta Jónsdóttir stjóri Pírata viðurkennir að þjóðaratkvæðagreiðslur fækki kjósendum, þeir einfaldlega sitji heima. Jafnvel í stórum og afdrifaríkum málum eins og stjórnarskrá lýðveldisins mun fólk unnvörpum ónýta kosningaréttinn.

Birgitta viðurkenndi þetta í ræðu í eldhúsdagsumræðum á alþingi þegar hún hélt fram þeirri kröfu að atkvæðagreiðsla um stjórnarskrá skyldi fara fram samhliða forsetakjöri. Orðrétt sagði Birgitta 

Í fyrsta lagi eru þetta óþarfa áhyggjur hjá forsetanum um að kosningar um stjórnarskrárbreytingar samhliða forsetakosningum verði ólýðræðislegar - það er einmitt eina mögulega leiðin til að tryggja nægilega þátttöku almennings.

Þegar fyrir liggur játning frá helsta talsmanni þjóðaratkvæðagreiðslna, að almenningar muni upp til hópa ekki greiða atkvæði, þá er ábyrgðarhluti að taka undir þetta nýmæli.

Almenningur hefur ekki áhuga á þjóðaratkvæðagreiðslum aðeins fámenn elíta. Ábyrgir stjórnmálaflokkar eltast ekki við elítukenjar.

 

 

Beint lýðræði þegar það hentar

Kein problem verður stórt vandamál

Merkel kanslari Þýskalands opnaði fyrir straum flóttamanna inn í Þýskaland þegar hún 25. ágúst afnam Dyflinnarregluna sem segir að flóttamaður utan ESB og Schengen skuli fá afgreiðslu í því landi sem hann kemur fyrst til.

Flóttamenn skildu orð Merkel þannig að Þýskaland stæði þeim opið. Tveim vikum síðar er landamærum Þýskalands lokað.

Merkel sigraði fyrstu umræðuna um flóttamenn; Þýskaland var orðið að landi mannúðar og örlætis. En aðeins í tvær vikur. Hrollkaldur veruleikinn er kominn til skjalanna.

Núna eiga önnur ESB-ríki, og raunar EES-ríki sömuleiðis, að taka sinn skerf af flóttamönnum. Að örum kosti neita Þjóðverjar að borga til ESB.

Mannúð og örlæti er ekki ókeypis í Evrópusambandinu, þótt sumir virðast halda annað. 

Vilja skerða fjárframlög til ófúsra

Evrópuherinn eykur ekki friðarlíkur

Evrópuher er framtíðarmarkmið ráðandi afla í Evrópusambandinu. ESB fékk árið 2000 samþykkta heimild fyrir 60 þúsund manna hraðlið til að senda á vandræðastaði í heiminum. 

Vængstíft hraðlið, sem ekki má etja í bardaga, er ekki nóg fyrir ESB, heldur er uppi stöðug krafa um varanlegan Evrópuher sem er þess albúinn að hefja stríðsátök.

Miðað við hvernig stefnumótun ESB er háttað er herlið í höndum Brussel-valdsins eins og eldspýtustokkur í höndum barns - það er aðeins spurning um tíma hvenær verður stórslys.

Cameron styðji Evrópuher

Vinstrimenn í leit að foringja - Ögmundur Corbyn

Vinstrimenn á Íslandi eru án foringja sem getur vísað þeim veginn úr ófærunni. Sigur Jeremy Corbyn, í Bretlandi, vekur athygli á foringjafæð vinstrimanna á Fróni.

Tillaga þingmanna vinstriflokkanna, plús Birgittu pírata, um að auka vægi persónukjörs við þingkosningar er hvorki líkleg til að bæta málefnastöðu þeirra né að leiða fram nýjan foringja.

Svo áfram sé haldið með þann breska þá haldast málefni og foringjar í hendur. Corbyn er holdtekja róttækrar vinstristefnu sem var ýtt út á jaðar Verkamannaflokksins þegar Tony Blair varð leiðtogi flokksins. 

Íslensk uppskrift að Corbyn er jaðarpólitíkus Vinstri grænna, Ögmundur Jónasson. Gamall í hettunni eins og Corbyn og úti á kanti í eigin flokki. 

 

 

 

Vilja persónukjör í kosningum

Evran, flóttamenn og Þýskaland

Þjóðverjar sitja á háum hesti í efnahagsmálum evru-svæðisins og geta skipað öðrum þjóðum að herða sultarólina með aðhaldsaðgerðum. Þjóðverjar taka á móti flestum flóttamönum af öllum ESB-ríkjum.

Í krafti gestrisninnar eru Þjóðverjar í þeirri stöðu að krefja aðrar ESB-þjóðir um viðtöku fleiri flóttamanna.

Annað tveggja gerist; að ESB-þjóðir láti gott heita og hlýði þýskum eð hitt að þær segi sem svo að þar sem Þjóðverjar græði mest á evrunni sé réttast að þeir sjái um flóttamannavanda álfunnar.

Hert eftirlit í Austurríki

Flóttamannastefna Svía - víti til að varast

Kanadamenn eru frjálslyndir í flóttamannamálum en viðurkenna að Svíar séu þeim fremri að taka á móti og halda uppi flóttamönnum. Í grein í The Globe and Mail er farið yfir reynslu Svía af frjálslyndinu. Ein aðalheimildin er Svíi af kúrdískum uppruna, Tino Sanandaji, sem er hagfræðimenntaður.

,,Flóttamenn utan Evrópulanda aðlagast ekki vel", segir Sanandaji, ,,48 prósent af innflytjendum á starfsaldri eru án vinnu. Jafnvel eftir 15 ár í Svíþjóð er atvinnuþátttaka þeirra aðeins um 60 prósent."

Aðrar tölur frá Svíaríki, skv. Sanadaji: 42 prósent langtímaatvinnulausra eru innflytjendur; 58 prósent af velferðargreiðslum fara til innflytjenda; 45 prósent af börnum með lélega útkomu í prófum eru börn innflytjenda. Innflytjendur þéna minna en 40 prósent Svía. Meirihluti þeirra sem ákærðir eru fyrir morð, nauðganir og rán eru ýmist fyrstu- eða annarar kynslóðar innflytjendur.

Þegar haft er í huga að innflytjendur eru 16 prósent sænsku þjóðarinnar eru tölurnar sláandi.

Lærdómurinn af reynslu Svía er sá að aðstoð við þá sem eiga um sárt að binda vegna stríðsátaka er best að sinna nærri heimahögum viðkomandi. Stórfelldur innflutningur á flóttamönnum býr til þjóðfélagsleg vandamál.

 

Vegabréf, takk

Schengen búið að vera, ESB líka

Schengen heita sameiginleg landamæri Evrópusambandsins. Schengen á að tryggja eitt af fjórfrelsunum, þ.e frjálsa för fólks.

Voldugasta ríki ESB, Þýskaland, ákveður að afnema Schengen ,,tímabundið" með þeim rökum að flóttamenn séu óviðráðanlegt vandamál án þýskrar gæslu landamæranna.

Tímabundið afnám Schengen voldugasta ESB-ríkisins er fordæmi sem ekki verður kveðið í kútinn í bráð. Aðrar þjóðir munu fylgja í kjölfarið.

Stórveldi taka sér mislangan tíma að leysast upp í frumeindir sínar. Rómverjar tóku sér 250 ár eða þar um bil; Sovétríkin í kringum tíu. Hvað ætli ESB þurfi langan tíma?

Flóttafólk stöðvað á landamærunum