Skrílræði góða fólksins

Skrílræði nútímans gengur út á að virkja frumstæðar kenndir fólks til að kýla á ákvörðun sem ekki væri tekin af yfirlögðu ráði. Kenndirnar eru virkjaðar í samfélagsmiðlum og fá þar útrás.

Hvatirnar sem gera fólk að skríl eru í grunninn sjálfselskar. Fólk leitar að sjálfsupphafningu á kostnað útvalins skotmarks. Í umræðunni um albönsku flóttamennina kemur þetta eigingjarna eðli skrílsins skýrt fram.

Eggert Skúlason skrifar leiðara sem byrjar á fyrstu persónu eintölu: ,,Flesta daga er ég sáttur við að vera Íslendingur. Svo koma dagar þar sem ég er stoltur af því. En í gær, 10. desember, skammaðist ég mín..." Frey Bjarnason byrjar líka á sjálfum sér: ,,Ég þykist oft vera grjótharður..."

Eggert og Freyr krefjast þess að samfélagið taki breytingum út frá persónulegum hvötum þeirra sjálfra. Þeirra vanlíðan skal vera mælikvarði á opinbera stefnu. Eggert og Freyr leysa úr læðingi eigingjarnar frumhvatir til að vera með í bylgju á fjölmiðlum og samfélagsmiðlum sem á að breyta opinberri stefnu í málefnum flóttamanna.

Skrílræði er andstæða ígrundunar og yfirvegunar. Samfélag skrílræðis er uppskrift að óeiningu og sundurlyndi.

 

Um 5.500 krefjast afsagnar

Góða fólkið tekur móðursýkiskast

Albanía er ekki stríðshrjáð land og svokallaðir flóttamenn þaðan eru í leit að betri lífskjörum en ekki á flótta undan ofsóknum eða öðrum hörmungum.

Móðursýkiskast góða fólksins á samfélagsmiðlum vegna albönsku ,,flóttamannanna" er í besta falli grábroslegt - í ljósi þess að sama góða fólkið segir heilbrigðiskerfið á Íslandi ónýtt. Meginrök góða fólksins eru að albanirnir þurfi á heilbrigðisþjónustu að halda.

Góða fólkið heldur ekki lágmarkssamkvæmni í málflutningi sínum - enda móðursýkiskast sjaldnast sneisafullt af dómgreind.

„Óvægin“ og „röng“ umfjöllun

Rússar bjarga Evrópu

Rússar eru komnir í áhrifastöðu í mið-austurlöndum. Bandalag Rússa og Assad Sýrlandsforseta er sterkasti andstæðingur Ríkis íslam í Sýrlandi og Írak. Bandaríkjamenn og Nató styðja veika og sundraða uppreisnarhópa sem ekki eru í neinum færum að skapa þá festu sem er forsenda stöðugleika.

Evrópusambandið býr ekki að hernaðararmi sem orð á gerandi, þótt til séu viðbragðssveitir og vilji til að byggja ofan á þær. Á meðan Evrópuherinn er fjarlæg framtíð er rússneski herinn alvöru.

Evrópa getur illa staðið í deilum við Rússa um Úkraínu samtímis sem ESB biður um hernaðaraðstoð Rússa við að stemma stigu við upplausn í brotum ríkjum í Afríku og mið-austurlöndum. Flóttamannavandi Evrópu stafar einmitt af brotnum ríkjum við sunnanvert Miðjaðarhaf.

Fresta umræðu um refsiaðgerðir

Öfgar, mannréttindi og múslímar

Múslímatrú viðurkennir ekki aðskilnað veraldlegs valds og trúarvalds. Trúarmenning múslíma, þ.e. hvernig þeir skilja helgirit sitt, Kóraninn, og iðka trú sína, er gegnsýrð þeirri hugsun að trúin sé æðri mannasetningum á borð við trúfrelsi, tjáningarfrelsi og öðrum mannréttindum.

Kannanir sem meta trúarmenningu múslíma staðfesta rauðan þráð öfga, eins og að dauðarefsing skuli liggja við ef múslími gengur af trúnni og að trúarsetningar standi ofar lögum.

Löng reynsla Vestur-Evrópuríkja og Norðurlanda staðfestir að múslímar aðlagast ekki vestrænum samfélögum.

Trúarmenning múslíma og vestræn mannréttindi eru einfaldlega andstæður.

Voru öfgafull áður en þau kynntust

Eygló borgar fyrir stuðning Sivjar

Eygló Harðardóttir rétt marði Willum Þór Þórsson í baráttunni um fyrsta sætið á lista Framsóknarflokkins í SV-kjördæmi. Siv var fráfarandi þingmaður flokksins í SV-kjördæmi en Eygló ný í kjördæminu. Aðeins tryggir framsóknarmann áttu kosningarétt, fólk sem var handgengið Siv.

Án fyrsta sætisins í SV-kjördæmi hafði Eygló ekki orðið ráðherra. Og væri hún ekki ráðherra gæti Siv ekki skrifað 20 milljón króna reikning á ráðuneytið sem Eygló stjórnar.

Tveir plús tveir eru enn fjórir.

 

Siv fékk tæpar 20 milljónir

Latir þingmenn stjórnarandstöðu

Á daginn trufla þingmenn Vinstri grænna, Samfylkingar, dótturfélagsins og Pírata störf alþingis með málþófi. Og bíta höfuðið af skömminni með því að neita kvöldvinnu.

Stjórnarandstöðuþingmenn heimta þægilega innivinnu þar sem dagvinnan fer í að slæpast í ræðustóli. Eftir ónýtt dagsverk er sett verkfall á yfirvinnu.

Dapurlegt. 

Vilja ekki tala fram á nótt

Ríkissaksóknari vill hengja bakara fyrir smið

Sigríður Friðjónsdóttir ríkissaksóknari braut í blað með ákæru á hendur hjúkrunarfræðingi um manndráp af gáleysi. Sýknun hérðasdóms staðfestir að ekki var tilefni til opinberrar ákæru í þessu tilviki.

Frjálsleg umgengni Sigríðar með það vald sem henni er falið, að ákveða hverjir skuli sæta opinberri ákæru og hverjir ekki, er orðið að sjálfstæðu vandamáli í réttarkerfinu.

 

„Ætla að halda áfram með líf mitt“

ESB: stórt skotmark með lítið vald

Evrópusambandið misnotar það tiltölulega litla vald sem það hefur til að skipta sér af smámálum með reglugerðum um vinnutíma fólks og ljósaperur. Í stórum málum, flóttamannavandanum og efnahagsmálum, er ESB ráðþrota.

Almenningur í ESB-ríkjum mun ekki berjast fyrir tilvist sambandsins. Í besta falli lítur almenningur á ESB í nauðsynleg leiðindi. Þegar nauðsynina þrýtur eru leiðindin ein eftir.

Pólitísk öfl andstæð ESB eru í sókn víðast í Evrópu. Stór kerfi sambandsins, Schengen og evran, virka ekki undir álagi. Stórveldisdagar Evrópusambandsins eru liðnir.

Hætta á að ESB liðist í sundur

Píratar í vinstriblokkinni

Píratar, sem mælast stærsti flokkur landsins í könnun eftir könnun, ganga í eina sæng með Vinstri grænum og Samfylkingunni og boða eyðslufjárlög.

Yfirlýsing Pírata um að þeir séu vinstriflokkur sætir nokkrum pólitískum tíðindum þegar 18 mánuðir eru til næstu þingkosninga.

Valkostir kjósenda vorið 2017 verða skýrir. Vinstriupplausn í efnahagsmálum með ESB-aðild á dagskrá annars vegar og hins vegar efnahagslegur stöðugleiki og fullveldi.

16 milljarðar út, 17 milljarðar inn

Stjórnmálaflokkurinn, ríkislaun og frjálshyggjusósíalismi

Stjórnmálaflokkurinn, sem Staksteinar gera að umtalsefni í Morgunblaði dagsins, gæti fengið upp í hendurnar hugmyndafræði sem brúar bilið milli frjálshyggju og sósíalisma.

Staksteinar vísa í frétt um þá hugmynd finnskra stjórnvalda að láta alla Finna á lögræðisaldri fá laun frá ríkinu. Hugmyndin fær umræðu hjá hægrimönnum sem telja hana áhugaverðan valkost við yfirþyrmandi afskipti ríkisvaldsins. Jeremy Warner á Telegraph finnur til að mynda stuðning við ríkislaun hjá Friedrich Hayek, höfuðpostula frjálshyggjunnar.

Ekki aðeins að frjálshyggjan sé að gera nýjar uppgötvanir þá er sósíalisminn að fá endurkomu. Nýkomin er út bókin Sósíalismi, tilraun til nútímavæðingar eftir Axel Honneth. Bókin fær jákvæða umsögn í hægripressunni. 

Stjórnmálaflokkurinn gæti fengið glænýtt sett af stefnumálum að setja á dagskrá til að mæta vandanum sem ofgnóttin hér á landi veldur. Spurningin er aðeins hvaða flokksbrot Stjórnmálaflokksins tekur sneggsta viðbragðið.