Trump: engir múslímar til Ameríku

Donald Trump vill banna múslímum að koma til Ameríku þangað til raunhæfar lausnir eru fundnar á múslímafasismanum sem m.a. leiddi til fjöldamorða í Kaliforníu fyrir skemmstu. Í Frakklandi skora sórt flokkar andsnúnir innflytjendum, einmitt vegna hryðjuverka öfgamúslíma.

Baráttan gegn öfgamúslímum færist óðum á stigið annað hvort eða. Hófsöm millileið verður vandrataðri.

Að hluta er það vegna ógn öfgamúslíma er lífshættuleg; hryðjuverkin drepa saklaust fólk. Það kallar á afgerandi svör, samanber yfirlýsingu Trump. Í annan stað eru hófsamir múslímar afskaplega hljóðlátir um hryðjuverkin sem framin eru í nafni trúarinnar.

Öfgatrúin er fjármögnuð af helsta bandamanni vestrænna ríkja í mið-austurlöndum, Sádi-Arabíu, eins og kemur fram í gagnrýni Sigmar Gabriel. Það veit ekki á að undið verði ofan af öfgunum í næstu framtíð.

Sakar Sádi Arabíu um að fjármagna öfga

Velferð, markaður og mennska

Velferðarríkið er risavaxið samtryggingakerfi sem millifærir peninga frá vinnandi fólki til kerfa sem þjónusta almenning á sviði heilbrigðis, löggæslu, menntunar, félagsþjónustu og innviða.

Ofan á reglulega starfsemi bætist eftirlits- og umsýslukerfi með velferðarríkinu er víðtæk og eftir því dýr í rekstri.

Eflaust væri hægt að einfalda þessi kerfi og greiða út tiltekna fjárhæð á einstakling á mánuði sem yrði n.k. samtryggingarframlag. Önnur útfærsla væri að lækka skatta.

Sú hugsun að markaðurinn útvegi þjónustu í stað þeirrar sem ríkið veitir núna gæti litið vel út á pappír (eða excel-skjali) en tæplega í reynd. Markaðurinn telur krónur en er ónæmur á mennskuna, sem felst í því að hjálpa þeim sem geta ekki hjálpað sér sjálfir.

Fá allir 800 evrur skattfrjálst?

Múslímskt réttlæti: grýtt til bana vegna framhjáhalds

Í Sádí-Arabíu eru konur dæmdar til að vera grýttar til dauða, fái þær dóm fyrir hjúskaparbrot. Sádí-Arabía stundar ríkisrekna miðaldatúlkun á texta spámannsins og trúarlög eru viðurkennd landslög.

Sádar stunda skipulagðan og stórfelldan útflutning á miðaldaboðskap sem nærir trúaröfga og hryðjuverkamenn nota til réttlætingar á voðaverkum gegn saklausum. Sigmar Gabríel, varakanslari Þýskalands og leiðtogi sósíaldemókrata þar í landi, er einn af mörgum sem fordæma útflutning Sáda.

Á Íslandi ætlar góða fólkið að leyfa byggingu mosku fyrir sádí-arabískt fé, rétt eins og um væri að ræða skátaheimili.

Verður grýtt til bana fyrir hjúskaparbrot

Skattalækkun á SA forsenda kauphækkunar ASÍ

Samtök atvinnulífsins og ASí eru ekki ríkisstjórnin í landinu en haga sér engu að síður þannig.

Þor­steinn Víg­lunds­son, fram­kvæmda­stjóri SA, [segir] að enn eigi eft­ir að semja við ASÍ á grund­velli SALEK-sam­komu­lags­ins og að SA treysti sér ekki til að ganga til samn­inga fyrr en búið sé að ganga frá sam­komu­lagi við stjórn­völd um nauðsyn­leg­ar mót­vægisaðgerðir.

Þessar ,,nauðsynlegu mótvægisaðgerðir" Þorsteins eru skattalækkun á fyrirtæki. Ríkið á sem sagt að niðurgreiða launagreiðslur einkafyrirtækja.

Hugmyndin að baki svokallaðri SALEK-vinnu er jákvæð, að gera launakjör gegnsæ og ná víðtækri sátt um launastefnu á einkamarkaði og hjá hinu opinbera.

En SALEK-hópurinn tekur sér ekki vald til að stýra ríkisfjármálum. Það er of langt gengið.

„Staðan er gríðarlega alvarleg“

Trúarmenning, hatur og hryðjuverk

Hvers vegna sækja Ísraelsmenn ekki heim Þýskaland til að vega mann og annan á götum og torgum? Eða Rússar eða Pólverjar?  Allir þessir hópar eiga Þjóðverjum grátt að gjalda, sé horft til sögunnar. Hver vegna fara Serbar og Króatar ekki til Tyrklands í sjálfsmorðsleiðangra að hefna fyrir hersetu Tyrkja á öldum áður?

Á þessa leið spyr Torsten Krauel aðalálitsgjafi Die Welt. Múslímar eru sér á parti þegar kemur að morðæði gagnvart saklausum borgurum. Krauel beinir spjótum sínum að þeim sem réttlæta morð múslímskra hryðjuverkamanna með þeim rökum að vestrænar þjóðir hafi ,,kallað þetta yfir sig" vegna krossferðanna á 12. og 13. öld eða nýlendustefnu á þeirri 19.

Múslímsk trúarmenning, ólikt kristinni og gyðinglegri, boðar ofbeldi og dráp á ,,villutrúarmönnum." Í múslímskri trúarmenningu er útbreitt viðhorf að dauðrefsing skuli liggja við ef múslími gengur af trúnni.

Sannleikurinn er sá að múslímsk trúarmenning er sneisafull af andstyggð á vestrænum gildum og býður upp á fjölskrúðuga réttlætingu, t.d. ,,heilagt stríð", handa þeim sem drepa saklausa borgara nær og fjær í nafni hinnar ,,sönnu trúar."

Múslímsk hryðjuverk verða ekki skilin nema í samhengi við múslímska trúarmenningu. Til að takmarka þann skaða sem múslímsk trúarmenning veldur þarf hvorttveggja að draga fasísk einkenni hennar fram jafnframt því sem hamla þarf útbreiðslu þessarar hatursdýrkunar.

 

Liðsmenn Ríkis íslams féllu í Raqqa

Of hátt sjálfsmat

Lágt sjálfsmat er reglulega til umræðu, eins og lesa má í viðtengdri frétt. Of hátt sjálfsmat er á hinn bóginn sjaldnar rætt. Möguleg skýring er að fólki með of hátt sjálfsmat er fjarska sátt við sig sjálft.

Fólk með of hátt sjálfsmat lítur svo á að það sé réttborðið til velsældar, velmegunar og áhrifa. Rétt skipulögð veröld snýst um þarfir, langanir og kenjar fólksins með of hátt sjálfsmat.

Ef fólk með of hátt sjálfsmat fær ekki sínu framgengt lítur það svo á að skipulega sé unnið gegn því með margvíslegu samsæri - það ríkir með öðrum orðum óréttlæti í heiminum. Við þær aðstæður krefst þetta fólk byltingar.

Fólk með of hátt sjálfsmat gerir fyrst og fremst kröfur til annarra en síðast til sjálfs sín. Það leggur lítið fram, hvorki efnislega né vitsmunalega, en er þó duglegt að bera fram aðfinnslur í garð annarra.

Einstaklingur með of hátt sjálfsmat lítur á samborgara sína sem verkfæri fremur en að þeir hafi sjálfstæðan tilgang.

(Ef einhver les úr ofanrituðu lýsingu á góða fólkinu þá er það alger misskilningur).

 

 

 

Er barnið þitt með lágt sjálfsmat?

Bandalag SA og ASÍ um skattalækkun fyrirtækja

Forstjórnar landsins krefjast skattalækkunar fyrir fyrirtækin. En það er vitlausasta rástöfun sem hægt er að gera á þenslutíma. Núna kemur forseti ASÍ í fréttir RÚV og krefst hins sama og Samtök atvinnulífsins  - að skattar lækki á fyrirtæki.

Menntun og heilbrigðisþjónusta er greidd með sköttum, lífeyrir aldraðra og öryrkja sömuleiðis. En ASÍ er nákvæmlega sama um velferðarþjónusta - fyrirtækin verði að fá sitt.

Fjármálaráðherra, sem staðið hefur í ístaðinu í þessari umræðu, ætti að spyrja ASÍ hvaða þætti velferðarþjónustunnar ætti að skera niður til að fyrirtæki fái skattalækkun.

Krafa SA kemur nokkuð á óvart

Vestræn karlmennska og múslímar

Vestrænni karlmennsku stendur ógn af múslímum, sérstaklega ungum múslímskum karlmönnum. Ungir, sígraðir og ágengir múslímskir karlmenn vekja ótta, skrifar Jakob Augstein í Spiegel: þeir kúga sínar eigin konur til að fela kvenleika sinn en hvolfa sér yfir vestrænar konur eins og úlfar.

Ræmur um ofbeldishugarfar múslímskra karla gagnvart konum eru lagðar inn á netið. Kóraninn, helgirit múslíma, er með sérstakan kafla um konur, þar sem forræði karla yfir þeim er rauður þráður. Sjálfur átti spámaðurinn á annan tug kvenna. Þá yngstu eignaðist hann hálf sextugur en hún var níu ára er hjónabandið var staðfest með samræði. Fordæmi spámannsins er vitanlega í fullu gildi.

Íslendingar þekkja úr sögu sinni ,,ástandið" þegar landið fylltist af útlenskum hermönnum í seinna stríði sem margir leituðu eftir kynnum við íslenskar stúlkur. Viðbrögð karlasamfélagsins voru að senda þær stúlkur upp í sveit sem sáust gera sér dælt við dáta.

Vestrænir karlar, einkum í Vestur- og Norður-Evrópu, búa við jafnrétti kynjanna og eru ekki í neinum færum að ,,vernda" vestrænar konur fyrir raunverulegri eða ímyndaðir ógn frá múslímskum körlum. Siðaboð og lög reisa skorður við slíkri ,,vernd." Múslímamenning býr ekki við sama taumhald. Ærumorð eru aðferð múslímskrar karlamenningar að halda kvenpeningnum á mottunni.

Vanmáttur vestrænna karla að verja kvenhelft samfélagsins skilar sér í talsvert meiri ákefð að verja landamærin við innflæði múslíma annars vegar og hins vegar verður gikkfingurinn körlum lausari, samanber loftárásir á Ríki íslams. Opin spurning er hvort það muni nægja.

Philipp Blom skrifaði bók, The Vertigo Years, um menninguna í aðdraganda fyrra stríðs. Kreppa karlmennskunnar er ein breyta sem Blom dvelur nokkuð við. Með fyrirvara um einföldun þá braust fyrra strið út til að evrópskir karlar gætu sýnt sig í krapinu. Langvarandi friður og velmegun kallaði á andsvar úr forneskju. Stærstu stríðstólin fengu nöfn úr germanskri goðafræði; Óðinn, Þór og Loki.

Fyrra strið leysti úr læðingi öfl sem léku lausum hala í aldarþriðjung. Þau voru ekki kveðin í kútinn fyrr en eftir Auschwitz og Hiroshíma.

Menning er aðferð til að skilja heiminn. Breytt menning veit á breyttan skilning. Og breyttur skilningur skilar sér í breyttum ákvörðunum um hvernig málum skuli skipað.   

Blair varar góða fólkið við múslímum

Stuðningur við hryðjuverk Ríkis íslam og álíka samtaka nær djúpt inn í samfélög múslíma, segir Tony Blair fyrrum formaður breska Verkamannaflokksins og forsætisráðherra Bretlands.

Ein þekktasta vinstriútgáfan á Bretlandi, Guardian, segir frá viðvörun Blair, sem hann flutti í fyrirlestri í Bandaríkjunum.

Blair sagði baráttuna gegn íslamistum bæði háða með vopnum og hugmyndafræði. ,,Öryggi okkar er ógnað inn á heimilum okkar," sagði Blair og vísaði til milljóna múslíma í Evrópu.

Íslensk sjórnvöld munu væntanlega sjá til þess að íslenskum innanlandsfriði stafi ekki ógn af múslímafasistum.

Hét tryggð við Ríki íslams

Ísland á sérstökum lista ESB

Ísland er á sérstökum lista ESB; ekki sem umsóknarland heldur stendur það eitt í flokki landa sem hófu aðildarferli inn í sambandið en hættu við.

Listinn er á opinberri heimasíðu Evrópusambandsins. Ef smellt er á nafn Íslands kemur upp eftirfarandi skýring

Membership status

In March 2015 Iceland's government requested that "Iceland should not be regarded as a candidate country for EU membership". The Council took note and undertook further practical adjustments of its working procedures.

Allt er þetta nokkuð loðið. Á eftir klausunni er að finna yfirlit yfir þá kafla sem Ísland lauk áður en ferlið stöðvaðist.

Evrópusambandið tekur ekki af skarið með að Ísland sé ekki umsóknarríki á leið inn í sambandið. Þar með er flugufótur fyrir þeirri staðhæfingu Samfylkingar að hægt sé að hefja á ný aðildarferlið án nýrrar umsóknar. Sú staða er tvíbent. Samfylkingin strandaði með fyrri umsókn um aðild einmitt vegna þess að umboð þjóðarinnar var ekki fyrir hendi.

Ef Samfylkingin ætlar í kosningabaráttu með þá stefnu að vekja til lífs gömlu umsóknina munu fáir nema hörðustu ESB-kverúlantar styðja málefnið. Smáfylking ESB-kverúlanta getur kannski tryggt sér fáein þingsæti á alþingi en verður seint fjöldahreyfing.

 

 

Láta ósvarað um gildi ESB-umsóknar