Fylgishrun Samfylkingar staðfest - Píratar fá liðsmenn

MMR gefur Samfylkingu 9,4 prósent fylgi og staðfestir þar könnun Gallup fyrir nokkrum dögum sem mældi 9,2 prósent fylgi.

Samfylkingin er tilraun sem misheppnaðist. Flokkurinn var stofnaður sem einsmálsflokkur og núna er málið eina, ESB-umsókn, pólitískt dautt og verður ekki endurlífgað næstu árin.

Fótgönguliðar Samfylkingar munu leita fyrir sér hjá Pírötum sem eru með fylgi en fáa liðsmenn. Píratar lærðu af Samfylkingu, eru ekki einsmálsflokkur heldur einskinsmálsflokkur - og heldur þannig öllum ánægðum, ýmist með loðinni stefnu eða alls engri.

 

Fylgi Pírata dregst lítillega saman

Hringbraut er lygamiðill

Hringbraut heldur úti pistlahöfundi, Ólafi Jóni Sívertsen, sem Hringbraut kynnir með mynd og gefur þar með til kynna að Ólafur Jón sé með kennitölu hjá þjóðskrá.

En Ólafur Jón er ekki til sem einstaklingur. Hann er upploginn. Einhver skrifar pistla í nafni Ólafs Jóns og slengir fram skoðunum sem staðreyndum. Hringbraut styðst við Ólaf Jón sem heimildamann fyrir fréttum. Með þessu háttalagi reynir Hringbraut meðvitað að blekkja lesendur að halda Ólaf Jón trúverðugan heimildamann. Háttalagið lýsir takmarkalausri fyrirlitningu á almenningi.

Hringbraut er ekki fjölmiðill heldur lygafabrikka.

„Brotið er alvarlegt“

Ólína: Samfylkingin dauð í haust

Þingmaður Samfylkingar, Ólína Þorvarðardóttir, telur flokkinn dauðann í haust verði ekki gerðar lífgunartilraunir með nýrri forystu.

Eina von flokksins er að flýta landsfundi, segir Ólína.

Ný könnum Gallup gefur Samfylkingu 9,2 prósent fylgi. Í síðustu kosningum fékk flokkurinn 12,9 prósent atkvæðanna.

Samfylkingin er einsmálsflokkur. ESB-aðild er allra mein bót fyrir Ísland. Árni Páll Árnason sitjandi formaður sló þann tón þegar árið 2008 er hann sagði að umsóknin eins og sér um aðild að Evrópusambandinu væri töfralausn við efnahagslegum óstöðugleika.

Vandi einsmálsflokka er að þegar baráttumálið eina og sanna trekkir ekki lengur blasir við pólitíiskt rökþrot.

ESB óttast úrsögn Bretlands

Ef Bretland gengur úr Evrópusambandinu, í þjóðaratkvæðagreiðslu, sem fram fer á næstu mánuðum, yrði það stóráfall fyrir ESB.

Evrópusambandið þarf nauðsynlega á Bretlandi að halda af tveim ástæðum. Í fyrsta lagi er valdajafnari á meginlandi Evrópu og hefur verið frá 18. öld. Ef eitt ríki er öðrum yfirsterkara á meginlandinu jafnar Bretland leikinn, studdi Prússa gegn Frökkum í Napóleonsstyrjöldunum og Frakka gegn Þjóðverjum í tveim heimsstríðum á síðustu öld.

Í öðru lagi er Bretland, með stuðningi við frjálsa verslun og vantrú á yfirþyrmandi ríkisvaldi, náttúruleg mótstaða gegn frönsku stjórnlyndi og þýskum korpóratisma. Aðild Breta að ESB er hemill gegn ofurvaldi embættismanna í Brussel.

ESB þarf meira á Bretlandi að halda en Bretlandi ESB.

 

Leggur til heimild til að falla frá bótagreiðslum við sérstakar aðstæður

Ópólitískt fylgi í leit að stefnu

Píratar voru stofnaðir sem nördaflokkur að tryggja fáeinum þægilega innivinnu með ríkulegum ferðaheimildum en ekki til að breyta stjórnmálum. Með fylgi upp á 35 prósent eru Píratar orðnir eftirlæti þeirra sem eru ópólitískir - en vilja ekki hefðbundin stjórnmál.

Samkvæmt Halldóri Jónssyni eru Píratar duglegir að funda til að finna stefnu handa ópólitíska fylginu sem sópast að þeim. Hængurinn er sá að þeir sem mæta á fundina eru ekki ópólitískir og þar af leiðandi ekki dæmigerðir fyrir fylgið, sem er fundarlatt og nálgast stjórnmál eins og barn sælgætisbar.

Þegar nær dregur kosningum verður áskorun Pírata að finna pólitíska stefnu sem rímar við ópólitískt fylgi.

Píratar með mest fylgi í tíu mánuði

Bjarni B. svari spurningu um bankarekstur

Einkaframtakið átti banka á Íslandi í fáein ár um og upp úr aldamótum. Það endaði með hruni 2008.

Bjarni Benediktsson fjármálaráðherra þarf að svara spurningunni um getu einkaframtaksins til að reka banka. Ríkið gat rekið banka nær alla síðustu öld án þess að þeir færu á hausinn.

Það er ekkert svar að segja ,,prinsippmál" að ríkið eigi ekki banka.

Einkaframtakið er ekki með þá ferilsskrá að því sé treystandi fyrir banka. Engin ,,prinsipp" geta falið þá staðreynd. 

 

Fiskað í gruggugu vatni

Vinstriflokkarnir sameinist, flækjan er ólýðræðisleg

Vinstriflokkarnir á alþingi gerðu þjóðinni greiða að sameinast, eins og Össur Skarphéðinsson leggur til.

Flækjan sem vinstriflokkarnir standa fyrir, að bjóða upp á fjórar útgáfur af vinstripólitík, er ólýðræðisleg. Flokkarnir fjórir Píratar, Björt framtíð, Vinstri grænir og Samfylkingin valda pólitísku ógagnsæi sem er lýðræðinu fjötur um fót.

Sameining vinstriflokkanna felur í sér að þrír starfandi flokkar yrðu á þingi; vinstriflokkur, miðflokkur og hægriflokkur.

Kjósendur stæðu frammi fyrir skýrum valkostum. Það er til hagsbóta fyrir lýðræðismenninguna. 

Breytt stjórnmál, hagpólitík víkur fyrir valdeflingu

Þegar Bill Clinton, eiginmaður Hillary, varð forseti 1993 snerust stjórnmál um efnahagsmál, it's the economy, stupid.

Hagpólitík er víkjandi nú á tímum allsnægta. Hagfræði sem fræðigrein skortsins er ekki lengur jafn viðeigandi eins og hún var á dögum Karl Marx og Adam Smith, - jafnvel hagfræðingar viðurkenna það.

Stjórnmál í dag snúast um valdeflingu. En valdefling eins er á kostnað annars. Stjórnmálin verða eftir því hatrammari.

 

Iowa-búar ganga til forkosninga

Vestrænt verndarríki í Afríku/miðausturlöndum

Múslímar í Afríku og miðausturlöndum kunna ekki fótum sínum forráð. Þeir eru í sömu sporum Vestur-Evrópa 1914 til 1945; geta ekki verið til friðs.

Bandaríkin urðu að bjarga Evrópu á fyrri hluta síðustu aldar. Til að koma skikk á múslíma í Afríku og miðausturlöndum verða Bandaríkin, Rússland og Evrópa að taka höndum saman.

Risavaxnar flóttamannabúðir í Líbýu ásamt hernaðaraðgerðum í Írak og Sýrlandi er líkleg niðurstaða. Flóttamannabúðir veita borgurum skjól og koma í veg fyrir flóttamannastraum til Evrópu. En það tekur nokkurn tíma að koma þessu í kring, líklega tvö til þrjú ár.

 

7,3 milljónir Íraka þurfa aðstoð

Múslímar aðlagast ekki vestrænu samfélagi

Trúarmenning múslíma er ráðandi í lífsviðhorfi þeirra. Í alþjóðlegri könnun kemur fram að 91% múslíma í Norður-Afríku og miðausturlöndum er sannfærður um að trúin sé forsenda siðferðis. En það er einmitt frá þessu svæði sem flestir farandflóttamenn koma í leit að betri lífskjörum á vesturlöndum.

Þegar trúin er forsenda siðferðis er rökrétt að múslímar séu viðkvæmir fyrir hverjir veiti trúarlega leiðsögn og stjórni trúarútgáfunni sem skal í hávegum höfð. Mótmælin í Reykjavík gefa til kynna að þrír hópar berjist um forræðið yfir söfnuði múslíma hér á landi.

Trúin er aukaatriði í vestrænu samfélagi. Virðing fyrir mannréttindum og lýðræði vega mun þyngra en trú í vestrænu siðferði. Mannréttindi eins og trúfrelsi eru múslímum framandi.  Jafnrétti karla og kvenna er beinlínis hafnað í mannréttindaskrá múslímaríkja.

Þegar það liggur fyrir að múslímar aðlagast ekki vestrænu samfélagi er hvorki okkur né þeim gerður greiði með því að fjölga þeim hér á landi.

 

Múslimar mótmæltu í Reykjavík