Viðreisn, ESB-óreiðan og ónýta Ísland

Viðreisn boðar aðild að Evrópusambandinu fái flokkurinn kjörfylgi og aðild að ríkisstjórn. Eina hreina vinstristjórn lýðveldisins, ríkisstjórn Jóhönnu Sig. 2009-2013, samþykkti þann 16. júlí 2009 að sækja um ESB-aðild - á afmælisdegi Tyrkjaránsins.

Svik og undirferli voru undanfari aðildarumsóknarinnar 2009. Vinstri grænir lofuðu kjósendum sínum ESB-andstöðu þá um vorið. Flokkur forsætisráðherra, Samfylkingin, svindlaði á flokksmönnum þegar þeir voru beðnir að samþykkja að gera ESB að stefnumáli um aldamótin.

Áramótin 2012/2013 var umsóknin lögð til hliðar. Ríkisstjórnin sá ekki fram á að þjóðin myndi samþykkja framsal fullveldis til embættismannaveldis á erlendri grundu. Stjórnarflokkarnir, Samfylking og Vinstri grænir, guldu afhroð í þingkosningum vorið 2013. Síðan er fátt að frétta af ESB-daðri.

Þangað til núna.

Óopinbert slagorð Samfylkingar eftir hrun var ónýta Ísland. Ástandið var svo óbærilegt að nýja stjórnarskrá þurfti, nýjan gjaldmiðil og gott ef ekki nýja þjóð í landið. Stóra endurræsingin var ESB-aðild.

Á síðustu árum lærði Samfylkingin sína lexíu og tónaði niður orðfærið sem flokknum var tamt í tíð ríkisstjórnar Jóhönnu Sig. En þá stekkur Viðreisn til og tileinkar sér pólitíkina um ónýta Ísland.

Með sjálfa hrundrottninguna í farþegasætinu og grínista undir stýri endurvekur Viðreisn bábiljuna að ESB-aðild bjargi Íslandi. Sagan frá 2009 endurtekur sig sem farsi í kosningabaráttunni en gæti endað í harmleik 30. nóvember fái Viðreisn meðbyr kjósenda.  

 

 

 

Viðreisn krefst aðildarviðræðna við ESB

Þrjú vistkerfi Þórðar Snæs, Ingibjörg Sólrún afturkallar stuðning

Frambjóðandi Samfylkingar, Þórður Snær Júlíusson, hefur gert sig gildandi í þrem vistkerfum. Á þrítugsaldri í bloggvistkerfi þar sem verðandi þingmannsefni fór fremstur meðal jafningja að rægja konur, einkum konur í ábyrgðarstöðum i samfélaginu. 

Þórður Snær hlutgerði konur og lagði sérstaka fæð á konur sem komust til áhrifa. Í hugarheimi Dodda á þrítugsaldri áttu konur að vera til brúks fyrir karla eins og hann, ekki annað.

Tíu árum eða svo eftir að Þórður Snær lagði nótt við nýtan dag að níða skóinn af sjálfstæðum konum söðlaði hann um og tók að sér forystuhlutverk í vistkerfi góða fólksins. Þá orðinn ritstjóri fékk Þórður Snær sér sæti í stjórn UN Women. Í vistkerfi góða fólksins varð Doddinn hatrammur andstæðingur alls þess lyktaði af minnstu fordómum. Hann gerðist siðameistari góðs og ills og hundelti mann og annan er vék af vegi rétttrúnaðarins.

Vistkerfi fjölmiðla er þriðji áfangastaður þingmannsefnis Samfylkingar. Þar reis sól Þórðar Snæs hæst vorið 2021. RSK-blaðamenn (RÚV, Stundin og Kjarninn) skipulögðu aðför að skipstjóra, sem var byrlað, síma hans stolið og hann afritaður á RÚV. Þaðan fór efnið á Stundina og Kjarnann, sem Þórður Snær ritstýrði. Til verksins var notuð vanheil eiginkona skipstjórans. Á þrítugsaldri hugsaði Doddinn konur sem verkfæri til að þjóna lund sinni. Á fimmtugsaldri hrinti hann æskuhugsjóninni í framkvæmd, réðst á garðinn þar sem hann var lægstur. 

Ástæða atlögunnar var að blaðamönnum var í nöp við vinnuveitanda skipstjórans, norðlenska útgerð. Í eftirmála nutu sín vel hæfileikar Þórðar Snæs að gera svart hvítt. Hann afneitaði bláköldum staðreyndum, sagði skipstjóranum ekki byrlað og enn síður var stolinn sími afritaður.

Þrátt fyrir hetjulega baráttu Dodda gegn sannleikanum trúðu honum æ færri. Hratt fjaraði undan trúverðugleika hans. Sérhæfing ritstjórans er gaslýsing, sem hann lýsir svo:

Tæknin sem beitt er kall­ast á ensku „gaslight­ing“, eða gas­lýs­ing, og er þekkt póli­tískt bragð. Í henni felst að neita stans­laust allri sök, afvega­leiða, setja fram mót­sagn­ir, ljúga upp á fólk afstöðu, hengja sig í öll auka­at­riði og hanna nýja atburða­rás eftir á sem hentar mál­stað þess sem er að verja sig.
,,Tilgangurinn," útskýrir Þórður Snær, er að fá almenning ,,til að efast um eigin dóm­greind." Ritstjórinn er þaulæfður í aðferðinni.

Í sumar fékk Þórður Snær sparkið á Heimildinni. Tilfallandi bloggaði um brotthvarfið. Í niðurlagi bloggsins, sem skrifað er 1. ágúst síðast liðinn segir:

Gaslýsing Þórðar Snæs bitnaði að lokum á honum sjálfum. Almenningur keypti ekki þvaður um að ritstjórinn og RSK-miðlar væru þolendur í byrlunar- og símastuldsmálinu. Á flóttanum tapaði ritstjórinn áttum, sökk æ dýpra í sjálfsblekkingu. Kæmi ekki á óvart að Þórður Snær reyndi næst fyrir sér á vettvangi Samfylkingar. Hann er þannig týpa.

Og viti menn, það gekk eftir. Þórður Snær varð í lok október þingmannsefni Samfylkingar, skipar 3ja sætið í Reykjavík norður, á eftir Kristrúnu formanni og Degi borgarstjóra. Samfylkingin verður fjórða vistkerfið þar sem Doddinn lætur til sín taka.

Konur mæta í röð á RÚV að þvo hendur sínar af eyðingaraflinu sem leggur í rúst vistkerfin er það sækir heim. Ingibjörg Sólrún Gísladóttir fyrrum formaður Samfylkingar lýsti yfir stuðningi við Þórð Snæ í fyrradag. Í athugasemd seint í gær á Facebook-síðu Kristrúnar afturkallar Ingibjörg Sólrún stuðning sinn við þingmannsefnið:

Verð að endurskoða afstöðu mína í þessu máli. Því meira sem birtist af gömlum færslum Þórðar því erfiðara er að sætta sig við hann fyrir 20 árum. Hann þarf að hreinsa þetta almennilega upp til að endurheimta trúverðugleika sinn.

Þórður Snær ætti að taka vinsamlegum ábendingum og leggja á hilluna áform um að verða fulltrúi á þjóðþinginu. Hann á ekki innistæðu fyrir þeirri vegsemd.

Hálfgerð martröð fyrir kosningastjóra

Bað Þórður Snær Rannveigu, Guðmund Karl og Kolbrúnu fyrirgefningar?

Þórður Snær frambjóðandi Samfylkingar skrifaði á opinberan vettvang rætinn texta um konur almennt. Hann skrifaði einnig um nafngreinda einstaklinga. Þingmannsefnið hefur allan sinn feril sýnt af sér sömu stílbrigðin og hann tamdi sér sem ungur maður.

Um Rannveigu Rist forstjóra skrifaði þingmannsefnið:

„Stund­um get ég verið ham­ingju­sam­ur. Og ber­sýni­leg eit­ur­lyfja­neysla Rann­veig­ar Rist, álfrú­ar­inn­ar, gleður mig óend­an­lega mikið. Eða ég gef mér að hún sé und­ir áhrif­um henn­ar vegna því ann­ars daðrar hún lík­lega við að vera þroska­heft.“

Und­ir sömu færslu er að finna mynd af Rann­veigu skera sneið af tertu. Í mynda­texta seg­ir orðrétt: „Álfrú­in sker sér sneið af cont­al­gen tertu.“

Færslurnar um Rannveigu rötuðu á borð siðanefndar Blaðamannafélags Íslands. Þegar kæra Rannveigar var borin undir Þórð Snæ vildi hann ekki kannast við höfundarverk sitt. Á Vísi er haft eftir ritstjóranum:

Þórður Snær Júlíusson kom af fjöllum í kvöld þegar Vísir ætlaði að bera undir hann úrskurð siðanefndarinnar. Hann sagðist ekki hafa haft hugmynd um að þetta mál og þessi bloggfærsla væri til umfjöllunar hjá siðanefndinni.
Hann sagði að fjölmargir aðilar skrifuðu á umrædda síðu og einkennilegt væri að honum væri eignuð hin umdeildu skrif um Rannveigu Rist.

Þegar upp komst um rætinn verðandi ritstjóra greip hann til ósanninda, þetta var ekki ég heldur einhver annar, líklega heimildarmaður sem ekki má nafngreina.

Um Guðmund Karl Brynjarsson sóknarprest og Kolbrúnu Bergþórsdóttur blaðamann skrifaði Þórður Snær:

Annar sambýlismaður minn var með kærustuna sína í heimsókn frá BNA hér um daginn. Hún leit út eins og afkvæmi Gumma-Kalla og Kolbrúnar Bergþórsdóttur. Hún var eins og leirklumpur standandi á tveimur mars-stykkjum. Hún var ekki með brjóst, samt með vömb, stóran rass, stuttar lappir, gróft hár og þrútið andlit

Siðfræðingur segir á Vísi að Þórður Snær ,,þyrfti jafnvel að biðja fólk fyrirgefningar, því það eru þarna nafngreindir einstaklingar."

Sjálfur er Þórður Snær fljótur að krefja aðra um að biðja sig afsökunar, sé orði á hann hallað. Ritstjórinn krafði bloggara um afsökun þegar tilfallandi sagði Þórð Snæ eiga aðild að refsimáli þar sem hann var sakborningur og er enn. Tilfallandi varð ekki við kröfu Þórðar Snæs sem hóf málssókn og heimtaði 1,5 m.kr. fyrir æru sína. Þingmannsefnið hafði sigur í héraðsdómi og sagði þá þessi fleygu orð:

það má ekki segja hvað sem er um hvern sem er, hvenær sem er, hvar sem er

Ritstjórinn er fjarska meðvitaður, að ekki sé sagt hörundssár, um eigið orðspor. En hann telur sig hafa heimild til illvígrar atlögu að orðspori annarra, bæði með rætnum bloggfærslum undir dulnefninu ,,þýska stálið" og í fréttum sem fremur eru byggðar á skáldskap en traustum heimildum. Landsréttur ómerkti héraðsdóminn; það má gagnrýna menn af sauðahúsi Þórðar Snæs.

Þórður Snær á aðild að byrlunar- og símamálinu, er þar sakborningur. Tilfallandi byrjaði að skrifa um málið haustið 2021 og var einn um að setja aðfarir blaðamanna í samhengi við byrlun Páls skipstjóra, stuldi á síma hans og afritun. Ritstjórinn skrifaði leiðara 18. nóvember 2021 undir fyrirsögninni Glæpur í höfði Páls Vilhjálmssonar. Þar valdi hann bloggara hin verstu nöfn, ,,skítugur maður með rætna blogg­síðu sem hann notar til að ljúga upp á fólk og gera þeim upp mein­ing­ar." Þórður Snær klykkti út með ósannindum: ,,Til að taka af allan vafa: það er eng­inn blaða­maður til rann­sóknar". En það var lögreglurannsókn á Þórði Snæ og félögum, fyrsta yfirheyrsla fór fram í byrjun október 2021. Í febrúar 2022 fengu blaðamenn stöðu sakborninga, ritstjórinn þar á meðal. Ritstjórinn fór enn og aftur með vísvitandi ósannindi þegar hann fullyrti að engin lögreglurannsókn stæði yfir.

Stílbrigði Þórðar Snæs haustið 2021 eru þau sömu og þegar hann níddist nafnlaust á Rannveigu Rist, Guðmundi Karli og Kolbrúnu Bergþórs. Enda skrifar sami maðurinn textann. Enginn flýr sjálfan sig.

Vandamál Þórðar Snæs er hugarfarið. Drífa Snædal bendir á að ,,iðrandi karl­ar með kven­hat­ur á sam­visk­unni þurfi að gera meira en að biðjast bara af­sök­un­ar og gera lítið úr kven­h­atri sínu og krefjast þess að mál­inu sé lokið. Stærra upp­gjör þurfi til." Aðferð Þórðar Snæs er að ásaka aðra. Hann kærði Pál skipstjóra fyrir að hóta sér ofbeldi. Kæran var uppspuni frá rótum. Með kærunni vildi gerandi breyta sér í brotaþola.

Þórður Snær er snöggur upp á lagið að gera siðferðiskröfur til annarra. Hann ætti að byrja á sjálfum sér í einrúmi. Það er lítt stórmannlegt að draga heilan stjórnmálaflokk niður í eigið svínarí. Ritstjórinn fékk sæti á framboðslista Samfylkingar á fölskum forsendum, sýndi sig annan en hann í raun er. Hvað viðtengda frétt áhrærir: þarf að segja meira? 

 

 

Klúr skrif beindust einnig gegn börnum

Þórður Snær með Kristrúnu undir hælnum

Þórður Snær Júlíusson situr áfram á framboðslista Samfylkingar, þrátt fyrir afhjúpun gærdagsins um viðhorf hans til kvenna. Stjórnmálaflokkur sem kennir sig við femínisma lætur gott heita að karlframbjóðandi flokksins segi konur ,,lævísar, undirförlar tíkur" og ræðst á nafngreinda konu í áhrifastöðu með þeim orðum að hún sé ,,þroskaheft". Spurningin vaknar hvort ráði ferðinni í Samfylkingunni Kristrún formaður eða Þórður Snær kvennaljómi.

Víst er að áhrifavald Þórðar Snæs og bakhjarla hans í flokkseigendafélagi Samfylkingar er gríðarlegt. Til að rýma fyrir ritstjóranum í þriðja sæti listans í Reykjavík norður var sitjandi þingkona, Dagbjört Hákonardóttir, látin víkja sæti til að Þórðar Snær kæmist á þjóðarsamkunduna með boðskap sinn. Kona út, kvenfyrirlitning inn er óopinber stefna Samfylkingarinnar fyrir kosningarnar 30. nóvember.

Eftir afhjúpun gærdagsins er Þórður Snær myllusteinn um háls Samfylkingar. Fyrrum samherjar hans á Heimildinni snúa við honum baki. Ingibjörg Dögg ritstjóri segir þingmannsefnið gervi-femínista sem skortir auðmýkt. Kvenfjandsamleg sannfæring Þórðar Snæs lifir fram á kjördag eftir hálfan mánuð og gott betur nú þegar Kristrún blessar textaperlur Dodda. Dæmi:

Feminsimi er partíorð yfir kynja-fasisma, hugmyndafræði sem er ætlað að tryggja konum undirtökin í samfélaginu með því að leika hlutverk fórnarlambs 

þú verður ekkert graður við það að tala við áhugaverða, en sót-ljóta konu, það er nokkuð borðliggjandi.

meirihluti kvenkyns viðurkennir ekki að þær séu jafn graðar og við og nota kynlíf til að stjórna körlum.

Það er klámi að þakka að konur stjórna nú heiminum því það sýndi líka fram á hvað konur eru raunverulega megnugar til að framkvæma í svefnherberginu, hvernig er hægt að teygja þær og snúa þeim.

Annar sambýlismaður minn var með kærustuna sína í heimsókn frá BNA hér um daginn. Hún leit út eins og afkvæmi Gumma-Kalla og Kolbrúnar Bergþórsdóttur. Hún var eins og leirklumpur standandi á tveimur mars-stykkjum. Hún var ekki með brjóst, samt með vömb, stóran rass, stuttar lappir, gróft hár og þrútið andlit

Esteban og Heiðveig eru svo sannarlega mitt fólk. Næst þegar ég sé hana á förnum vegi ætla ég að segja henni aftur að mig langi að ríða henni. Og jafvel Esteban líka

Þórður Snær reyndi að afsaka sig með ,,menningu" sem fékk hann til að skrifa ljótt um konur. Í raun var það ekki hann sjálfur sem sló á lyklaborðið heldur einhver óskilgreind ,,menning." Hvaða erindi á alþingi á maður sem ekki er sjálfs sín ráðandi? Er Samfylkingin orðinn pólitískur vettvangur óbeislaðra frumhvata sem lúta ekki siðalögmálum?

Kristrún formaður veit að Samfylkingin getur ekki boðið kjósendum upp á lista með Þórð Snæ Júlíusson. Hún vissi það strax í gærmorgun en lætur daginn líða án þess að bregðast við en lætur svo undan og blessar kvenfyrirlitningu. Gerendameðvirkni Kristrúnar lýtur ekki pólitískum lögmálum. Aðrar og myrkari ástæður liggja að baki. Þórður Snær virðist hafa þau tök á formanni Samfylkingar að ekki verði við honum hróflað. Á ellefta tímanum í gærkvöldi staðfestir Kristrún að Þórður Snær sé áfram þingmannsefni Samfylkingar. Áður hafði hún talað við ritstjórann sem sagðist ekki ætla að víkja af lista flokksins. Karlinn er ráðandi, konan víkjandi á Samfylkingarheimilinu. 

Þórður Snær fékk þriðja sætið í Reykjavík norður á lista Samfylkingar þrátt fyrir að vera sakborningur í byrlunar- og símamálinu. Stórundarlegt er að maður grunaður um glæp í refsimáli skuli fá sæti á framboðslista til þingkosninga. Tilfallandi skoðaði fyrri samskipti Kristrúnar formanns og Þórðar Snæs ritstjóra og taldi að þar væri komin skýring á heljartaki er hann hefur á Kristrúnu. Niðurlag bloggsins:

Þórður Snær gerir ekkert ókeypis. Hann fékk loforð frá Kristrúnu um stuðning við þingmennsku. Ritstjórinn fyrrverandi er undirförull; sést á því að hann reyndi að sölsa undir sig yfirráð yfir Heimildinni á bakvið tjöldin. Upp komst og Þórði Snæ var sparkað. Eftir ráðabruggið vorið 2023, til að bjarga pólitísku lífi formanns Samfylkingar, er Þórður Snær kominn með upplýsingar sem hann getur hvenær sem er lekið til vinveittra blaðamanna. Þar með yrði saga Kristrúnar formanns öll. Kristrún er vel meðvituð um stöðu sína gagnvart ritstjóranum sem einskins svífst til að koma ár sinni fyrir borð.

Þórður Snær er sakborningur í alvarlegu refsimáli, byrlunar- og símamálinu. Enginn stjórnmálaflokkur með réttu ráði teflir fram til þingsetu manni sem grunaður er um glæp. En það gerir Samfylkingin. Skýringin er sú að formaðurinn þar á bæ sætir pólitískri fjárkúgun vegna skattsvika.

Með því að halda hlífiskildi yfir Þórði Snæ eftir að hann var afhjúpaður illa haldinn kvenfyrirlitningu staðfestir Kristrún að hún er undir hælnum á ritstjóranum. Þegar Þórður Snær sagði konur ,,lævísar, undirförlar tíkur" var hann að tileinka sér vinnubrögð og lífsviðhorf sem hann þóttist vita að kæmu sér vel er hann fetaði framabrautina.

,,Ég hef rætt við Þórð. Hann skammast sín djúpt fyrir skrifin," skrifar Kristrún til varnar ritstjóranum. Þroskasaga Þórðar Snæs sýnir hugsanir hans í framkvæmd. Í byrlunar- og símamálinu var andlega veik kona gróflega misnotuð af blaðamönnum. Hún er fengin til að byrla eiginmanni sinum, stela síma hans og færa blaðamönnum til afritunar. Þórður Snær taldi sig og félaga sína í fullum rétti að ráðast að fjölskyldu með veikan hlekk, konu sem gengur ekki heil til skógar. Ritstjóranum er ekkert heilagt. En Kristrún formaður segir Þórð Snæ skammast sín. Byrlunar- og símamálið hófst vorið 2021, fyrir rúmum þrem árum. Þórður Snær skammast sín ekki fyrir kvenfyrirlitninguna; stundar hana enn.

Kjósendur þurfa ekki að fara í grafgötur með hvað Þórður Snær og Samfylkingin standa fyrir. Atkvæði greitt Samfylkingu er stuðningur við kvenfyrirlitningu. 

Þórður „má og á að skammast sín“

Helgi Seljan og njósnir Black Cube

,,Blaðamaður­inn Helgi Selj­an er hætt­ur í starfi hjá Heim­ild­inni," sagði í frétt Mbl.is fyrir tæpum mánuði. Í frétt Mbl.is, sem er frá 18. október, segir í framhaldi:

Hann [Helgi Seljan] seg­ir í sam­tali við mbl.is að hann sé ekki með neitt í hendi hvað at­vinnu varðar. Þó sé aldrei að vita nema hann kom­ist á sjó­inn í af­leys­ing­ar ef svo bæri und­ir.
„Ég ákvað að taka mér bara pásu alla­vega,“ seg­ir Helgi spurður um hvort að ákvörðunin hafi haft sér lang­an aðdrag­anda.

Helgi kvaðst hættur á Heimildinni fyrir rúmum mánuði en hann er ásamt Aðalsteini Kjartanssyni höfundur fréttar í Heimildinni sem birtist í fyrradag. Fréttin er afurð njósnastarfsemi þar sem sonur Jóns Gunnarssonar þingmanns var skotmark. Tálbeita frá huldufyrirtækinu Black Cube þóttist vera fjárfestir og hafði að yfirvarpi að kaupa eignir af syni Jóns, sem er fasteignasali. En tilgangurinn var að veiða upplýsingar um pabba fasteignasalans.

Upplýsingarnar sem tálbeitan aflaði rötuðu aðeins á einn fjölmiðil, Heimildina. Þar unnu Helgi og Aðalsteinn frétt upp úr hlerunum tálbeitunnar. En Helgi sagðist hættur störfum á Heimildinni í síðasta mánuði.

Hér fer ekki saman hljóð og mynd.

Black Cube hóf blekkingarleikinn gagnvart syni Jóns þegar í september. Í bloggi gærdagsins var rætt um að aðgerð huldufyrirtækisins gæti ekki verið bundin við Jón Gunnarsson og fjölskyldu hans. Meira lægi að baki. Einnig er deginum ljósara að íslenskir aðilar eru í nánu samstarfi við Black Cube. Það kemur enginn útlendingur upp úr þurru til Íslands að leggja snöru fyrir son alþingismanns og skipuleggur fréttaflutning til að hafa áhrif á þingkosningar hér á landi.

Enginn fjölmiðill spyr Helga hver skýringin sé á því að hann er höfundur fréttar á fjölmiðli sem hann starfar ekki á. Enginn fjölmiðill reynir að hafa upp á íslenskum samstarfsaðilum Black Cube.

Ekki-blaðamaður Heimildarinnar, Helgi Seljan, og skráður blaðamaður fjölmiðilsins, Aðalsteinn Kjartansson, eru höfundar fréttar sem fengin var með njósnum og blekkingum. Þeir tveir eru ekki spurðir hverjir séu raunverulegir atvinnuveitendur þeirra.

Hér er ekki lítið í húfi. Erlendir aðilar og íslenskir samverkamenn reyna að hafa áhrif á niðurstöðu lýðræðislegra kosninga hér á landi. Fjölmiðlar hafa spurt spurninga af minna tilefni.   

 

Sleginn yfir grófri framkomu gegn fjölskyldunni

Heimildin, Vísir og tilræðið gegn lýðræðinu

Blaðamenn Heimildarinnar voru í samtarfi við Vísir um að koma Jóni Gunnarssyni og Sjálfstæðisflokkum á knén rétt fyrir kosningar. Jón varð fyrri til, sá í gegnum blekkingarvefinn, og birti Facebook-færslu snemma í gærmorgun sem afhjúpaði vinnubrögð blaðamanna. Heimildin og Vísir eru viljug verkfæri erlendra og innlendra aðila sem ætla sér áhrif á íslensk stjórnmál.

Blaðamennirnir Helgi Seljan og Aðalsteinn Kjartansson hringdu samtímis í Jón og son hans á föstudagskvöld. Eins og kom fram í bloggi gærdagsins eru samstilltar símhringingar þekkt vinnubrögð RSK-miðla (RÚV, Heimildarinnar, áður Stundin/Kjarninn). Blaðamenn hringja með samræmdum hætti í skotmörkin rétt fyrir birtingu. Í byrlunar- og símamálinu hringdu Aðalsteinn og Þórður Snær í Pál skipstjóra daginn fyrir fyrstu fréttir.

Hvað Jón varðar og son hans stóð ekki til að birta fréttina fyrr en núna á föstudaginn, sem er útgáfudagur Heimildarinnar. Hvað varð til þess að flýta birtingu?

Áður en þeirri spurningu er svarað er rétt að vekja athygli á samstarfinu milli Heimildarinnar og Vísis annars vegar og hins vegar útlendingsins sem vann skítverkið, sigldi undir fölsku flaggi og hleraði.

Facebook-færsla Jóns birtist í gærmorgun kl. 7:05. Tveim tímum síðar kemur fyrsta frétt Vísis um málið. Þar segir í inngangi: ,,Samkvæmt heimildum Vísis var tálbeitan ekki á vegum Heimildarinnar." Vísir var með innherjaupplýsingar, sem ekki fást nema með málsaðild. Ritstjórn Vísis vissi hvernig var í pottinn búið.

Eftir að Jón afhjúpaði vinnubrögð blaðamanna hafði Vísir forgöngu um að gera hlut njósnafyrirtækisins Black Cube sem mestan og gera því skóna að félagarnir á Heimildinni hafi verið svo óheppnir að bregðast við upplýsingum sem ,,komnar voru í dreifingu." Þarna blekkir Vísir í þágu starfsfélaga á Heimildinni -  ekki í fyrsta sinn.

Tilgangurinn er að hvítþvo blaðamenn af siðlausri blaðamennsku, sem þeir á Heimildinni eru kunnir fyrir. Annað markmið er að draga fjöður yfir hlutverk blaðamanna í samsæri gegn lýðræðinu. Heimildin og Vísir voru i samstarfi um sorpvinnslu í þágu annarra.

Útlendingar eiga hlut að máli. Tilgátan er að um sé að ræða náttúruverndarsamtök. Það er hugsanlegt en ekki hægt að slá föstu. Útlent fjármagn kemur nær örugglega við sögu. Hér er um að ræða einhverja tugi milljóna króna. Ekki aðeins eru erlendu starfsmennirnir rándýrir, hafa einkabílstjóra og gista á Edition. Þeir sem sjá um sorpvinnsluna þurfa sitt. Heimildin er svo gott sem gjaldþrota og lifir á framlögum sem ekki koma fram í bókhaldi. Í ónefndu Afríkuríki væri talað um mútur.

Það blasir við að útlendingar eru ólæsir á íslensk stjórnmál. Þeir eiga sér samstarfsaðila sem eru hagaðilar að íslensku samfélagi. Í málum af þessu tagi eru það ekki íslenskir almannatenglar eða lítilsigldir blaðamenn sem eru samstarfsaðilarnir heldur áhrifamenn í íslensku samfélagi, hagaðilar.

Slíkir hagaðilar eru með tengsl við íslenska fjölmiðla, les: Heimildin og Vísir. Þeir eru einnig með tengsl við stjórnmálaflokka, les: Samfylkinguna og Viðreisn. Innanbúðar í þeim flokkum eru menn með sterk fjölmiðlatengsl; Jóhann Páll Jóhannsson þingmaður Samfylkingar, Sigmar Guðmundsson þingmaður Viðreisnar og Þórður Snær Júlíusson sakborningur og þingmannsefni Samfylkingar. 

Aðgerðin gegn Jóni hófst í september, áður en Bjarni Ben. forsætisráðherra rauf þing og efndi til kosninga. Af þeirri staðreynd má álykta að kosningarnar eftir rúman hálfan mánuð eru ekki ástæða aðgerðarinnar. En það var vitað að kosningar á Íslandi yrðu ekki seinna en næsta haust, líklega þó í vor.

Jón, þótt kröftugur sé og fylginn sér, er réttur og sléttur þingmaður. Engar líkur eru á að leynileg aðgerð, sem felur í sér stórkostleg bellibrögð og feikna fjármuni, hafi verið sett af stað til að koma Jóni Gunnarssyni í vandræði. Það myndi ekki svara kostnaði. Eitthvað annað og stærra býr að baki.

Hagaðilarnir íslensku, með útlent fjármagn og tengsl inn í stjórnmálaflokka og fjölmiðla, ætluðu að nota haustið og veturinn fyrir þingkosningar næsta vor til að safna í sarpinn fréttaefni - sem Helgi, Aðalsteinn og slíkir kalla ,,afhjúpanir." Til að komast yfir fréttirnar átti að nota njósnastarfsemi, hleranir og tálbeitur. Blaðamenn Heimildarinnar hafa áður átt aðild að byrlun og gagnastuldi; þá munar ekkert um að bæta njósnum við á ferlisskrána. Sorpvinnsla gefur í aðra hönd. Í tæka tíð fyrir þingkosningar í vor yrði fréttaefninu slakað út til valdra fjölmiðla, fyrst og fremst til að valda einum stjórnmálaflokki hámarksskaða, Sjálfstæðisflokknum.

Víðtæka aðgerðin komst í uppnám þegar Bjarni Ben. sleit ríkisstjórnarsamstarfinu 13. október og boðaði til kosninga 30. nóvember. Íslensku hagaðilarnir höfðu lítið sem ekkert í höndunum af efninu sem átti að safna í haust og vetur fyrir vorkosningar 2025. En, jú, í hús var komin upptaka af syni Jóns Gunnarssonar alþingismanns að tala um pabba sinn og hvalveiðar. Hagaðilarnir töldu að efnið mætti nota til að koma höggi á Jón og Sjálfstæðisflokkinn. Skipulagið gekk út á að Heimildin birti ,,afhjúpunina" næsta föstudag í prentútgáfunni. Í aðdraganda átti Vísir að birta upphitunarfréttir til að gera almenning móttækilegan fyrir ,,afhjúpun" Heimildarinnar. Á fagmáli kallast þetta samræmd sorpvinnsla tveggja fjölmiðla.

En í síðustu viku breyttist eitthvað. Það var ákveðið að hraða birtingu. Of seint væri birta afhjúpun hálfum mánuði fyrir kosningar, efnið yrði að koma fyrr til að breyta umræðunni.

Hagaðilarnir, sem standa að baki aðgerðinni, sáu að Samfylkingin náði engu flugi í kosningabaráttunni. Þótt Viðreisn bætti það að nokkru upp stóðu leikar þannig að sókn Viðreisnar hafði stöðvast og Samfylkingin var á niðurleið. Hagaðilarnir gerðu Helga Seljan og Aðalsteini á Heimildinni orð um að flýta sorpvinnslunni. Það ætti að birta á mánudag.

Föstudagskvöldið í síðustu viku var yfirtíð hjá Helga og Aðalsteini. Þeir hringdu, samkvæmt skipulagi, samtímis í Jón og son hans. Sonurinn svaraði Helga en Jón tók ekki símhringinguna frá Aðalsteini. Þá varð Aðalsteinn að senda spurningar í tölvupósti, sem sýndu á spilin. Feðgarnir notuðu laugardag og sunnudag til að raða saman púslinu. Í gærmorgun afhjúpaði Jón blaðamennina sem ganga erinda huldumanna, hagaðila, sem með erlendu fjármagni ætla sér að ráða niðurstöðu lýðræðislegra kosninga á Íslandi.

 

 

 

 

 

 

 

„Þetta er aðför að lýðræðinu“

Helgi Seljan, Aðalsteinn og atlagan að Jóni

Blaðamenn Heimildarinnar, Helgi Seljan og Aðalsteinn Kjartansson, skipulögðu aðför að Jóni Gunnarssyni alþingismanni. Erlend tálbeita, sem þóttist vera fjárfestir, lagði snöru sína fyrir son Jóns, sem er fasteignasali. Tálbeitan sagðist hafa áhuga á fasteignaviðskiptum en sóttist eftir upplýsingum um Jón Gunnarsson sem er fyrrum dómsmálaráðherra.

Þegar tilfallandi las viðtengda frétt Morgunblaðsins, sem einnig birtir yfirlýsingu Jóns um málið, fannst honum erfitt að trúa, málið er svo fjarstæðukennt. Tvö atriði í yfirlýsingu Jóns eru þó afar sannfærandi. Fyrra atriðið er eftirfarandi:

Aðal­steinn Kjart­ans­son og Helgi Selj­an, blaðamenn á Heim­ild­inni og fyrr­ver­andi sam­starfs­menn tveggja fram­bjóðenda Sam­fylk­ing­ar­inn­ar fyr­ir Alþing­is­kosn­ing­arn­ar, hringdu sam­tím­is í mig og son minn síðasta föstu­dag til að spyrja nán­ar út í atriði úr kvöld­spjalli son­ar míns og „fjár­fest­is­ins“.

Samstilltar símhringingar blaðamanna eru afhjúpandi vinnubrögð. Þegar Aðalsteinn Kjartansson og Þórður Snær Júlíusson, þáverandi ritstjóri Kjarnans og núverandi frambjóðandi Samfylkingar, lögðu til atlögu við Pál skipstjóra Steingrímsson var verklagið það sama,  samstilltar símhringingar. Helgi Seljan var einnig aðili að samstilltum símhringingum þegar taka átti æru, mannorð og lífsviðurværið af Hreiðari Eiríkssyni lögmanni.

Seinna sannfærandi atriðið í yfirlýsingu Jóns Gunnarssonar er þetta:

Um helg­ina fékk ég tölvu­póst frá Aðal­steini á Heim­ild­inni þar sem hann lagði fyr­ir mig sjö spurn­ing­ar, sem ljóst er að byggja á efni úr sam­tali son­ar míns við „fjár­fest­inn“.

Blaðamenn af þeirri sort sem hér um ræðir skilja alltaf eftir sig slóð. Jón hefur áttað sig á, út frá spurningum Aðalsteins, hvernig hann hefur fengið upplýsingarnar sem eru forsendur spurninganna.

Vinnubrögð Aðalsteins Kjartanssonar og Helga Seljan gagnvart Jóni Gunnarssyni og fjölskyldu hans eru ekki ný af nálinni. Í grunninn er þetta sama aðferðafræðin og í byrlunar- og símamálinu. Siðlausar og ólöglegar aðgerðir gegn fjölskyldum sem blaðamenn gera að skotmörkum.

Blaðamenn komast upp lögleysu og siðleysi vegna þess að þeir eiga sterka pólitíska bakhjarla. Þórður Snær var verðlaunaður fyrir frammistöðu sína í byrlunar- og símamálinu með vænlegu þingmannssæti á lista Samfylkingar.

 

 

Sakar Heimildina um þátttöku í að hlera son sinn

Þórður Snær um smiði, pípara og Kristrúnu

Sakborningur í byrlunar- og símamálinu, Þórður Snær Júlíusson, fyrrum ritstjóri Heimildarinnar, blandar sér í umræðuna fjármagnstekjur. Þórður Snær er frambjóðandi Samfylkingar, situr í þriðja sæti á lista flokksins í Reykjavík-norður. Kristrún formaður er í fyrsta sæti.

Þórður Snær gagnrýnir á X þá framsetningu að Samfylkingin hyggst auka skattbyrði einyrkja, s.s. hársnyrta, smiða og pípara. Kristrún formaður Samfylkingar var ekki einyrki heldur starfaði hún hjá Kviku banka og taldi fram hluta launa sinna sem fjármagnstekjur. Þannig lækkaði hún skattbyrði sína:

Kristrún Frostadóttir varð uppvís að skattsvikum vorið 2023. Hún taldi fram 101 milljón króna sem fjármagnstekjur en ekki launatekjur. Með röngu framtali lækkaði Kristrún skatta sína um 25 milljónir króna.

Þórður Snær, Kristrún og skattafylkingin ættu kannski að líta í eigin barm og fylgja landslögum áður en lagt er til atlögu við heiðarlegt launafólk.

Munu skattleggja hárgreiðslufólk, smiði og pípara

Þórdís Kolbrún er pólitískur óviti

Vísir rifjar upp að Þórdís Kolbrún utanríkisráðherra kallaði Donald Trump ,,fordómafullan fábjána." Afsökun ráðherra er að ummælin eru níu ára gömul. En það er aðeins eitt ár síðan að Þórdís Kolbrún hóf einkastríð gegn Rússlandi. Hún lokaði sendiráði Íslands í Moskvu með vísun í Úkraínustríðið. Ekkert annað ríki gerði neitt sambærilegt.

RT-fréttastofan rússneska fjallaði ítarlega um hvernig Þórdís Kolbrún stóð að lokun sendiráðsins fyrir hönd íslensku þjóðarinnar. Að leggja niður sendiráð er eitt, stundum eru þau óþörf. En að loka sendiráði Íslands í höfuðborg Rússlands með vísun í Úkraínustríðið er stórpólitískt mál. Tilfallandi bloggaði sumarið þegar pólitískur óviti í nafni Íslendinga skellti hurðum í Moskvu:

Hvers vegna ætti Ísland að ögra Rússlandi? Samskipti þjóðanna hafa ávallt verið vinsamleg. Rússar opnuðu markaði sína á sovéttímanum þegar við áttum í landhelgisdeilu Breta, sem beittu okkur viðskiptaþvingunum.

Jú, kynni einhver að segja, Rússar réðust inn í Úkraínu. Síðan hvenær eru stríð í útlöndum rök fyrir lokun íslenskra sendiráða? Bræðraþjóðir í austurvegi þjarka um landamæri, öryggishagsmuni og réttindi þjóðarbrota. Það er leitt, eins og öll átök, ekki síst þau er kosta mannslíf, en koma Íslendingum ekkert sérstaklega við.

Einkastríð Þórdísar Kolbrúnar er pólitísk dygðaflöggun til heimabrúks.

Þriðja atriðið sem sýnir Þórdísi Kolbrúnu sem pólitískan óvita er að síðustu vikurnar fyrir stjórnarslit notaði hún til að þvinga í gegnum alþingi stórfellt valdaframsal frá Íslandi til ESB, bókun 35.

Pólitíski óvitinn flutti sig um kjördæmi fyrir þessar kosningar, fór úr NV-kjördæmi í SV-kjördæmi. Þórdís Kolbrún ætlar sér sem varaformaður Sjálfstæðisflokksins að taka við formennsku af Bjarna Ben.

Þórdís Kolbrún talar, og hagar sér, eins og pólitískur aktívisti djúpt sokkinn í vælumenningu vóksins. Hún er ekki borgaralegur stjórnmálamaður frekar en Gunnar Smári.

Sjálfstæðisflokkurinn stendur höllum fæti, að ósekju að mati tilfallandi, sem er kjósandi í SV-kjördæmi, og hefur einatt og iðulega varið Sjálfstæðisflokkinn ómaklegri gagnrýni. Framboðslista með Þórdísi Kolbrúnu er aftur ekki hægt að kjósa. 

Trump-sigur: leiðrétting ekki bakslag

Vinstrimenn segja afgerandi sigur hægrimanna í Bandaríkjunum, undir forystu Donald Trump, vera bakslag. Greiningin byggir á þeirri forsendu að vinstrið sé ,,réttu" megin í sögulegri þróun en hægrimenn séu rangstæðir. Blasir þó við að vinstrimenn hafa verið röngu megin sögunnar allt frá dögum Karls Marx.

Vinstrimenn líta á sigur Trump sem harmleik. Vinstriútgáfan Guardian veitir blaðamönnum sínum áfallahjálp. En sleppum dramatíkinni og ræðum nánar meint bakslag. Fyrrum ráðherra í ríkisstjórn Jóhönnu Sig., einu hreinu vinstristjórnarinnar í lýðveldissögunni, Gylfi Magnússon hagfræðiprófessor, notar einmitt þetta orð, bakslag, í greiningu á sigri Trump. Tvö fyrstu bakslögin sem Gylfi nefnir eru manngert veðurfar, meint hamfarahlýnun af mannavöldum, og Úkraínustríðið.

Trump-sigur er leiðrétting á pólitík, undir yfirskini vísinda, um að maðurinn stjórni veðurfari jarðkringlunnar með útblæstri á koltvísýringi, CO2. Þetta er rangt. Um 97 prósent af koltvísýringi andrúmsloftsins er náttúrulegur, aðeins um 3 prósent stafa af mannlegri starfsemi. Lofttegundin er ómissandi lífríkinu, án CO2 yrði jörðin óbyggileg. Meðalhiti jarðar hefur hækkað um 0,1 gráðu á áratug frá litlu ísöld sem lauk um 1880-1900. Hækkunin nemur einni gráðu á öld sem hvorki er hröð loftslagsbreyting né hamfarir. Vinstrimenn halda á lofti firrunni um manngerða hlýnun til að réttlæta skattahækkanir og inngrip í líf borgaranna með margvíslegu reglugerðafargani. Yfir 1900 vísindamenn skrifa upp á yfirlýsingu um það sem öllum læsum er augljóst: það er engin loftslagsvá.

Trump-sigur er leiðrétting á fádæma hrokafullri utanríkispólitík Bandaríkjanna, Nató og ESB gagnvart Rússlandi. Á Nató-fundi í Búkarest í apríl 2008 var samþykkt sú stefna að Úkraínu skyldi boðin aðild að hernaðarbandalaginu. Gagnvart Rússlandi var Búkarest-samþykktin stríðsyfirlýsing. Efnislega þýddi hún að Nató ætlaði sér að sitja með óvígan her vesturlandamæri Rússlands. Yfirstandandi Úkraínustríð hófst með vestrænni ógnun og lítt dulum hótunum um að beita hervaldi yrðu Rússar með múður. Í greiningu sinni endurtekur Gylfi vestræna drýldni um að Rússland sé ,,bláfátæk, gerspillt bensínstöð með kjarnorkuvopn."    

Gylfi tæpir á fleiri atriðum sem hann telur Trump-sigur vita á, t.d. að erfiðara verður fyrir Hamas-hryðjuverkasamtökin að fremja fjöldamorð. Vinstrimenn eru með böggum hildar að hryðjuverkamenn þeim hugþekkir fái ekki að leika lausum hala og þjóna lund sinni. Það eitt segir nokkra sögu um hvar vinstrið er statt í siðmenningunni.

Eitt atriði nefnir Gylfi þó ekki, sem ætti honum að vera skylt, enda Gylfi háskólaprófessor.

Trump-sigur er leiðrétting á helstefna háskólanna undir formerkjum fjölbreytileika, jafnaðar og inngildingar. Tilfallandi skrifaði um fyrirbærið í vor:

Frjáls gagnrýnin hugsun, og þar af leiðandi frjáls umræða, á undir högg að sækja í háskólasamfélaginu. Frá útlöndum, einkum henni Ameríku, koma boðorðin um fjölbreytileika, jöfnuð og inngildingu (diversity, equity, inclusion). Á yfirborðinu falleg orð en kjarni þeirra er alræðishyggja. Frjáls hugsun skal víkja, banna, ef einhver móðgast. Einkum og sérstaklega ef sá móðgaði segist tilheyra bágindahópi af einhverri sort. Úr verður aumingjavald sem með hugsanalögreglu sér til halds og trausts kæfir frjálsa hugsun. Menn eiga ekki að hugsa gagnrýnið heldur tileinka sér dáðleysi frammi fyrir rétttrúnaði. Kapphlaupið er niður á við, markmiðið er að allir verði botnfall.

Hugmyndafræði vinstrimanna hefur verið ríkjandi alltof, allof lengi. Bandarískir hægrimenn undir forystu Trump reisa skorður við vinstriöfgum sem trölliðið hafa vestrænni stjórnmálamenningu um langan aldur. Löngu tímabært var að leiðrétta hugmyndafræði eymdarinnar. 

 

 

Trump kominn með 294 kjörmenn